މޯހަންގެ ތައުރީފު ކުޅުންތެރިންނަށް، ލަންކާ ކޯޗު ދެއްކީ ދިވެހި ސަޕޯޓަރުން ގިނަ ވާހަކަ

Sep 7, 2025, 3:13 AM
މޯހަންގެ ތައުރީފު ކުޅުންތެރިންނަށް، ލަންކާ ކޯޗު ދެއްކީ ދިވެހި ސަޕޯޓަރުން ގިނަ ވާހަކަ

ކޮލަމްބޯގައި ސްރީ ލަންކާއާ ދެކޮޅަށް ކުޅޭ ސައުތު އޭޝިއަން ސުޕަ ކަޕްގެ ފުރަތަމަ މެޗުގައި ރާއްޖޭން 3-0 އިން މޮޅުވުމުން ރާއްޖޭގެ ކޯޗު، މުހައްމަދު ޝިޔާޒް (މޯހަން) ރާއްޖޭގެ ކުޅުންތެރިންނަށް ތައުރީފުކުރިއިރު، ލަންކާގެ ކޯޗު، ކުވެއިތުގެ އަބްދުﷲ އަލް މުތައިރީ ދިވެހި ސަޕޯޓަރުން ގިނަ ވާހަކަ ދައްކައިފި އެވެ.

މޯހަން، ގައުމީ ޓީމާ ހަވާލުވި ފަހުން ކުޅުނު ފުރަތަމަ މެޗުގައި ލަންކާ ބަލިކުރިއިރު، ރާއްޖޭން މި ވަނީ ފަސް މެޗަށް ފަހު، ބައިނަލްއަގުވާމީ ލެވަލްގައި މޮޅެއް ހޯދައިފަ އެވެ. އެންމެ ފަހުން ބައިނަލްއަގުވާމީ މެޗަކުން ރާއްޖެ މޮޅުވީ މިދިޔަ އަހަރު ނޮވެމްބަރު މަހު ބަންގްލަދޭޝް އަތުންނެވެ.

"އަހަރެމެންނަށް މި މޮޅު މި ލިބުނީ (މިހާރު އޮތް ހާލަތަށް) އެއްވެސް ވަރަކަށް ބެލުމެއް ނެތި، އެ ކުޅުންތެރިން ކުރެވެން ހުރި އެންމެ ރަނގަޅަކަށް މަސައްކަތް ކުރުމުން، އަލްހަމްދުލިއްލާހި،" 1995-2008 އަށް ގައުމީ ޓީމުގެ އެސިސްޓަންޓް ކޯޗުކަން ކުރި މޯހަން ބުންޏެވެ.

އޭނާ ބުނީ، ފުރަތަމަ މެޗުގެ ވާހަކަ މިހާ ހިސާބުން ނިމުނީ ކަމަށާއި ދެން އޮތީ އާ ފެށުމަކުން، އަންގާރަ ދުވަހު އޮތް ދެ ވަނަ މެޗަށް ތައްޔާރުވުމުން ކަމަށެވެ. އަދި، ކުޅުންތެރިންް ކުރި ހިތްވަރުން އުންމީދު ބޮޑު ކަމަށް ވެސް މޯހަން ވަނީ ބުނެފަ އެވެ.

ލަންކާގެ ކޯޗު މުތައިރީ ގާތުގައި މެޗުން ގޯސްކޮށްދިޔައީ ކޮންކަމެއްތޯ ސުވާލުކުމުން، އޭނާ ބުނެފައިވަނީ، މެޗު ކުޅުނު ކޮލަމްބޯގެ ރޭސްކޯސް ސްޓޭޑިއަމްގައި، ލަންކާ ސަޕޯޓަރުންނަށް ވުރެން ދިވެހި ސަޕޯޓަރުން މާ ގިނަ ކަމަށެވެ.

"މިއީ އަހަރެމެންގެ ދަނޑު، އެކަމަކު މިތަނުގައި ގިނައީ ދިވެހި ސަޕޯޓަރުން. އަހަރެމެންނަށް އަމިއްލަ ދަނޑުގައި ކުޅުމުގެ އިހުސާސެއް ނުކުރެވުނު. އަހަންނަށް ގިނައިން އިވުނީ ވެސް ރާއްޖޭގެ ސަޕޯޓަރުންގެ އަޑު. އަހަރެމެންގެ ސަޕޯޓަރުން ތިބީ ހަމައެކަނި މެޗު ބަލާލަން އައިސް،" މުތައިރީ ބުންޏެވެ.

ރާއްޖެއާ ދެކޮޅަށް ކުޅުނު 23 މެޗުގެ ތެރެއިން ލަންކާ މޮޅުވީ ތިން މެޗުންނެވެ. ދިހަ މެޗު އެއްވަަރުވިއިރު، ރާއްޖޭން 10 މެޗުން މި ވަނީ މޮޅުވެފަ އެވެ. ލަންކާ އިން އެންމެ ފަހުން ބައިނަލްއަގުވާމީ ފުޓްބޯޅައިގައި ރާއްޖެ ބަލިކުރީ 2002 ވަނަ އަހަރުގެ އޭޕްރީލް މަހުގަ އެވެ. ތޭވީސް އަހަރަށް ފަހު ރާއްޖެ ބަލިކުރަން ލަންކާ އިން ބޭނުންވާ ކަމަށް މެޗުގެ ކުރިން މުތައިރީ ވަނީ ބުނެފަ އެވެ. އެކަމަކު، އަނެއްކާ ވެސް މި ވަނީ އިންތިޒާރު ދިގުލައިފަ އެވެ.

މި މަހު ލަންކާގައި ސުޕަ ކަޕް ކުޅެން ފުރަތަމަ ރޭވީ ހަތަރު ގައުމުގެ މެދުގަ އެވެ. އެކަމަކު، ބޫޓާނާއި ބަންގްލަދޭޝް ބައިވެރިނުވުމުން، ލަންކާ އާއި ރާއްޖޭގެ ދެ މެޗަށް މި މުބާރާތް ބަދަލުކުރީ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox