މާޒިޔާ ގޮވައިގެން ހެނާންޑޭޒް ނުކުންނަނީ ރާއްޖޭގެ ފުޓްބޯޅައަށް މުހިންމު މެޗަކަށް

Aug 11, 2025, 8:18 AM
މާޒިޔާ ގޮވައިގެން ހެނާންޑޭޒް ނުކުންނަނީ ރާއްޖޭގެ ފުޓްބޯޅައަށް މުހިންމު މެޗަކަށް

އޭއެފްސީ ޗެލެންޖް ލީގުގެ ގްރޫޕް ސްޓޭޖުގެ ޖާގައެއް ހޯދަން ކުޅޭ ޕްލޭއޮފް މެޗުގައި މާޒިޔާ ސްޕޯޓްސް އެންޑް ރެކްރިއޭޝަނުން ކުވެއިތުގެ އަލް އަރާބީއާ ދެކޮޅަށް ކުޅޭ މެޗަކީ ރާއްޖޭގެ ފުޓްބޯޅަ އަށް ވެސް މުހިންމު މެޗެއް ކަމަށް މާޒިޔާގެ ކޯޗު ލުއިސްމާ ހެނާންޑޭޒް ބުނެފި އެވެ.

ގަލޮޅު ދަނޑުގައި މިއަދު ބޭއްވި ނޫސްވެރިންގެ ބައްދަލުވުމުގައި ހެނާންޑޭޒް ބުނެފައިވަނީ، އޭއެފްސީ ޗެލެންްޖް ލީގުގެ މި މުހިންމު މެޗުތަކާ ކުރިމަތިލާއިރު، މާޒިޔާ އޮތީ ވަރަށް ރަނގަޅަށް ތައްޔާރުވެފައި ކަމަށް ގަބޫލު ކުރާ ކަމަށެެވެ. އަދި، މިއީ މާޒިޔާގެ އިތުރުން ރާއްޖޭގެ ފުޓްބޯޅަ އަށް ވެސް މުހިންމު މެޗެއް ކަމަށް ހެނާންޑޭޒް ފާހަގަކުރި އެވެ.

"މިއީ މާޒިޔާގެ އިތުރުން ރާއްޖޭގެ ފުޓްބޯޅަ އަށް ވެސް މުހިންމު މެޗެއް، އާ ފެޑެރޭޝަނެއް (އެފްއޭއެމްގެ އާ ހިންގާ ކޮމިޓީއެއްގެ) ދަށުން އަލުން ކަންކަން އެ ފެށީ. މާޒިޔާގައި 14 ވަރަކަށް ގައުމީ ޓީމުގެ ކުޅުންތެރިން އެބަތިބި، އެހެންވީމަ، އަހަރެންގެ ބޮލުގައި އެޅިފައި މި އޮތީ، މާޒިޔާގެ އިތުރުން ގައުމީ ފުޓްބޯޅަ ޓީމުގެ ވެސް ޒިންމާއެއް ކަމަށް ދެކިގެން މޮޅުވާން މި ނުކުންނަނީ،" ހެނާންޑޭޒް ބުންޏެވެ.

މިދިޔަ އަހަރުގެ އޭއެފްސީ ޗެލެންޖް ލީގުގެ ގްރޫޕް ސްޓޭޖުގެ މެޗުތައް ކުވައިތުގައި ސެންޓްރަލައިޒްކޮށް ހޯސްޓްކުރިއިރު، މާޒިޔާ އިން ގްރޫޕްގެ ދެ ވަނަ މެޗުގައި ނުކުތީ އަލް އަރަބިއާ ދެކޮޅަށެވެ. އެ މެޗުން މާޒިޔާ ބަލިވީ 2-0 ގެ ނަތީޖާ އަކުންނެވެ. ސާބިއާގެ ޑްރަގަން ޑުކަނޯވިޗްގެ އިރުޝާދުގެ ދަށުން މިދިޔަ އަހަރުގެ ޗެލެންޖް ލީގުގައި ކުޅުނު މާޒިޔާ ކޮޅަށް، އަލް އަރަބިއާ އިން މެޗުގެ ފުރަތަމަ 10 މިނިޓް ތެރޭގައި ދެ ގޯލު ޖެހި އެވެ.

ހެނާންޑޭޒް ބުނީ، މާޒިޔާއާ ހަވާލުވުމަށް ފަހު، 2021 ވަނަ އަހަރުން ފެށިގެން އެ ޓީމާ ގުޅޭ ކަންކަން ބަލަމުން އަންނަ ކަމަށެވެ. އަދި، ކުރިން ގޯސްކޮށް ގޮސްފައި ހުރި ކަންކަން ކުޅުމުގެ ތެރެއިން ރަނގަޅު ކުރަން މަސައްކަތްތަކެއް ކުރެވި، މިހާތަނަށް އައިއިރު ވެސް ޓީމެއްގެ ގޮތުގައި ކުރިއެރުން ފެނިފައިވާ ކަމަށް ހެނާންޑޭޒް ވަނީ ބުނެފަ އެވެ.

ކުވެއިތުގައި އޭނާ ތިން ވަރަކަށް އަހަރު މަސައްކަތްކުރި ކަމަށާއި އެހެންކަމުން، އަލް އަރަބި ފަދަ ގަލްފްގެ ގައުމުތަކަށް ނިސްބަތްވާ ޓީމުތަކުން ކަންކަން ކުރާނެ ގޮތް އޭނާ އަށް ވިސްނޭ ކަމަށް ވެސް ހެނާންޑޭޒް ވަނީ ބުނެފަ އެވެ. އަލް އަރަބީ އަކީ ކުވެއިތުގެ އެންމެ ވަރުގަދަ ޓީމު ނޫން ކަމުގައި ވިޔަސް، އޭއެފްސީ ޗެލެންޖް ލީގަށް ތައްޔާރުވާން، އަބޫ ދާބީގައި މެޗުތަކެއް ކުޅެފައި އައުމުން، އެ ޓީމުގެ ކަންކަން ރަނގަޅުވާނެ ކަމަށް ހެނާންޑޭޒް ދެކެ އެވެ. އެކަމަކު، މާޒިޔާ އާއި އަލް އަރާބީ މި މެޗަށް ނުކުންނައިރު ފުރުސަތު އޮތީ ހަމަހަމަކޮށް ކަމަށް ހެނާންޑޭޒަށް ގަބޫލުކުރެވޭ ސަބަބެއް އެބައޮތެވެ.

"އެ މީހުން ވެސް އާ ކޯޗެއް ލައިގެން މަސައްކަތް އެ ކުރަނީ، އެހެންވީމަ އެ މީހުންގެ ތައްޔާރީތަކުގައި ވެސް ހުންނާނެ ކަންތައްތަކެއް، އަހަރެމެން ވެސް މި އާ (ބިދޭސީ) ކުޅުންތެރިންތަކެއް ގޮވައިގެން މި ނުކުންނަނީ، އެހެންވީމަ ދެ ޓީމަށް ވެސް ހުންނާނެ އެއް ކަހަލަ ކަންތައްތަކެއް، އެއް ވަރަކަށް ދެ ޓީމަށް ވެސް އުނދަގޫވާނެ މި މެޗު،" ހެނާންޑޭޒް ބުންޏެވެ.

މާޒިޔާ އިން މި މެޗުން މޮޅުވާން ކުރެވެން ހުރި ހުރިހާ ކަމެއް ކުރަން ޖެހޭކަން ފާހަގަކޮށް، ހެނާންޑޭޒް ބުނީ، އެ ޓީމުގެ އެޓޭކް ވަރަށް ބޮޑަށް ރަނގަޅުވަމުން އަންނަ ކަމަށާއި އޭގެ އެޑްވާންޓޭޖް ނަގަން ޖެހޭނީ ރަނގަޅަށް ޑިފެންސް ކުރަން ޖެހޭކަން ވެސް ދަނެގެން ކަމަށެވެ.

ގަލޮޅު ދަނޑުގައި، މާޒިޔާ އާއި އަލް އަރަބި އިން އޭއެފްސީ ޗެލެންޖް ލީގުގެ ގްރޫޕް ސްޓޭޖުގެ ޖާގައެއް ހޯދަން ކުޅޭ އެ މެޗު ފަށާނީ މާދަމާ މެންދުރު ފަހު 15:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox