މާޒިޔާ ބަލިކޮށް އަލް އަރާބި ޗެލެންޖް ލީގު ގްރޫޕް ސްޓޭޖަށް

ަަލަނޑު ޖެހުމަށް ފަހު އަލް އަރާބި ކުޅުންތެރިން އުފާފާޅުކުރަނީ.---- ފޮޓޯ: އޭއެފްސީ

ަަލަނޑު ޖެހުމަށް ފަހު އަލް އަރާބި ކުޅުންތެރިން އުފާފާޅުކުރަނީ.---- ފޮޓޯ: އޭއެފްސީ

އޭއެފްސީގެ ތިން ވަަނަ ފަންތީގެ ކްލަބް ފުޓްބޯޅަ މުބާރާތް، ޗެލެންޖް ލީގުގެ ކޮލިފައިންގައި ކުވެއިތުގެ އަލް އަރާބިން ރާއްޖޭގެ ޗެމްޕިއަން، މާޒިޔާ ސްޕޯޓްސް އެންޑް ރެކްރިއޭޝަން 4-0 އިން ބަލިކޮށް، މުބާރާތުގެ ގްރޫޕް ސްޓޭޖުގެ ޖާގައެއް ހޯދައިފި އެވެ.

ޗެލެންޖު ލީގުގެ ގްރޫޕް ބީގެ މެޗުތައް މިދިޔަ އަހަރު ކުވެއިތުގައި ކުޅުނުއިރު، މާޒިޔާ އަތުން އަލް އަރާބި އިން ވަނީ 2-0 އިން މޮޅުވެފަ އެވެ. މި މެޗުގެ ފުރަތަމަ އަށް މިނިޓް ތެރޭގައި، އަލް އަރާބިން ދެ ގޯލު ޖެހިއިރު، ގަލޮޅު ދަނޑުގައި މިއަދު ހަވީރު ކުޅުނު މެޗުގެ ތިން ވަނަ މިނިޓްގައި، އަލް އަރާބިން ވަނީ ގޯލު ޖަހައިފަ އެވެ. އަދި، ފުރަތަމަ ހާފު ނިމުމުގެ ކުރިން ދެ ގޯލުގެ ލީޑެއް ނެގި އެވެ.

އަބޫ ދާބީގައި ޓްރެއިނިން ކޭމްޕެއް ފުރިހަމަކޮށް، ތިން މެޗު ކުޅެފައި، އައި އަލް އަރާބިން، މިއަދުގެ މެޗުގެ ފުރަތަމަ މިނިޓުން ފަށައިގެން، މާޒިޔާ ހާފަށް ގިނަ ކުޅުންތެރިން ފޮނުވައިގެން އެޓޭކްކުރަން ފެށި އެވެ. އެ ގޮތުން، ތިން ވަަނަ މިނިޓްގައި އަލް އަރާބިގެ ނައިޖީރިއާ ފޯވާޑް، އަނަޔޯ އިވުއާލާ ވަނީ ލިބުނު ފުރުސަތުގައި ގޯލު ޖަހައިފަ އެވެ. މާޒިޔާގެ ހުސެއިން ސިފާއު ޔޫސުފް (ކުރޯ) ކައިރިން ނައްޓާފައި ގޮސް، އިވުއާލާ ފޮނުވާލި ބޯޅަ މާޒިޔާގެ މޮންޓަނެގްރޯ ކީޕަރު، ނެމާންޏާ ލެމަޖިޗަށް މަތައެއް ނުކުރެވުނެވެ.

މާޒިޔާގެ އައިހަމް (މ) އަލް އަރާބި ކުޅުންތެރިއަކު ކައިރިން ބޯޅަ ހިފައިގެންދަނީ.--- ފޮޓޯ: އަތޫފް އާތިފް / އަދަދު ސްޕޯޓްސް

އަލް އަރާބިން ލީޑުނެގިތާ މިނިޓެއް ފަހުން، މާޒިޔާގެ ހަމްޒާ މުހައްމަދު (ހަމްޕު)، ހުސްކޮށްލާފައި އަލް އަރާބިގެ ޑިފެންސް ފަހަތަށް ދިން ބޯޅަައަށް އަރައި، އަހުމަދު އައިހަމް (ފަތޯ) ޖެހި ޝޮޓް އަމާޒުވީ އަލް އަރާބިގެ ކީޕަރު، ސުލޭމާން އަބްދުލް ގަފޫރު ވަނީ މަތަކޮށްފަ އެވެ.

އޭގެ ފަހުން، މެޗުގެ 15 ވަނަ މިނިޓްގައި، މާޒިޔާގެ ހަސަން ރާއިފް އަހުމަދު (ހަންނަ) ނެގި ހުރަހަކަށް އަރައި، ހަމްޕު ޖެހި ބޯޅަ ވެސް އަމާޒުވީ ކީޕަރު ސުލެއިމާން އަތަށެވެ.

މެޗުގެ 33 ވަނަ މިނިޓްގައި، މާޒިޔާގެ ސްޕެއިން މިޑްފީލްޑަރު، އައިރަމް ވިއޭރާ އަށް ލިބުނު ބޯޅައެއްގައި ހުސް ޖާގައިގެ ބޭނުންކޮށް ފޮނުވާލި ޝޮޓް، އަލް އަރާބި ކުޅުންތެރިން ވަނީ ބްލޮކްކޮށްފަ އެވެ.

އަލް އަރާބި އަށް މެޗުގެ ކުރީކޮޅުގައި ލީޑު ލިބުނު ފަހުން، ކޮންޓްރޯލް ނަގައިގެން ކުޅެން މަސައްކަތްކޮށް، ލިބޭ ފުރުސަތުތަކުގައި އިތުރު ގޯލު ޖެހޭތޯ ބަލަމުންދިޔައިރު، 40 ވަނަ މިނިޓްގައި އެކަން ކާމިޔާބުކުރި އެވެ. އެ ގޮތުން، އިވުއާލާ ދިން ބޯޅައެއް ކޮންޓްރޯލް ކުރުމަށް ފަހު މި ގޯލު ޖެހީ، އެ ޓީމުގެ ބެލްޖިއަމް ފޯވާޑް، ފޮންޓެއިން އެންގޯއި އެވެ. އިނގިރޭސި ޕްރިމިއާ ލީގުގެ ސްޓޯކް ސިޓީ އަށް މީގެ ހަތަރު އަހަރު ކުރިން، ކުޅެފައިވާ އެންގޯއި ފޮނުވާލި ބޯޅަ ވަނީ ގޯލުގެ މެދަށެވެ.

މާޒިޔާ އިން ދެ ވަނަ ހާފު ފެށީ ތިން ބަދަލެއް ގެނެސްގެންނެވެ. އެ ގޮތުން، 16 އަހަރުގެ ފޯވާޑް މުހައްމަދު އިލާން އިމްރާންގެ އިތުރުން އަލީ ފާސިރު (ސެންޓޭ) އާއި އިބްރާހިމް އައިސަމް އަށް ވަނީ ފުރުސަތު ދީފަ އެވެ. އަލް އަރާބިން ވެސް ދެ ވަނަ ހާފަށް އެއް ބަދަލު ގެނެސްފައިވެ އެވެ.

ދެ ވަނަ ހާފުގެ ކުރީކޮޅުގައި، ހަމްޕު ނެގި ބޯޅައެއް ގޯލުކުރިމަތިިން ހުރަސްވެގެންދިޔައިރު، ފޮނުވާލެވޭ ހިސާބު އެ ޓީމުގެ ކުޅުންތެރިއަކު ނެތެވެ.

އަލް އަރާބިން ދެ ވަަނަ ހާފުގައި ކުރި ފުރަތަަމަ އެޓޭކުގައި ތިން ވަަނަ ލަނޑު ޖެހި އެވެ. މެޗުގެ 53 ވަނަ މިނިޓްގައި، އެ ޓީމުގެ ނައިޖީރިއާ ފޯވާޑް، ކްރިސްޓޮފާ ޕޮވޭއި، އޭރިއާތެރެއިން ލިބުނު ބޯޅައެއް ވަނީ ހަނި އޭންގަލުން ގޯލަށް ވައްދާލައިފަ އެވެ.

ދެ ވަނަ ހާފުގައި، މާޒިޔާ އިން ރިސްކު ނަގައިގެން ގިނަ ކުޅުންތެރިން އެޓޭކަށް ފޮނުވައިގެން ކުޅެން ފެށިއިރު، މެޗުގެ 58 ވަނަ މިނިޓްގައި އޭރިއާތެރެއިން އިލާން އަށް ލިބުނު ބޯޅައެއް ގޯލަށް ފޮނުވާލަން ފުންމައިގެން އެރި ނަމަވެސް، ބޮލުގައި ލައްވާލާ ގޮތެއްނުވި އެވެ.

އަލް އަރާބި ކުޅުންތެރިއަކު ކައިރިން މާޒިޔާގެ ހަންނަ (ވ) ބޯޅަ ހިފައިގެން.----ފޮޓޯ: އަތޫފް އާތިފް/ އަދަދު ސްޕޯޓްސް

އަލް އަރާބި އަށް ހަތަރު ވަނަ ގޯލެއް ޖަހައިދޭން އިވުއާލާ ޖެހި ބޯޅަ ކީޕަރު ނެމާންޏާ ވަނީ މަތަކޮށްފަ އެވެ. އޭގެ އިތުރުން މި ހާފުގައި އަލް އަރާބިން ފޮނުވާލި ގިނަ ހަމަލާތަކުގެ ހުރަހަކަށްވީ ނެމާންޏާ އެެވެ.

ދެ ވަނަ ހާފުގެ މެދަކާ ހަމައިން ބަދަލަކަށްކުޅެން އެރި މާޒިޔާގެ ނާއިޒު ހަސަން (ދާދު)ގެ އިތުރުން، އެ ޓީމުގެ ޕޯޗުގީސް ޑިފެންޑަރު، ލުއިސް އަލްމެއިޑާ ފޮނުވާލި ބޯޅަތައް ކީޕަރު ސުލެއިމާން ވަނީ މަތަކޮށްފަ އެވެ.

މެޗުގެ 86 ވަނަ މިނިޓްގައި، އަލް އަރާބިން ވަނީ ހަތަރު ވަނަ ގޯލު ޖަހައިފަ އެވެ. އެ ޓީމަށް މި ލަނޑު ޖަހައިދިނީ އޭރިއާތެރެއިން ލިބުނު ފުރުސަތެއްގައި ގޯލުގެ މަތީ ކަނަށް ބޯޅަ ފޮނުވާލައިގެން، ހުސެއިން އަލް މޮހްސިން އެވެ. އޭނާ އަކީ ދެ ވަނަ ހާފުގައި ބަދަލަކަށް ކުޅެން އެރި ކުޅުންތެރިއެކެވެ.

މިއީ، އޭއެފްސީގެ މުބާރާތެއްގެ ކޮލިފައިން ބުރުން މާޒިޔާ ކެޓި ފުރަތަަމަ ފަހަރެެވެ. މީގެ ކުރިން، އޭއެފްސީ މުބާރާތެއްގެ ކޮލިފައިންގައި ކުުޅުނު ދެ ފަހަރު ވެސް މާޒިޔާ އިން ވަނީ، ގްރޫޕް ސްޓޭޖުން ޖާގަ ހޯދައިފަ އެވެ. އެއީ، 2014 ވަނަ އަހަރުގެ އޭއެފްސީ ކަޕްގައި، ފިލިޕީންސްގެ ޝެރެސް ކަޓުވާލުމުގެ އިތުރުން، 2020 ވަނަ އަހަރުގެ އޭއެފްސީ ކަޕްގައި، ބަންގްލަދޭޝްގެ އަބަހާނީ ޑާކާ އާއި އިންޑިއާގެ ބެންގަލޫރުގެ މައްޗަށް ކުރިހޯދައިގެން ގްރޫޕް ސްޓޭޖަށް ދަތުރުކުރި އެެވެ. އެހެން ނަމަވެސް، ކުވެއިތު ޕްރިިމިއާ ލީގުގެ ރަނަރަޕް، އަލް އަރާބި އަތުން މި ވަނީ މި ފަހަރުގެ ޗެލެންޖް ލީގު ކޮލިފައިންގައި ބަލިވެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox