ގައުމީ ޓީމަށް ދަތި ވަގުތެއް ނަމަވެސް މޯހަންގެ އަމާޒަކީ ލަންކާ އަތުން މޮޅުވުން

Aug 30, 2025, 3:19 AM
ގައުމީ ޓީމުގެ ޕްރެކްޓިހުގެ ތެރެއިން މޯހަން.--- ފޮޓޯ: އަތޫފް އާތިފް / އަދަދު ސްޕޯޓްސް

ގައުމީ ޓީމުގެ ޕްރެކްޓިހުގެ ތެރެއިން މޯހަން.--- ފޮޓޯ: އަތޫފް އާތިފް / އަދަދު ސްޕޯޓްސް

ރާއްޖޭގެ ލީގު ފުޓްބޯޅަ ހުއްޓިފައި އޮތުމުން މިއީ ގައުމީ ފުޓްބޯޅަ ޓީމަށް ދަތި ވަގުތެއް ކަމަށާއި އެހެން ނަމަވެސް އަމާޒަކީ އަންނަ މަހު ސައުތު އޭޝިއަން ސުޕަ ކަޕްގައި ސްރީ ލަންކާއާ ދެކޮޅަށް ކުޅޭ ދެ މެޗުން ވެސް މޮޅުވުން ކަމަށް ގައުމީ ޓީމާ ދާދި ފަހުން ހަވާލުވި ޕްރޯ ލައިސަންސް ކޯޗު، މުހައްމަދު ޝިޔާޒް (މޯހަން) ބުނެފި އެވެ.

އަންނަ މަހު ހަ ވަނަ ދުވަހާއި ނުވަ ވަނަ ދުވަހު ސްރީ ލަންކާގެ ކޮލަމްބޯ، ރޭސް ކޯސް ސްޓޭޑިއަމްގައި، ލަންކާއާ ދެކޮޅަށް ރާއްޖޭން ކުޅޭ މެޗުތަކަށް އިއްޔެ ވަނީ ޕްރެކްޓިސް ފަށައިފަ އެވެ. ސައްބީސް ކުޅުންތެރިންނާ އެކު ގައުމީ ޓީމުން ފަރިތަކުރުންތައް ކުރިއަށްގެންދާއިރު، އަންނަ މަހު ހަތަރެއްގައި ކޮލަމްބޯ އަށް މެޗުތައް ކުޅެން ފުރާނެ އެވެ.

"ހުރިހާ ބޭފުޅުންނަށް ވެސް އެނގިލައްވާނެ ދިވެހިރާއްޖޭގެ ފުޓްބޯޅަ މި ވަގުތު އޮތް ހާލަތު، ސީޒަނެއް ނުކުޅެ ވަރަށް ގިނަ ދުވަސް ދިއުމާ އެކީގައި، ކުޅުންތެރިންގެ ވެސް ހާލަތު (ހުރި ގޮތް) އިރާދަކުރެއްވިއްޔާ އުންމީދު މި ކުރަނީ، މިހާރު ހުރިހާ ކްލަބެއް ވެސް ޕްރެކްޓިސް ފަށައިގެން މި އުޅެނީ. މަޑުމަޑުން ރަނގަޅުވަމުން ދާނީ، އެކަމަކު ވެސް ދުވަސް ބޭނުންވާނެ. ދެން މި ދެ މެޗުގެ އުންމީދަކީ ދެ މެޗުން ވެސް މޮޅުވުން، ހުރި ހުރިހާ ދައްޗަކާ އުނދަގުލަކާ އެކީގައި ނަމަވެސް ކާމިޔާބީ ހޯދުން ހަމަ އެންމެ ބޮޑު މަގްސަދަކީ، ﷲ އިރާދަކުރެއްވިއްޔާ އެކަން ކުރުމަށް ތައްޔާރު މި ވަނީ،" ކުރިން ގައުމީ ފުޓްބޯޅަ ޓީމުގެ އެސިސްޓަންޓް ކޯޗުގެ މަގާމު އަދާކުރި މޯހަން ބުންޏެވެ.

މޯހަން ބުނީ ލަންކާއާ ދެކޮޅަށް ކުޅޭ މެޗުތަކަށް ތައްޔާރުވާން މާގިނަ ދުވަހެއް ނުލިބޭ ކަމަށާއި މި ލިބިފައި އޮތް ހައެއްކަ ދުވަހުގެ ބޭނުން އެންމެ ރަނގަޅަށް ހިފަން ކުޅުންތެރިންގެ އެއްބާރުލުމާއި އެހީތެރިކަން ލިބޭނެ ކަމަށެވެ.

ގައުމީ ސްކޮޑު އެކުލަވާލަން ބެލިއިރު، އަނިޔާގެ ސަބަބުން ގިނަ ކުޅުންތެރިންތަކެއް މި ވަގުތު ކުޅުމާ ދުރުގައި އެބަހުރި އެވެ. އެހެންވެ، މޯހަން ވަނީ ސްކޮޑުން ޒުވާން ކުޅުންތެރިންނަށް ފުރުސަތު ދީފަ އެވެ. އޭގެ ތެރެއިން އެއް ކުޅުންތެރިއަކީ 16 އަހަރުގެ މުހައްމަދު އިލާން އިމްރާން އެވެ.

"މާޒިޔާގައި މި އެންމެ ފަހުން ކުޅުނު މުބާރާތުގައި އެންމެ ރަނގަޅު ކުޅުމެއް ދެއްކި، އެންމެ ގިނަ ގޯލު ޖެހި ކުޅުންތެރިޔާ، ހަގު ކުޅުންތެރިއެއްގެ ވާހަކަ މި ދައްކަނީ، އިލާން. ކޮންމެ ކުޅުންތެރިއަކީ ވެސް ޕޮޓެންޝިއަލް ހުރި މުސްތަގުބަލު ހުރި ކުޅުންތެރިން، އެ ކުޅުންތެރިންގެ ފަރާތުން ވެސް ކުރިއެރުން ލިބޭނެ ސްކޮޑެއްގައި އެންމެ ހުނަރުވެރި ކުޅުންތެރިންނާ އެކީގައި ޕްރެކްޓިސް ކުރަން ލިބުމަކީ، އެ ކުޅުންތެރިންނަށް ލިބިގެންދާ ބޮޑު ކުރިއެރުމަކަށް ވެގެންދާނެ." ޒުވާން ގައުމީ ޓީމުތަކުގައި ވެސް މީގެ ކުރިން މަސައްކަތްކުރި މޯހަން ބުންޏެވެ.

"އެކަމަށް ބަލައިގެން އެންމެ ބޮޑު ކުރިއެރުމަކީ ޓެލަންޓް (ހުނަރު) ހުރި ކުޅުންތެރިން ހޯދައިގެން އެ ކުޅުންތެރިން ނެޝަނަލް ޓީމަށް މަޑުމަޑުން ރެޑީ ކުރުން، އެ މަގުސަދާ އެކީގައި އެ ކުޅުންތެރިން ސްކޮޑަށް ނަގާފައި އެ ހުރީ،"

ލަންކާ ދެ މެޗުގެ އިތުރުން، މި ވަގުތަށް ބަލާއިރު މޯހަން ދެން ގައުމީ ޓީމަށް އިރުޝާދުދޭނީ އޭޝިއަން ކަޕް ކޮލިފައިންގައި އަންނަ މަހު ތަޖިކިސްތާނާ ކުޅޭ ދެ މެޗާއި ނޮވެމްބަރު މަހު ފިލިޕީންސްއާ ދެކޮޅަށް ކުޅޭ މެޗުގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox