މަލިކުގައި ދިވެއްސާއި އަރަބި ބަސް ކިޔަވައިދިނުން ހުއްޓައިލުމާ ދެކޮޅަށް ވަގުތީ އަމުރެއް

އެކަމާ ދެކޮޅަށް އަޑުއުފުލައި މަލިކު ރައްޔިތުން ކުރި މުޒާހަރާގެ ތެރެއިން: މަލިކު މީހުން ގަބޫލުކުރަނީ އެ މީހުން ޝަހުސު ފޮހެލަން އުޅޭ ކަމަށް --

އެކަމާ ދެކޮޅަށް އަޑުއުފުލައި މަލިކު ރައްޔިތުން ކުރި މުޒާހަރާގެ ތެރެއިން: މަލިކު މީހުން ގަބޫލުކުރަނީ އެ މީހުން ޝަހުސު ފޮހެލަން އުޅޭ ކަމަށް --

ދިވެހިރާއްޖޭގެ އުތުރުން އޮންނަ ލަކްޝަދީބުގެ ވެރިކަން ކުރާ މަލިކުގެ ސްކޫލްތަކުގައި ދިވެހި ބަހާއި އަރަބި ބަސް ކިޔަވައިދިނުން ހުއްޓައިލަން ނިންމި ނިންމުމަށް އަމަލު ނުކުރުމަށް ކެރެލާގެ ހައި ކޯޓުން ވަގުތީ އަމުރެއް ނެރެފި އެވެ.

މަލިކުގެ ސްކޫލްތަކުގެ މަންހަޖުން ދިވެހި ބަހާއި އަރަބި ބަސް އުނިކުރީ މާޗު 29، ގައި ސްކޫލްތައް ބަންދުކުރުމުންނެވެ. އެ ބަދަލު ގެނައީ ބެލެނިވެރިންނާއި ސްކޫލްތަކުގެ މެނޭޖުމެންޓުގެ އިތުރުން ޓީޗަރުންނާ ވެސް މަޝްވަރާ ނުކޮށެވެ.

ލަކްޝަދީބު ސަރުކާރާ ދެކޮޅަށް މި މައްސަލަ ކޯޓަށް ހުށަހެޅީ އިންޑިއާގެ ނޭޝަނަލް ސްޓޫޑެންޓްސް ޔޫނިއަންގެ ލަކްޝަދީބު ޔުނިޓުގެ ރައީސް އަޖަސް އަކްބަރު އެވެ.

އެ ނިންމުމަށް އަމަލު ކުރުން ހުއްޓުވުމަށް ކެރެލާގެ ހައި ކޯޓަށް ހުށަހެޅި މައްސަލާގައި ވަގުތީ އަމުރެއް ނެރުނީ އެއްވެސް ދިރާސާއެއް ކުރުމެއް ނެތި އަވަސް އަރުވާލައިގެން އެ ނިންމުން ތަންފީޒު ކުރަން އުޅުމުންނެވެ.

ލަކްޝަދީބު ސަރުކާރަށް އެ ނިންމުން ނިންމުމުގައި އެއްވެސް ދިރާސާއެއް ހަދާފައިވާ ކަމުގެ ހެއްކެއް ކޯޓުގައި ދެއްކިފައި ނުވެ އެވެ. މަލިކުގެ ސްކޫލްތަކުގައި ކެރެލާ ހައި ކޯޓުން ނެރުނު އަމުރާ އެއްގޮތަށް އަލުން ކިޔަވައިދޭން ވަނީ ފަށާފަ އެވެ.

ދިވެއްސާއި އަރަބީގެ ބަދަލުގައި ކިޔަވައިދޭން ނިންމީ ހިންދީ ބަހެވެ. މަލިކުގައި ވާހަކަ ދައްކާ ރަސްމީ ބަހަލީ ދިވެހި ބަސް ނުވަތަ މަހަލް ބަހެވެ. މަލިކު މީހުން ލިޔެ އުޅެނީ ވެސް ތާނަ އަކުރު ބޭނުން ކޮށްގެންނެވެ.

މަލިކަކީ މީގެ ކުރިން ރާއްޖޭގެ އަތޮޅެއް ކަމަށް މުއައްރިހުން ވިދާޅުވެ އެވެ. މަލިކަކީ ރަސްމީކޮށް އިންޑިއާގެ ބައެއްގެ ގޮތުގައި ކަނޑައެޅުނީ އިންޑިއާ މިނިވަންވުމަށްފަހު ނެގުނު ސިއްރު ވޯޓަކުން ކަމަށް ބުނެވެ އެވެ. ނަމަވެސް އެ ވޯޓު ނެގި ހަނދާނެއް މިހާރު ދުނިޔޭގައި ތިބި މަލިކުގެ ދުވަސްވީ މީހުންގެ ހުރިކަމަކަށް ނުވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox