ރާއްޖޭގެ ފުޓްބޯޅަ ކުރިއެރުވުމަށް ކުރާ މަސައްކަތަށް ފީފާގެ ރައީސް އިންފަންޓީނޯގެ ތައުރީފު

Oct 24, 2025, 2:51 PM
ރާއްޖޭގެ ފުޓްބޯޅަ ކުރިއެރުވުމަށް ކުރާ މަސައްކަތަށް ފީފާގެ ރައީސް އިންފަންޓީނޯގެ ތައުރީފު

ރާއްޖޭގެ ފުޓްބޯޅަ އަށް ފާއިތުވި އަހަރުތަކަކީ ގޮންޖެހުން ބޮޑު ދުވަސްތަކެއް ކަމަށާއި މިހާރު ރާއްޖޭގެ ފުޓްބޯޅަ އެސޯސިއޭޝަން، އެފްއޭއެމުން ކަންކަން ރަނގަޅުކޮށް، ފުޓްބޯޅަ ކުރިއަރުވަން ކުރާ މަސައްކަތާ މެދު ފީފާގެ ރައީސް ޖިއާނީ އިންފަންޓީނޯ ހިތްހަަމަޖެހޭ ވިދާޅުވެއްޖެ އެވެ.

ފީފާގެ ރައީސް އިންފަންޓީނޯ ރާއްޖެ އަށް ކުރައްވާ އެއް ދުވަހުގެ ދަތުރުފުޅުގެ ތެރޭގައި، މިއަދު މެންދުރު ފަހު ވަނީ ރައީސް އޮފީހުގައި، ރާއްޖޭގެ ރައީސުލްޖްމްހޫރިއްޔާ ޑރ. މުހައްމަދު މުއިއްޒުއާ އެކު، ބައްދަލުވުމެއް ބާއްވައިފަ އެވެ. ރައީސް މުއިއްޒު ވަނީ، ވަގުތު ހުސްކުރައްވައިގެން ރާއްޖެ އަށް، އިންފަންޓީނޯ ވަޑައިގެންނެވުމުން އެ ކަމަށް ޝުކުރު އަދާކުރައްވައިފަ އެވެ.

އެ ގޮތުން، އިންފަންޓީނޯ ވިދާޅުވީ، މިވޭތުވެދިޔަ އަހަރުތަކުގައި ރާއްޖޭގެ ފުޓްބޯޅަ އަށް ގޮންޖެހުންތަކެއް ކުރިމަތިވެފައިވާކަން ޤަބޫލުކުރައްވާ ކަމަށެވެ. ނަމަވެސް މިހާރު، އެފްއޭއެމްގެ އާ ލީޑަޝިޕާ އެކު، އަންނަމުންދާ ކުރިއެރުންތަކާ މެދު ހިތްހަމަޖެހޭ ކަމަށް އޭނާ ވިދާޅުވެފައިވެ އެެވެ.

އޭގެ އިތުރުން، އެފްއޭއެމްގެ މިހާރުގެ އިސްވެރިންގެ މަސައްކަތަށް އިންފަންޓީނޯ ތައުރީފުކުރެއްވިއިރު، އޭނާ ރާއްޖޭގެ ފުޓްބޯޅައިގެ ކުރިއެރުމަށް، ފީފާއިން ދެމުންދާ އެއްބާރުލުން އަބަދުވެސް ދެމިއޮންނާނެ ކަމުގެ ޔަގީންކަން ދެއްވައިފަ އެވެ.

އަދި، ރާއްޖޭގެ ޒުވާނުންގެ ފުޓްބޯޅައިގެ ހުނަރު ތަރައްގީ ކުރުމުގެ މުހިންމުކަން ފާހަގަކުރައްވައި، އިންފަންޓީނޯ ވިދާޅުވީ، މުޅި ދުނިޔެ އަށް، ރާއްޖޭގެ ގުދުރަތީ ރީތިކަމާއި އެއްވަރަށް ފުޓްބޯޅައިގައި ހޯދާ ކާމިޔާބީ ވެސް ވިދާލާނެ ކަމަށެވެ.

ރައީސް މުއިއްޒު ވިދާޅުވީ، މި ސަރުކާރުން ރާއްޖޭގެ ފުޓްބޯޅަ ތަރައްގީ ކުރުމަށް ހާއްސަ އަހައްމިއްޔަތެއް ދޭ ކަމަށާއި، ފުޓްބޯޅަ އަކީ ދިވެހިންގެ އެންމެ މަގުބޫލު ކުޅިވަރު ކަމަށެވެ. އަދި، ދިވެހި ރައްޔިތުންގެ މެދުގައި އެއްބައިވަންތަކަން އާލާކުރުމުގައި ފުޓްބޯޅަ އަކީ މުހިންމު ބާރެއްކަމަށް ވެސް ރައީސް ވަނީ ވިދާޅުވެފަ އެވެ.

މީގެ އިތުރުން، މި ސަރުކާރުން، ރާއްޖޭގެ އެކި ސަރަހައްދުތަކުގައި މި އަހަރާއި އަންނަ އަހަރު، ކުޅިވަރުގެ ދާއިރާ ތަރައްގީ ކުރުމަށް ކުރާ އުމުރާނީ މަސައްކަތްތަކާއި އެހެނިހެން ކަންކަމުގެ މަޢުލޫމާތު ރައީސް މުއިއްޒު ވަނީ ފީފާގެ ވަފުދަަށް ހިއްސާކުރައްވައިފަ އެވެ.

ފުޓްބޯޅައިގެ ކުރިމަގަށް ކުރާ މަސައްކަތުގައި އެފްއޭއެމް އިން ކުރާ ކަންކަމަށް ސަރުކާރުގެ އެއްބާރުލުން ލިބޭނެ ކަމަށް ރައީސް މުއިއްޒު ވަނީ ފީފާ އަށް ޔަގީންކަން ދެއްވައިފަ އެވެ.

ދުނިޔޭގެ ފުޓްބޯޅައިގެ މައި ޖަމިއްޔާގެ ރައީސަކު، ރާއްޖެ އަށް މި ވަޑައިގަންނެވީ 19 އަހަރަށް ފަހު އެވެ. އެންމެ ފަހުން ފީފާގެ ރައީސަކު ރާއްޖެ އަށް ވަޑައިގެންނެވީ 2006 ވަނަ އަހަރު، އޭރުގެ ރައީސް ސެޕް ބްލެޓާ އެވެ.

އިންފަންޓީނޯ އާއި ރައީސް މުއިއްޒު ވަނީ، މިއަދު ހަވީރު ގަލޮޅު ދަނޑުގައި ކުރިއަށްދިޔަ ފުޓްބޯޅަ ފެސްޓިވަލްގެ ތެރެއިން ކުޅުނު ހާއްސަ މެޗުގައި ކުޅުއްވައިފަ އެވެ. ރައީސް މުއިއްޒުގެ ޓީމަކާއި ފީފާގެ ޓީމެއްގެ ދެ މެޗުގައި ކުޅެވުނު މި މެޗުން މޮޅުވީ ފީފާގެ ޓީމެވެ.

މިއަދު ކުރިއަށްދިޔަ މި ފެސްޓިވަލްގެ ތެރެއިން، ރައީސް މުއިއްޒު އާއި ފީފާގެ ރައީސް އިންފަންޓީނޯ ވަނީ ރާއްޖޭގެ ފުޓްބޯޅައިގެ އަލިމަސް ޔޫބީލް (75 އަހަރު ފުރުން) ކުލަގަދަކޮށް ފާހަގަ ކުރުމަށް އެކުލަވާލި، ޑައިމަންޑް ޖޫބިލީގެ އިވެންޓްގެ ލޯގޯ އިފްތިތާހުކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox