އެފްއޭއެމް ހިންގާ ކޮމިޓީ އަށް އިންތިހާބުވުމުން އުމެއިރު ކުޅުމާ ދުރަށް

Jul 26, 2025, 1:54 PM
އެފްއޭއެމް ހިންގާ ކޮމިޓީ އަށް އިންތިހާބުވުމުން އުމެއިރު ކުޅުމާ ދުރަށް

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ހިންގާ ކޮމިޓީގެ މެމްބަރަކަށް މިއަދު އިންތިހާބުވި ގައުމީ ފުޓްބޯޅަ ޓީމުގެ ކުރީގެ ތަރި، މުހައްމަދު އުމެއިރު ފުޓްބޯޅަ ކުޅުމުގެ ކެރިއަރާ ދުރަށް ޖެހިލުމަށް ނިންމައިފި އެވެ.

އެފްއޭއެމް ރައީސަކަށް މިއަދު އިންތިހާބުވި އަހުމަދު ތޯރިގު (ޓޮމް)ގެ ޓީމުގައި، އުުމުރުން 37 އަހަރުގެ އުމެއިރު ހިމެނޭއިރު، އޭނާ ހުރީ ކުރިއަށް އޮތް ސީޒަން ވިކްޓަރީ ސްޕޯޓްސް ކްލަބަށް ކުޅެން ނިންމައިގެންނެވެ.

އެކަމަކު، ހިންގާ ކޮމިޓީގެ ދައުރު ފެށުމާ އެކު އޭނާ ކުޅުމުގެ ކެރިއަރާ މެދު ގޮތެއް ނިންމީ އެވެ.

Advertisement

މިއަދު ހެންވޭރު މީރުމާ އިވެންޓްސްގައި ބޭއްވި އެފްއޭއެމް އިންތިހާބީ ކޮންގްރެސްގައި އެ އެސޯސިއޭޝަންގެ ހިންގާ ކޮމިޓީ އަށް ދެން އިންތިހާބުވީ، ސީނިއާ ވައިސް ޕްރެޒިޑެންޓެއްގެ ގޮތުގައި، ހެންވޭރު ހުޅަނގު ދާއިރާގެ މެމްބަރު އަދި ނިއު ރޭޑިއަންޓް ސްޕޯޓްސް ކްލަބްގެ ވެސް ވައިސް ޗެއާމަން އަލީ އިބްރާހީމް (ކައްޕި)، އަދި ނައިބު ރައީސުންގެ ގޮތުގައި، މާޒިޔާ ސްޕޯޓްސް އެންޑް ރެެކްރިއޭޝަންގެ ސީއީއޯ، ހުސެއިން ޝާފިއު (ކޮކީ)، ނިއު ރޭޑިއަންޓްގެ ބޯޑު މެމްބަރު، އަދި ނިއު ރޭޑިއަންޓްގެ ބޯޑު މެމްބަރު، ވެމްކޯގެ މެނޭޖިން ޑިރެކްޓަރު، މުޖުތަބާ ޖަލީލް އެވެ.

މިއަދު ބޭއްވި އެފްއޭއެމްގެ އިލެކްޓޯރަލް ކޮންގްރެސްގެ ތެެރެއިން، އުމެއިރު (ކ) އާއި ތޯރިގު.--- ފޮޓޯ: އަތޫފް އާތިފް / އަދަދު ސްޕޯޓްސް

ދެން، އެކްސްކޯ މެމްބަރުންގެ ގޮތުގައި ގައުމީ ޓީމަށް ތޯރިގާ އެކު ކުޅުނު، އުމެއިރުގެ އިތުރުން ހިމެނެނީ، ގޯލްކީޕަރު، އިމްރާން މުހައްމަދު، ޓީސީގެ އަހުމަދު އައްބާސް (އައްބު)، އޮޑި ސްޕޯޓްސް ކްލަބްގެ އަބްދުﷲ ނާސިހު އަދި، ބީޖީ ސްޕޯޓްސްގެ އަލީ ރިޒްވާން (އައްޔަ) ހިމަނައިފައިވެ އެވެ. އަންހެން މެމްބަރުންގެ ގޮތުގައި ހިމެނެނީ، ހައްވާ ނަސްރާ ސައީދު އަދި ހައްވާ ރަޝީދާ އެވެ.

އުމެއިރު، "އަދަދު ސްޕޯޓްސް" އަށް ބުނީ، ފުޓްބޯޅަ ކެރިއަރުގެ އާ ޗެޕްޓަރެއް މި ފަށަނީ، އޭނާ އަށް ފުޓްބޯޅައިން ލިބިފައިވާ ފުރުސަތުތަކުގެ އަލީގައި އަލުން ފުޓްބޯޅަ އަށް އެހެން ގޮތަކުން ހިދުމަތް ކޮށްދިނުމަށް ކަމަށެވެ. ހާއްސަ ގޮތެއްގައި އުމެއިރު ވިސްނުން ހުރީ ރާއްޖޭގެ ޔޫތު ފުޓްބޯޅަ އަށް ފުރުސަތުތަކެއް ހޯދައިދޭން އޭނާގެ ދައުރު ހިމެނޭހެން ބިނާކުރަނިވި މަސައްކަތްތަކެއް ކުރުމަށް ކަމަށް އުމެއިރު ވަނީ ބުނެފަ އެވެ.

"2008 ވަނަ އަހަރުގެ ސާފް ޗެމްޕިއަންޝިޕް ކާމިޔާބުކުރި ޓީމުގައި އަހަރެން ހިމެނޭތީވެ، އެނގޭ އެއްބައިވަންތަ ކަމާ އެކު ކޮންމެ ކަމެއް ވެސް ހާސިލްކުރެވިދާނެކަން،" ރާއްޖޭގެ ފުޓްބޯޅައިގެ ޖަމިއްޔާ، އެފްއޭއެމް، ބަނގުރޫޓުވާ ހާލަތުގައި އޮއްވައި، އަލުން ފުޓްބޯޅަ ކޮޅަށް ޖެހުމަށް، ނުކުތް ހިންގާ ކޮމިޓީގެ މެމްބަރެއްގެ ގޮތުގައި ހުރި އުމެއިރު ބުންޏެވެ.

މިއަދު ބޭއްވި ކޮންގްރެސްގެ ތެރެއިން އުމެއިރު: އޭނާ ވަނީ ފުޓްބޯޅައިގެ ހިންގުމުގެ ތެރެއަށް އަންނަން ޖެހުމުން ކުޅުމުގެ ކެރިއަރު މަޑުޖައްސާލައިފައި.--- ފޮޓޯ: އަތޫފް އާތިފް / އަދަދު ސްޕޯޓްސް

"މިއީ ފުޓްބޯޅައިގައި އަހަރެންގެ ނިމުމެއް ނޫން، ފެށުމެއްގެ ގޮތުގައި ގަބޫލުކުރަން ބޭނުންވަނީ، މިއީ ފުޓްބޯޅައިގައި ހިދުމަތްކުރަން ލިބުނު ފުރުސަތެއް،"

ކުރީގެ މަޝްހޫރު ފުޓްބޯޅަ ކުޅުންތެރިޔާ، ލިރުގާމް ސައީދު (ލަރޭ) ދިން ފުރުސަތެއްގައި ފުޓްބޯޅައިގެ ތެރެއަށް އައި، އުމެއިރު، 16 އަހަރުން ދަށުގެ ގައުމީ ޓީމުގައި، މުހައްމަދު ޝިޔާޒް (މޯޙަން) އާއި ދާދި ފަހުން ނިޔާވި މަޝްހޫރު ކޯޗު، އިހުސާން އަބްދުލް ގަނީ (ސާންތީ)ގެ ބެލުމުގެ ދަށުން ކުރިއެރުން ހޯދި އެވެ. އޭގެ ފަހުން، ވިކްޓަރީގެ ލެޖެންޑަރީ ދެ ކޯޗުން ކަމަށްވާ މައުރޫފް އަހުމަދު (މާއްޓޭ) އާއި އަލީ ސުޒޭންގެ ބެލުމުގެ ދަށުން ވިކްޓަރީގައި އުމެއިރު ކުރިއެރުން ހޯދައި، ރާއްޖޭގެ ފުޓްބޯޅައިގެ އުހަށް ޖެހިލި އެވެ.

ވިހި އަހަރަށް ވުރެ ގިނަ ދުވަހު ރާއްޖޭގެ ފުޓްބޯޅައިގެ މަތީ ފަންތީގައި ދެމިހުރި އުމެއިރު އަންނަނީ މޯލްޑިވްސް ސޮކަ މޭޓްސް (އެމްއެސްއެމް)އާ އެކު ކޯޗިންގެ ރޯލުގައި ވެސް ކުރިއަށްގެންދަމުންނެވެ. އެ ގޮތުން، އޭއެފްސީ ސީ ލައިސަންސް ހާސިލްކޮށްފައިވާ އުމެއިރު އަކީ، އެމްއެސްއެމްގެ 14 އަހަރުން ދަށުގެ ޓީމުގެ ކޯޗު ވެސް މެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox