މާޒިޔާ ހާޑްވެއާއިން އިންޑޮނޭޝިއާގެ މޮޅު މަރުކާއެއް ކަމުގައިވާ، ކްރިސްބޯ ބްރޭންޑުގެ ޕަވާ ޓޫލްސް އާއި ސާފު ކުރަން ބޭނުންކުރާ އާލާތްތަކާއި ހިފާގެންގުޅޭ އާލާތްތަކާއި އެހެން ގިނަ އުފެއްދުންތައް ރާއްޖޭގެ ބާޒާރަށް ނެރެފި އެވެ.
މާޒިޔާއިން މި ތަކެތި ބާޒާރަށް ނެރެމުން ފަށާފައިވާ ޕްރޮމޯޝަނެއްގެ ދަށުން ހުރިހާ އައިޓަމަކުން 15 ޕަސެންޓުގެ ޑިސްކައުންޓެއް ދޭން ވަނީ ނިންމާފަ އެވެ. އަދި 200ރ. އަށް ވުރެ މަތިން ކުރާ ކޮންމެ ވިޔަފާރިއަކަށް، ލަކީޑްރޯގައި ބައިވެރިވުމުގެ ފުރުސަތު ލިބެ އެވެ.
"ގެޓް ލަކީ ޑިޕް" ގެ ނަމުގައި ހިންގ ލަކީޑްރޯގައި ބައިވެރިވެގެން ކްރިސްބޯގެ "13 އިން 1 ޕޮކެޓް" ޓޫލް އިނާމެއްގެ ގޮތުގައި ލިބުމުގެ ފުރުސަތު ލިބޭނެ ކަމަށް މާޒިޔާ ހާޑްވެއާއިން މައުލޫމާތު ދީފައިވެ އެވެ.
މާޒިޔާ ހާޑްވެއާއިން ބާޒާރަށް ނެރެފައިވާ ކްރިސްބޯގެ ބައެއް އުފެއްދުންތައް: މިއީ އިންޑޮނޭޝިއާގައި މަގުބޫލުކަން ހޯދާފައިވާ މޮޅު އުފެއްދުމެއް -- ފޮޓޯ: މިރާޝް ނާޝިމް/އަދަދު
މީގެ 12 ވަރަކަށް އަހަރު ކުރިން އުފައްދަން ފެށި ކްރިސްބޯ މަރުކާގެ ސާމާނަކީ، ކުޑަ ދުވަސްކޮޅެއްގެ ތެރޭގައި ކަސްޓަމަރުންގެ އިތުބާރު ހޯދައި، ކޮލިޓީ އުފެއްދުންތަކެއްގެ ގޮތުގައި މަގުބޫލުކަން ހޯދާފައިވާ އާލާތްތަކަކެވެ.
މާޒިޔާއިން ބުނި ގޮތުގައި ކްރިސްބޯގެ ނަރުކެނޑި އާއި އިސްކޫރު އަނބުރާ ކަށިން ފެށިގެން ގޮސް ކޮންސްޓްރަކްޝަނާއި އިމާރާތްކުރުމުގައި ބޭނުންކުރާ ޕަވާ ޓޫލްތަކާއި އެއަށް ބޭނުންވާ ސާމާނު ލިބެ އެވެ. އޭގެ އިތުރުން ވެކިއުމް ކްލީނަރާއި ޖަނަރޭޓަރުތައް ވެސް އަދި ސޭފްޓީ އާލާތްތައް ވެސް އެ ފިހާރައިން ލިބޭނެ އެވެ.
