ގައުމީ ޓީމަށް ބަދަލު އަންނާނެ، ނަމަށް ބަލާފައި ޓީމަށް ނުނަގާނެ

Sep 3, 2025, 1:16 PM
ގައުމީ ޓީމަށް ބަދަލު އަންނާނެ، ނަމަށް ބަލާފައި ޓީމަށް ނުނަގާނެ

ގައުމީ ފުޓްބޯޅަ ޓީމަށް ކުރިއަށް އޮތަނުގައި ބަދަލުތަކެއް އަންނާނެ ކަމަށާއި ހަމައެކަނި ނަމަށް ބަލައިގެން ގައުމީ ޓީމުގައި ހިމެނޭނެ އެއްވެސް ކުޅުންތެރިއެއް ނުހުންނާނެ ކަމަށް ގައުމީ ފުޓްބޯޅަ ޓީމުގެ ކޯޗު މުހައްމަދު ޝިޔާޒް (މޯހަން) ބުނެފި އެވެ.

ގައުމީ ޓީމަށް މި އަހަރު އޮތް މެޗުތަކަށް ކޯޗަކަށް ހަމަޖެއްސި މޯހަން އެންމެ ފުރަތަމަ ނުކުންނާނީ މި މަހު، 6 އާއި 9 ވަނަ ދުވަހު ކޮލަމްބޯގައި ސްރީ ލަންކާއާ ދެކޮޅަށް ކުޅޭ ސައުތު އޭޝިއަން ސުޕަ ކަޕްގެ ނަމުގައި ކުޅޭ ދެ މެޗަށެެވެ.

އެ މެޗުތަކުގައި ކުޅެން، ލަންކާ އަށް މާދަމާ ފުރުމުގެ ކުރިން، މިއަދު ބޭއްވި ފަހު ޕްރެކްޓިސްގެ ކުރިން ބޭއްވި ނޫސްވެރިންގެ ބައްދަލުވުމުގައި، މޯހަން ބުނީ، ރާއްޖޭގެ ފުޓްބޯޅަ މިހާރު އޮތް ހާލަތަށް ބަލައި، ލީގު ވެސް ނުފެށި އޮއްވައި، ހަ ވަރަކަށް ޕްރެކްޓިސްކޮށްގެން މި ވަގުތަށް ބަލާއިރު، ރަނގަޅު މަސައްކަތްތަކެއް ކުރެވިފައިވާ ކަމަށެވެ.

"ކުރިއަށް އޮތްތާ ވެސް ޓީމަށް ނަގާނީ ޕްރެކްޓިސްތަކުގައި ވެސް، ކްލަބް ޕްރެކްޓިހުގައި ވެސް ދަނޑުމަތީ މި ކްލަބް މެޗުތަކުގައި ރަނގަޅަށް ކޮމިޓްމަންޓް ހުރި ރަނގަޅު ކުޅުންތެރިން، ކޮންމެހެން ނަމަން ބަލައިގެނެއް ނޫން ނަގާނީކީ ހަމަ، މެޗުތަކުގައި ރަނގަޅަށް ޕާފޯމްކުރާ ޕްރެކްޓިހުގައި ގޮސް ޕްރެކްޓިސް ރަނގަޅަށް ކުރާ ކުޅުންތެރިންގެ ހުރިހާ ކަމެއް ބަލާނަން،" މޯހަން ބުންޏެވެ.

ފުރަތަމަ ޑިވިޝަނުގެ ގިނަ ކްލަބްތަކަކަށް ވެސް ކޯޗުކޮށްދިން، ޕްރޯ ލައިސަންސް ކޯޗު، މޯހަން ބުނީ، ގައުމި ޓީމު ނެގުމުގައި ކްލަބްތަކާ ވެސް މަޝްވަރާ ކުރާނެ ކަމަށެވެ.

"ކްލަބްތަކުގެ ކޯޗުންނާ ވެސް އިރާދަކުރެއްވިއްޔާ މަޝްވަރާކޮށް ވާހަކަ ދެކެވިގެން ހަަމަ އަޅުގަނޑު ޓީމު ނަގާނީ، އެހެންވީމަ ބަދަލުތަކެއް އަންނާނެ އެކަމު މި ފަހަރު މުބާރާތެއް ނެތި ދާއިރު މާ ބޮޑު ބަދަލެއް ނައި ކަމުގައި ވިޔަސް މުސްތަގުބަލުގައި ގައުމީ ޓީމަށް ކޮންމެ ކުޅުންތެރިއަކަށް ވެސް ފުރުސަތު ހުޅުވިގެންދާނެ، އެއީ މަސައްކަތުންނޭ، ވަކި ނަމަކަށް ބަލާފަކައި ނެޝަނަލް ޓީމުގައި އިންނާނެ އެއްވެސް ކުޅުންތެރިއެއް ނީންނާނެ. އެ ގޮތަކަށް ނޫން އިންނާނީކީ، ނަމެއް ނޫން މުހިންމުވަނީކީ އެ ކުޅުންތެރިޔާ ކުރާ މަސައްކަތް، ދަނޑުމަތީގައި ކްލަބްގައި އެ ޕާފޯމްކުރާ ޕާފޯމަންސް، މި ހުރިހާ އެއްޗަކަށް ބަލައިގެން އަޅުގަނޑު ޓީމު ނަގާނީ،" މޯހަން ބުންޏެވެ.

ގައުމީ ފުޓްބޯޅަ ޓީމުން އެންމެ ފަހުން ކުޅުނު ފަސް މެޗުން ބަލިވެފައިވާއިރު، މި ދަނޑިވަޅަށް ބަލާނަމަ، ސްރީ ލަންކާއާ ދެކޮޅަށް ކުޅޭ ދެ މެޗު ވަރަށް މުހިންމެވެ. އަދި، ރާއްޖޭގެ ފުޓްބޯޅައިގެ އިތުބާރު އާންމުންގެ މެދުގައި ހޯދުމަށްޓަކައި ވެސް ގައުމީ ޓީމުން ރަނގަޅު ނަތީޖާތަކެއް ނެރެންޖެހޭ ކަމަށް މޯހަން ވެސް ގަބޫލުކުރެ އެވެ.

"މި އޮތް ހާލަތުން އަޅުގަނޑުމެން ޕަބްލިކަށް އެބަޖެހޭ އެއްޗެއް ސާބިތުކޮށްދޭން، އެއީ އެންމެ މުހިންމު އެއް ކަމަކީ،" މޯހަން ބުންޏެވެ.

ފުޓްބޯޅަ މިހާ ބޮޑަށް އަޑިއަޅާލި ސަބަބެއްގެ ގޮތުގައި ތަކުރާރުކޮށް މޯހަން ފާހަގަކުރި ކަމަކީ، އެއް އަހަރަށް ވުރެން ގިނަ ދުވަހު ފުޓްބޯޅަ ނުކުޅެ އޮތުމެވެ އޭގެ ސަބަބުން، ގައުމީ ޓީމުގެ ނަތީޖާތަކަށް ވެސް އަސަރުކުރި އެވެ.

ދެން މި ހުރިހާ ކަމެއް ވެސް މި އަންނަނީ ލީގު ނުކުޅެ، ނޫނީ މުބާރާތެއް ނުކުޅެ ކުޅުންތެރިން ތިބުމާ އެކީގައި އެ އަންނަ ދަތިތަކެއް އެ އަންނަ ދަތިތަކެއް އެ އަންނަނީ، މި ހުރިހާ ކަމަކަށް ބަލާފައި ވަރަށް ޗެލެންޖިން ހަމަ، އެންމެ އައިޑިއަލްކޮށް ތައްޔާރެއް ނުވެވޭ، އެންމެ އައިޑިއަލްކޮށް ކުޅުންތެރިންގެ ފިޓްނަސް އެއް ވެސް ނުއެއް ހުންނާނެ،" މޯހަން ބުންޏެވެ.

ހުރިހާ ގޮންޖެހުންތަކެއް ވެސް އެއްފަރާތްކޮށް، ޕްރެކްޓިހުގައި ކުޅުންތެރިން ދޭ އެއްބާރުލުން މޯހަން ވަނީ އުފަލާ އެކު ފާހަގަކޮށްފަ އެވެ.

"(ކުޅުންތެރިން) ވަރަށް ހިތްވަރު ކުރި ވަރަށް މަސައްކަތްކުރި، ޓެކްޓިކަލީ އަޅުގަނޑުމެންނަށް ތައްޔާރުވޭނެ އެންމެ ރަނގަޅަށް މި ހުރީ ތައްޔާރުވެވިފައި. ﷲ އިރާދަކުރެއްވިއްޔާ އުންމީދުކުރަނީ ދެ މެޗު ވެސް ކާމިޔާބުވާނެ ކަމަށް. ކުޅުންތެރިންނާ މެދު އިތުބާރު އެބައޮތް ފިޓްނަސް އެންމެ ރަނގަޅު ކަމަށް ނުވި ކަމުގައި ވިޔަސް މަސައްކަތުގެ ރޭޓު ދަނޑުމަތިން ފެންނާނެ ކަމަށް މި ބަލަނީ،" މޯހަން ބުންޏެވެ.

ގައުމީ ޓީމުން އެންމެ ފަހުން ލަންކާއާ ދެކޮޅަށް އެ ގައުމުގައި ކުޅެފައިވަނީ، 2021 ވަނަ އަހަރުގެ ފޯ ނޭޝަންސް ކަޕްގަ އެވެ. ރާއްޖޭން ހަތަރު ގޯލުގެ ލީޑެއް ނަގާފައިވަނިކޮށް ލަންކާ އިން ދެ ވަނަ ހާފުގައި 4-4 އިން އެއްވަރުކުރި އެވެ. އޭގެ ފަހުން، އޭޝިއަން ކަޕް ކޮލިފައިންގައި 2023 ވަނަ އަހަރު ރައްޖޭން 1-0 އިން ލަންކާ ބަލިކުރި އެެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox