ބެންޖޯގެ އޮތީ "އީގަލްސްގެ ގޮތުގައި" ކުރިއަށްގެންދިއުމުގެ އަމާޒު

Oct 19, 2025, 10:06 AM
ބެންޖޯގެ އޮތީ "އީގަލްސްގެ ގޮތުގައި" ކުރިއަށްގެންދިއުމުގެ އަމާޒު

ރާއްޖޭގެ ފުރަތަމަ ޑިވިޝަނުގައި އޭނާގެ ކޯޗިން ކެރިއަރު ފަށަން ބަލާއިރު، ހަވާލުވި ޓީމު ކަމަށްވާ ކްލަބް އީގަލްސް އޮތީ އެންމެ ރަނގަޅު ހާލަތުގައި ނޫން ކަމުގަައި ވިޔަސް ރަނގަޅު މަަސައްކަތްތަކެއްކޮށް "އީގަލްސްގެ ގޮތުގައި" އެ ޓީމު ކުރިއަށްގެންދެވޭނެ ކަމަށް އެ ކްލަބްގެ ކޯޗުގެ ޒިންމާއާ ހަވާލުވި އަބްދުﷲ ހަނީފް (ބެންޖޯ) ބުނެފި އެވެ.

މި ފަހަރުގެ ސީޒަން ފަށަން ކުޅުނު ޗެރިޓީ މެޗު ހިމެނޭ ގޮތަށް ސީޒަނުގައި މިހާތަނަށް ކުޅުނު ހަތަރު މެޗުން އީގަލްސް މޮޅުވެފައިނުވެ އެވެ. އެއް މެޗުން އެއްވަރުވިއިރު، ތިން މެޗުން ވަނީ ބަލިވެފަ އެވެ. އީގަލްސް މި ވަގުތު އޮތީ 10 ޓީމު ވާދަކުރާ ދިވެހި ޕްރިމިއާ ލީގު ތާވަލުގެ ނުވަ ވަނައިގައި އެއް ޕޮއިންޓާ އެކު އެވެ.

"އަސްލު މި ވަގުުތު އެންމެ މުހިންމީ، ހަމަ، އީގަލްސް، ކުރީގެ އީގަލްސްގެ ގޮތުގައި، އީގަލްސް ބިލީވް (އަމިއްލަ އަށް އިތުބާރު ދެމެހެއްޓުން) ކުރުން. އެއީ މި ވަގުތު އެންމެ ބޭނުންވާ އެއްޗަކީ، އެ ކަންތައް ކުރުމަށް އަޅުގަނޑު މި މަސައްކަތް ކުރަނީ، އިރާދަކުރެއްވިއްޔާ އީގަލްސްގެ ގޮތުގައި އީގަލްސް ފެންނާނެ،" ކުރިން އީގަލްސް އަށް ކުޅެ، އެ ޓީމުގެ ކޯޗުގެ ޒިންމާއާ ހަވާލުވި ބެންޖޯ ބުންޏެވެ.

Advertisement

ރާއްޖޭގެ ފުޓްބޯޅަ ސީޒަން ދެ އަހަރުގެ މެދުކެނޑުމަކަށް ފަހު، މީގެ މަހެއްހާ ދުވަސް ކުރިން ފެށިއިރު، އީގަލްސް އިން މި ފަހަރުގެ ސީޒަނަށް ޕްރީ ސީޒަންގެ ތައްޔާރީތައް ފެށީ މުހައްމަދު ޝިޔާޒް (މޯހަން)އާ އެކު އެވެ. އެކަމަކު، މޯހަން، ގައުމީ ފުޓްބޯޅަ ޓީމުގެ ކޯޗުކަމާ ހަވާލުވުމާ އެކު، އީގަލްސްގެ ހެޑް ކޯޗެއްގެ ޒިންމާނަގައި، އެ މަގާމާ ހަވާލުވީ، އެ ޓީމަށް ގިނަ ފަހަރުތަކެއް މަތިން މީގެ ކުރިން ވެސް ކޯޗުކޮށްދީފައިވާ އަހުމަދު ނިމާދު (ނިމާ) އެވެ. ނިމާ މަގާމުގެ ޒިންމާތަކުން އެއްކައިރިވުމުން، މިހާރު އެކަން ހަވާލުވެފައި އޮތީ ކޯޗިން ކެރިއަރެއް ބިނާކުރަމުން އަންނަ ބެންޖޯ އަށެވެ.

"މީގެ އަޅުގަނޑު ހަވާލުވުމުގެ ކުރިން ވެސް ދެ ކޯޗުން މަސައްކަތްކޮށްފައި އެބައިން، ދެން އެހެންވީމަ، ޕްރީ ސީޒަނަށް ކޮންމެ ވެސް ވަރެއްގެ މަަސައްކަތެއް ކޮށްފައި ކަމަށް މި ބަލަނީ. ދެން، ދެ ކޯޗުންނަށް ވެސް މި ފުރުސަތުގައި ޝުކުރު ދަންނަވަން،" ބެންޖޯ ބުންޏެވެ.

"ދެން، މި ކޮންމެ ގޮތެއް ވިޔަސް އީގަލްސް މި ވަގުތު މި އޮތް ހާލަތަކީ އަސްލު އެހާ ރަނގަޅު ހާލަތެއް ނޫން އީގަލްސް އަށް ބަލާއިރު، އެހެންވީމަ މީގެ އޮންނާނެ ގޮތަކީ މަސައްކަތް ކޮށްގެން މި ހާލަތުން އަރައިގަތުން. ދެން، އެ މަސައްކަތް މިހާރު މި ކުރަނީ، އިރާދަކުރެއްވިއްޔާ، އީގަލްސްގެ މި ހާލަތު ބަދަލުކުރާނަން،"

ރާއްޖޭގެ ފުޓްބޯޅައިގެ އެންމެ މަތީ ފަންތީގައި 19 އަހަރު ހޭދަކުރި ބެންޖޯ ފުޓްބޯޅަ އިން ރިޓަޔާކުރީ މީގެ ދެ އަހަރެއްހާ ދުވަސްކުރިން، 2023 ވަނަ އަހަރު އެންމެ ފަހުން އީގަލްސް އަށް ކުޅުމަށް ފަހު އެވެ. އީގަލްސް ޓީމުގައި މި ވަގުތު އޮތް ސްކޮޑުގެ މެޖޯރިޓީ އަކީ ބެންޖޯއާ އެކު އެއް ޓީމަކަށް ކުޅެފައިވާ ކުޅުންތެރިންނެވެ.

ބެންޖޯ ބުނީ، އެއީ އެޑްވާންޓޭޖެއް ކަމަށާއި ޓީމުގައި ތިބި ސީނިއާ ކުޅުންތެރިންނާ ގުޅިގެން މިހާރު އޮތް ހާލަތު ބަދަލުކުރަން ރަނގަޅު މަސައްކަތެއް ކުރެވޭނެ ކަމަށެެވެ. ކޮންމެ ކޯޗެއް ވެސް އެ މީހެއްގެ ވިސްނުމާ އެއްގޮތަށް ބަދަލުތަކެއް ގެންނާނެ ކަމަށާއި އީގަލްސް އިން ވެސް އެކަން ފެނިގެންދާނެ ކަމަށް ބެންޖޯ ވަނީ ފާހަގަކޮށްފަ އެވެ.

"ހާއްސަކޮށް އީގަލްސް މިހާރު މި އޮތް ހާލަތުން ބަދަލުތަކެއް ގެންނަން ޖެހޭ. އެހާ ރަނގަޅަކަށް ނޫން ކަންނޭނގެ އީގަލްސްއާ ދޭތެރޭ ޓޭބަލް މި ފެންނަނީ އެންމެ ޕޮއިންޓެއް، ބަދަލުތަކެއް އަންނާނެ،" ބެންޖޯ ބުންޏެެވެ.

ނަތީޖާ ނުނެރެވުމުގެ މައްސަލަތަކުގެ އިތުރުން އީގަލްސް އަށް އަނިޔާގެ މައްސަލަަތައް ވެސް ވަނީ ކުރިމަތިވެފަ އެވެ. އެ ގޮތުން، ނިޝާމް މުހައްމަދު ރަޝީދު (ޕޮގްބާ) އާއި އިމްރާން ނަޝީދު (އިންމަ) ހުރީ ސީރިއަސް އަނިޔާއެއްގަ އެެވެ. މުހިންމު ކުޅުންތެރިން އަނިޔާގައި ތިބިކަން ވެސް ފާހަގަކޮށް، ބެންޖޯ ބުނީ ޝަކުވާއެއް ކުރަން ބޭނުންނުވާ ކަމަށާއި ދިގު ސީޒަނެއް ކުޅޭއިރު އަނިޔާގެ ކަންކަން ވެސް އަންނާނެކަން ގަބޫލުކުރަން ޖެހޭ ކަމަށެވެ.

"އެ ކަމަށް މާ ބޮޑަށް ނުބަަލައި ތިބި ކުޅުންތެރިން ގޮވައިގެން ކުރިއަށްދެވޭތޯ ބަލަނީ،" ބެންޖޯ ބުންޏެވެ.

ބެންޖޯގެ ކޯޗުކަމުގައި އީގަލްސް ފުރަތަމަ މެޗުގައި މާދަމާ ހަވީރު ކުޅޭނީ މި ފަހަރު ފުރަތަމަ ޑިވިޝަނުގައި އަލަށް ވާދަކުރާ އޮޑި ސްޕޯޓްސް ކްލަބާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox