އަލް އަރާބި އާއި މާޒިޔާގެ ފަރަގަކީ ބަޖެޓާއި ތައްޔާރީތައް

Aug 12, 2025, 1:52 PM
މެޗަށް ފަހު އޮތް ނޫސްވެރިންގެ ބައްދަލުވުމުގައި ހެނާންޑޭޒް ވާހަކަ ދައްކަނީ.---- ފޮޓޯ: އަތޫފް އާތިފް / އަދަދު ސްޕޯޓްސް

މެޗަށް ފަހު އޮތް ނޫސްވެރިންގެ ބައްދަލުވުމުގައި ހެނާންޑޭޒް ވާހަކަ ދައްކަނީ.---- ފޮޓޯ: އަތޫފް އާތިފް / އަދަދު ސްޕޯޓްސް

އޭޝިއާގެ ފުޓްބޯޅަ ޖަމިއްޔާ، އޭއެފްސީގެ ތިން ވަަނަ ފަންތީގެ ކްލަބް ފުޓްބޯޅަ މުބާރާތް، އޭއެފްސީ ޗެލެންޖް ލީގުގެ ކޮލިފައިންގައި ކުވެއިތުގެ އަލް އަރާބިން ރާއްޖޭގެ ޗެމްޕިއަން، މާޒިޔާ ސްޕޯޓްސް އެންޑް ރެކްރިއޭޝަން 4-0 އިން ބަލިކުރި މެޗުގައި ދެ ޓީމުން ފެނުނު ތަފާތަކީ، ބަޖެޓާއި ތައްޔާރީތައް ކަމަށް މާޒިޔާގެ ކޯޗު ލުއިސްމާ ހެނާންޑޭޒް ބުނެފި އެވެ.

ކުވެއިތުގެ ޕްރިމިއާ ލީގުގެ ރަނަރަޕް، އަލް އަރަބިން ގަލޮޅު ދަނޑުގައި މިއަދު ކުޅުނު މެޗުގައި، މާޒިޔާ ބަލިކުރީ، ކޮންމެ ހާފެއްގައި ދެ ގޯލު ޖަހައިގެންނެވެ. މާޒިޔާ ކޮޅަށް ފުރަތަމަ ކޮޅުގައި ގޯލު ޖަހައި، އަލް އަރާބިން ކޮންޓްރޯލް ނަގައިގެން ކުޅެ، މެޗުގައި ނަތީޖާ ނެރެ، އޭއެފްސީ ޗެލެންޖް ލީގުގެ ގްރޫޕް ސްޓޭޖުން ފުރުސަތު ހޯދީ އެވެ.

Advertisement

މާޒިޔާ އިން މި މެޗަށް ނުކުތީ ބިދޭސީ ފަސް ކުޅުންތެރިން ފުރަތަމަ އެގާރައިގައި ހިމަނައިގެންނެވެ. އޭގެ ތެރޭގައި ހިމެނޭ، ސްޕެއިނުގެ މިޑްފީލްޑަރު، އައިރަމް ވިއޭރާ އާއި ސާބިއާގެ ފޯވާޑް މިލްޖާން އަކީ ފުރަތަމަ ފަހަރަށް މާޒިޔާ ޖޯޒީގައި ކުޅުނު ދެ ކުޅުންތެރިންނެވެ. ގޯލްކީޕަރަކަށް ހުރި މޮންޓަނެގްރޯގެ ނެމާންޏާ ލެމަޖިޗް އާއި ގާނާގެ މިޑްފީލްޑަރު، ރޭގަން އޮބެން އަކީ މިދިޔަ އަހަރުގެ ޗެލެންޖް ލީގުގައި ވެސް މާޒިޔާގެ ކުޅުންތެރިންނެވެ. އަދި، ޑިފެންޑަރު، ޕޯޗުގީސް، ލުއިސް އަލްމައިޑާ އަކީ މި އަހަރުގެ މެއި މަހު ކުޅުނު އެފްއޭއެމް ލީގު ކަޕްގައި މާޒިޔާ އިން ފެނުނު ކުޅުންތެރިއެކެވެ.

ޗެލެންޖް ލީގަށް ތައްޔާރުވާން މާޒިޔާ އިން ރާއްޖޭން ބޭރުގައި މެޗުތަކެއް ކުޅެވޭތޯ ގިނަ މަސައްކަތްތަކެއް ކުރި ނަމަވެސް އެކަން ކާމިޔާބެއްނުވި އެވެ. އޭގެ ބަދަލުގައި، އަލް އަރާބިން ވަނީ އަބޫ ދާބީގައި، ޓްރެއިނިން ކޭމްޕެއް ޖަހައި، ޔޫއޭއީގައި ތިން މެޗު ކުޅެފަ އެވެ. ޔޫއޭއީގައި، އެކި ވަގުތުތަކުގައި މި މެޗުތައް ކުޅުނު މައިގަނޑު ސަބަބަކީ ރާއްޖޭގެ ހޫނުމިނުގައި ކުޅެން ވެސް ހޭނުމެވެ.

މިއަދުގެ މެޗަށް ފަހު، ދެ ޓީމުގެ މައިގަނޑު ފަރަގަކީ ކޮބައިތޯ ސުވާލުކުރުމުން، މާޒިޔާގެ ކޯޗު ހެނާންޑޭޒް ބުނީ، ތައްޔާރީތަކުގެ ފަރަގު ފެނިގެންދިޔަ ކަމަށެވެ.

"ދެ ޓީމުގެ އެންމެ ބޮޑު ފަރަގަކީ ބަޖެޓް، ދެން ތައްޔާރީތައް، އެ މީހުން ވަރަށް ރަނގަޅަށް ތައްޔާރުވެގެން މެޗުތަކެއް ކުޅެފައި އައިސް އަހަރެމެން ކައިރީގައި ކޮންޓްރޯލް ކޮށްގެން، ޕްލޭނަކަށް މަސައްކަތްކޮށް ރަނގަޅު މޮޅެއް އެ ހޯދީ، ދެން، އަހަރެމެންނަށް މި ދިމާވީ ހަމަ ނުކުޅެ ތިބެފައި، އަރައި ވަރުގަދަ ޓީމަކާ ކުޅެން ޖެހުމުގެ މައްސަލަ،" މެޗަށް ފަހު ހެނާންޑޭޒް ބުންޏެވެ.

އޭނާ ބުނީ، މާޒިޔާ ކުޅުންތެރިން މެޗު ފަށައިގެން ރަނގަޅަށް ހަމަޖެހިނުލެވެނިސް އަލް އަރާބިން ގޯލު ޖަހައި، މެޗުގައި އެ ޓީމުން ބޭނުންވާ ކަންކަން ހާސިލްކުރަން ފެށި ކަމަށެވެ. އަދި، މާޒިޔާ ކޮޅަށް ވަން ފުރަތަމަ ދެ ގޯލަކީ ވެސް ސަލާމަތްކުރެވޭނެ ލަނޑުތަކެއް ކަމަށާއި ދެ ވަނަ ހާފުގައި ރިސްކު ނަގާފައި ވެސް ކުރިއަށް ޖެހިގެން ކުޅެން މަޖުބޫރުވިއިރު، އެ ހާލަތަށް ވެސް އަލް އަރާބިން އޮތީ ތައްޔާރުވެފައިކަން ހެނާންޑޭޒް ފާހަގަކުރި އެވެ.

"އަހަރެމެންގެ އެއްބައި ކުޅުންތެރިން ވަރަށް ރެޑީ، ދެން ހުރި ކުޅުންތެރިން އަނިޔާއިން ރަނގަޅުވެ ނޫނީ، އަހަރަމެން ބޭނުންވާ ލެވަލަށް އަންނަން މެޗުތަކެއް ކުޅެ، ހޭނެން ބޭނުންވެފައި ހުރި ގޮތަށް ފެނިގެންދިޔައީ،" ހެނާންޑޭޒް ބުންޏެވެ.

ޗެލެންޖު ލީގުގެ ގްރޫޕް ބީގެ މެޗުތައް މިދިޔަ އަހަރު ކުވެއިތުގައި ކުޅުނުއިރު، މާޒިޔާ އަތުން އަލް އަރާބި އިން ވަނީ 2-0 އިން މޮޅުވެފަ އެވެ. މި މެޗުގެ ފުރަތަމަ އަށް މިނިޓް ތެރޭގައި، އަލް އަރާބިން ދެ ގޯލު ޖެހިއިރު، ގަލޮޅު ދަނޑުގައި މިއަދު ހަވީރު ކުޅުނު މެޗުގެ ތިން ވަނަ މިނިޓްގައި، އަލް އަރާބިން ވަނީ ގޯލު ޖަހައިފަ އެވެ.

އަލް އަރާބިގެ ކޯޗު މާކޯ އަލްވޭސް، މެޗަށް ފަހު އޮތް ނޫސްވެރިންގެ ބައްދަލުވުމުގައި ވާހަކަ ދައްކަނީ.---- ފޮޓޯ: އަތޫފް އާތިފް / އަދަދު ސްޕޯޓްސް

އަލް އަރާބިގެ ކޯޗު، ޕޯޗުގަލްގެ މާކޯ އަލްވޭސް ބުނެފައިވަނީ މެޗަށް ނުކުތްއިރު އެ ޓީމުގެ ޕްލޭނެއް އޮތް ކަމަށާއި އެކަން ހާސިލްކުރުމަށް މެޗުގެ ފުރަތަމަ ގޯލު ކުރީކޮޅުގައި އެ ޓީމުން ޖެހުމަކީ ވިސްނި ގޮތް ކަމަށެވެ.

"އެއީ އަހަރެމެންނަށް އެނގޭ މެޗުގައި ގޯލެއް ނުޖެހި ވަގުތު ދިގުލައިދާ ވަރަކަށް، މާޒިޔާ އަކީ ވެސް ކޮލިޓީ ޓީމެއް ވީމަ އަހަރެެމެންނަށް ނުރައްކާ އޮތްކަން. ދެން، ހަގީގަތުގައި ފަސޭހަތަކެއްވީ، އަހަރެމެން އެއް ގޯލު ޖަހާފައިވެސް ހުއްޓައިނުލައި ދެ ވަނަ ގޯލު ޖަހަން ވެސް މަސައްކަތްކޮށް، ވަރަށް ފަރުވާ ބަހައްޓައިގެން ކުޅުނީ، އަދިވެސް މި އަށް ވުރެ ރަނގަޅުކުރެވޭނެ ކުޅުމަށް ބަލާނަމަ،" މިދިޔަ މަހު އަލް އަރާބިއާ ހަވާލުވި އަލްވޭސް ބުންޏެވެ.

އޭނާ ބުނީ، މެޗުގައި ފެނުނު ފަރަގަކީ ދެ ޓީމުގެ ތައްޔާރީތަކޭ ހަމައެކަނި ބުނެވޭނެ ޖާގައެއް ނެތް ކަމަށާއި މީގެ އެންމެ ބޮޑު ފަރަގެއް ފެނިގެންދިޔައީ މިއަދު ދަނޑުމަތީގައި މޮޅުވާން އަލް އަރާބިން ކުރި މަސައްކަތް ކަމަށެވެ.

"އަހަރެމެންނަށް އެނގޭ އެ މީހުން އައީ ކޮންމެ ގޮތެއް ހަދާފައި ވެސް މޮޅުވާންކަން، އެހެންވީމަ، އަހަރެމެން ދަނޑުގެ ހާލަތާއި މޫސުމުގެ ހުރި ކަންތައްތަކާއި އެ ހުރިހާ ގޮންޖެހުންތަކަށް ވެސް ވިސްނައިގެން، މަސައްކަތްކޮށްގެން، ކުޅެގެން މޮޅު މި ވީ،" އަލްވޭސް ބުންޏެވެ.

މިއަދުގެ މެޗުގައި، މާޒިޔާ ކޮޅަށް އަލް އަރާބިގެ ފުރަތަމަ ގޯލު ޖެހި ނައިޖީރިއާގެ ފޯވާޑް، އަނަޔޯ އިވުއާލާ އަކީ ޓިއުނީޝިއާ ލީގާއި އަލްޖީރިއާ ލީގުގައި ކުޅެފައިވާ ކުޅުންތެރިއެކެވެ. ދެ ވަަނަ ގޯލު ޖެހި ބެލްޖިއަމްގެ ފޯވާޑް، ޖޫލިއަން އެންގޯއި އަކީ އެ ގައުމުގެ އުމުރުފުރާ ގައުމީ ޓީމުތަކަށް ކުޅުމުގެ އިތުރުން، މީގެ ހަތަރު އަހަރު ކުރިން، އިނގިރޭސި ޕްރިމިއާ ލީގުގައި ވެސް ކުޅެފައިވާ ސްޓޯކް ސިޓީ އަށް ކުޅުނު ކުޅުންތެރިއެކެވެ. އޭނާ ވަނީ ސްވިޒަލެންޑް، ބެލްޖިއަމް އަދި ފްރާންސްގެ ކްލަބްތަކަށް ވެސް ކުޅެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox