މި އަހަރުގެ ސާފް ޗެމްޕިއަންޝިޕް ލަންކާގައި ބާއްވަން ނިންމައިފި

Mar 11, 2025, 1:01 PM
ސާފް ޗެމްޕިއަންޝިޕް 2023 ގައި ބޫޓާން އާއި ރާއްޖެ ބައްދަލުކުރި މެޗުގައި ދިވެހި ޓީމުގެ ކުޅުންތެރިން. ރާްއްޖޭން ވަނީ ސަރަހައްދީ ޗެމްޕިއަންކަން ދެ ފަހަރު ހޯދާފައި --- ފޮޓޯ: އަދަދު ސްޕޯޓްސް

ސާފް ޗެމްޕިއަންޝިޕް 2023 ގައި ބޫޓާން އާއި ރާއްޖެ ބައްދަލުކުރި މެޗުގައި ދިވެހި ޓީމުގެ ކުޅުންތެރިން. ރާްއްޖޭން ވަނީ ސަރަހައްދީ ޗެމްޕިއަންކަން ދެ ފަހަރު ހޯދާފައި --- ފޮޓޯ: އަދަދު ސްޕޯޓްސް

ދެކުނު އޭޝިއާގެ ގައުމުތަކުގެ މެދުގައި ކުޅޭ އެންމެ ވާދަވެރި ފުޓްބޯޅަށް މުބާރާތް ކަމަށްވާ ސާފް ޗެމްޕިއަންޝިޕް މި އަހަރު ސްރީ ލަންކާގައި ބާއްވަން ނިންމައިފި އެވެ.

އެންމެ ފަހުން ސާފް ޗެމްޕިއަންޝިޕް ބޭއްވީ އިންޑިއާގެ ބެންގަލޫރުގައި 2023 ވަނަ އަހަރު އެވެ. އެ ފައިނަލްގައި ޕެނަލްޓީ ޖަހައިގެން ކުވެއިތު ބަލިކޮށް ދެކުނު އޭޝިއާގެ ޗެމްޕިއަންކަން ރެކޯޑު ނުވަ ވަނަ ފަހަރު ހޯދީ އިންޑިއާ އިންނެވެ. ލަންކާގެ ފުޓްބޯލަ ފެޑެރޭޝަން ސަސްޕެންޑުކޮށްފައި އޮތުމާ ގުޅިގެން އެ ގައުމަށް އެ އަހަރުގެ މުބާރާތުގައި ވާދަނުކުރެވެ އެވެ.

މި އަހަރުގެ ސާފް ޗެމްޕިއަންސްޝިޕް، ޖޫން 22 އިން ޖުލައި 5 އަށް އޮންނަ މުބާރާތުގައި ސާކްގެ ހަތް ގައުމު ވެސް ވާދަކުރާނެ އެވެ.

ލަންކާގައި ސާފް ޗެމްޕިއަންޝިޕް މި ބާއްވަނީ 17 އަހަރަށް ފަހު އެވެ. އެންމެ ފަހުން ލަންކާގައި ސާފް ޗެމްޕިއަންޝިޕް ކުޅުނީ 2008 ވަނަ އަހަރު އެވެ. އެ އަހަރު ބޭއްވި މުބާރާތުގައި ލަންކާގެ ކޯ-ހޮސްޓަކީ ރާއްޖެ އެވެ.

ލަންކާގެ ވެރި ރަށް ކޮލޮމްބޯގައި ކުޅުނު ފައިނަލްގައި 1-0 އިން އިންޑިއާ ބަލިކޮށް ފުރަތަމަ ފަހަރަށް ސަރަހައްދީ ޗެމްޕިއަންކަން ރާއްޖެއިން ހޯދި އެވެ. އޭގެ ފަހުން 2018 ގައި ވެސް އިންޑިއާ ބަލިކޮށް ރާއްޖޭން ޗެމްޕިއަންކަން ހޯދި އެވެ.

ލަންކާއިން ވަނީ ދެކުނު އޭޝިއާގެ ޗެމްޕިއަންކަން އެއް ފަހަރު ހޯދައިފަ އެވެ. އެއީ މީގެ 30 އަހަރު ކުރިން ވެރިރަށް ކޮލޮމްބޯގައި ކުޅުނު ފައިނަލްގައި 1-0 އިން އިންޑިއާ ބަލިކޮށްގެންނެވެ.

މި މުބާރާތް ލަނަކާގެ ފުޓްބޯޅަ ފެޑެރޭޝަނުން ސިފަކުރަނީ އެ ގައުމުގެ ފުޓްބޯޅައަށް އާ ދިރުމެއް ގެނުވިދާނެ މުބާރާތެއްގެ ގޮތުގަ އެވެ. ކާމިޔާބު މުބާރާތެއް ބޭއްވުމަށް ލަންކާ ސަރުކާރުގެ އެއްބާރުލުމަށް ފެޑެރޭޝަނުން ވަނީ އެދިފަ އެވެ.

ސާފް ޗެމްޕިއަންޝިޕް މި ފަހަރު ހޯމް އެންޑް އަވޭ ފޯމެޓަށް ބޭއްވޭތޯ މަސައްކަތް ކުރި އެވެ. އެކަމަކު، އަދި އެ ކަަމަށް ގައުމުތަކުން ފުރިހަމަ އަށް ތައްޔާރުވެފައިނުވުމާއި، ހޯމް އެންޑް އަވޭ ފޯމެޓަށް ބޭއްވުމަށްޓަކައި ހިނގާނެ ހަރަދުތަކަށް އެކަށޭނެ ހާލަތެއް ގައުމުތަކުގެ ފެޑެރޭޝަނުގައި ނެތުމާ އެކު، ނިންމީ ސާފް ޗެމްޕިއަންޝިޕް މީގެ ކުރިން 14 ފަހަރު ބޭއްވި ގޮތަށް ސެންޓްރަލައިޒް އުސޫލުން ކުރިއަށްދިއުމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox