ސާފް ޗެމްޕިއަންޝިޕް ހޯމް އެންޑް އަވޭ ފޯމެޓަށް: ކްލަބް ޗެމްޕިއަންޝިޕް އަންނަ އަހަރު ފަށަނީ

Jan 8, 2025, 2:30 PM
ސާފް ޗެމްޕިއަންޝިޕް ހޯމް އެންޑް އަވޭ ފޯމެޓަށް: ކްލަބް ޗެމްޕިއަންޝިޕް އަންނަ އަހަރު ފަށަނީ

ދެކުނު އޭޝިއާގެ އެންމެ ބޮޑު ފުޓްބޯޅަ މުބާރާތް ސާފް ޗެމްޕިއަންޝިޕް މި އަހަރުން ފެށިގެން ހޯމް އެންޑް އަވޭ ފޯމެޓަށް ކުޅެން ނިންމައި، ސާފް ކްލަބް ޗެމްޕިއަންޝިޕްގެ ފުރަތަމަ މުބާރާތް އަންނަ އަހަރު ބާއްވަން ނިންމައިފި އެވެ.

ނޭޕާލުގެ ކަތުމަންޑޫގައި މިއަދު ބޭއްވި ސާފްގެ އެގްޒެކްޓިވް ކޮމިޓީގެ ބައްދަލުވުމުގައި ދޮޅު މަހަށް ދިގުދެމިގެންދާ ގޮތަށް ސާފް ޗެމްޕިއަންޝިޕް ހޯމް އެންޑް އަވޭ ފޯމެޓަށް ކުޅެން ނިންމީ، 15 ޖޫން އިން 25 ޖުލައި އަށެވެ. ދެ އަހަރުން އެއް އަހަރު ބާއްވާ މި މުބާރާތުގެ ރައިޓްސް، 2029އާ ހަމައަށް އޮންނާނީ ސްޕޮޓްފައިވް އަށް ކަމަށް ސާފުން ވަނީ ކަނޑައަޅައިފަ އެވެ.

ސާފް ޖެނެރަލް ސެކްރެޓަރީ އަންވަރުލް ހައްގު ވިދާޅުވީ، ހޯމް އެންޑް އަވޭ ފޯމެޓަށް ސާފް ޗެމްޕިއަންޝިޕް ބޭއްވޭތޯ މި އަހަރު މަސައްކަތް ފަށާއިރު، އެކަން ކާމިޔާބުނުވެއްޖެނަމަ ކުރިއެކޭ އެއްގޮތަށް ސެންޓްރަލައިޒްކޮށް މި ފަހަރު ކުޅޭނެ ކަމަށެވެ.

Advertisement

މީގެ ކުރިން، 2022 ވަނަ އަހަރު ވެސް ސާފް އިން ވަނީ ސާފް ޗެމްޕިއަންޝިޕް ހޯމް އެންޑް އަވޭ އަށް ކުޅެން ލިބިފައިވާ ޕްރޮޕޯސަލަކާ ގުޅޭގޮތުން މަޝްވަރާކޮށްފަ އެވެ. މާކެޓިން އޭޖެންޓެއް މެދުވެރިކޮށް ސާފަށް އެ ފަހަރު ލިބުނު ޕްރޮޕޯސަލްގައިވާ ގޮތުން އެއް މަހަށް ދިގު ދެމިގެންދާ ގޮތަށް ސާފް ޗެމްޕިއަންޝިޕް ބަދަލުވާނީ ހޯމް އެންޑް އަވޭ ފޯމެޓަށެވެ. ކޮންމެ ގައުމަކަށް އަމިއްލަ ގައުމުގައި މެޗު ކުޅެން ފުރުސަތު ލިބޭނެ ގޮތަށް މި ފޯމެޓުން ފުރުސަތު އޮންނާނެ އެވެ.

މީގެ ކުރިން، މުޅިންހެން (އެއް ފަހަރު ފިޔަވައި) ސާފް ޗެމްޕިއަންޝިޕް ބޭއްވި ފޯމެޓާ ހިލާފަށް މެޗުތައް އެއް ދަނޑެއްގައި ކުޅެ، ނިންމާލުމުގެ ބަދަލުގައި ގިނަ ސަރަހައްދެއްގައި ކުޅޭ ގޮތަށް ވެސް ފުރުސަތު އޮންނާނެ އެވެ.

ސާދަ ފަހަރު ސާފް ޗެމްޕިއަންޝިޕް ބޭއްވިއިރު، އެއް ފަހަރު ފިޔަވައި ހުރިހާ އަހަރަކު ބޭއްވީ ސެންޓްރަލައިޒްކޮށް އެއް ދަނޑެއްގަ އެވެ. ދެ ގައުމެއް މެދުވެރިވެގެން ސާފް ޗެމްޕިއަންޝިޕް ހޯސްޓްކުރީ 2008 ވަނަ އަހަރު ސްރީ ލަންކާ އާއި ރާއްޖޭންނެވެ.

މިޑިއާ ރިޕޯޓްތައް ބުނާގޮތުން، އަންނަ އަހަރުގެ ސާފް ޗެމްޕިއަންޝިޕް ހޯމް އެންޑް އަވޭ ފޯމެޓަށް ބަދަލުކުރުމުގެ ޕްރޮޕޯސަލަކާ ގުޅޭގޮތުން އަންނަނީ މަޝްވަރާ ކުރަމުންނެވެ. އެ ގޮތުން، މަޝްވަރާ ކުރަމުން އަންނަނީ ކޮންމެ ޓީމެއް ކޮންމެ ޓީމަކާ އެއް ފަހަރު ކުޅޭ ގޮތަށެވެ. އެއީ، އަމިއްލަ ގައުމުގައި ތިން މެޗު އަދި ރަށުންބޭރުގައި ތިން މެޗު ކުޅޭ ގޮތަށެވެ.

ސާފް ކްލަބް ޗެމްޕިއަންޝިޕް 2026 އަށް

ސާފް ކްލަބް ޗެމްޕިއަންޝިޕް ބާއްވަން ވާހަކަ ދައްކައި، މަޝްވަރާ ކުރަން ފެށިތާ 11 އަހަރަށް ވުރެ ގިނަ ދުވަސްވެއްޖެ އެވެ. އެކަމަކު، މިހާތަނަށް އެ މުބާރާތް އަދި އެންމެ ފަހަރަކު ވެސް ބޭއްވިފައިނުވެ އެވެ.

އެކި ފަހަރު މަތިން އެކި ލެވަލްގައި މަޝްވަރާކުރި، އެ މުބާރާތް، މިދިޔަ އަހަރު، ޖުލައި ނޫނީ އޮގަސްޓްގައި ފެށޭތޯ ސާފުން ގިނަ މަސައްކަތްކެއް ކުރަމުން އަންނަ ކަމަށް ސަރަހައްދުގެ އެކި މީޑިއާތަކުން އޭރު ރިޕޯޓްކުރި އެވެ. އެކަމަކު، މިދިޔަ އަހަރު ވެސް ނުބޭއްވުނުއިރު، އެންމެ ފަހުން، މިހާރު ނިންމާފައި އޮތީ އަންނަ އަހަރު އެ މުބާރާތް ފެށުމަށެވެ.

އެ ގޮތުން، ސާފުން ނިންމާފައިވަނީ، ސާފްގެ ހަތް ގައުމުގެ ޗެމްޕިއަނުންނަށް ފުރުސަތު ދިނުމަށް ފަހު، އޭއެފްސީ ކްލަބް ރޭންކިން އެންމެ ރަނގަޅު ގައުމަކަށް ދެ ސްލޮޓް ދޭ ގޮތަށް ހެދުމަށެވެ. އެ މުބާރާތުގެ ފޯމެޓާ ގުޅޭ އެކިއެކި ކަންކަން މި އަހަރު ތެރޭ ސާފްގެ އެގްޒެކްޓިވް ކޮމިޓީ އާއި ކޮމްޕެޓިޝަން ކޮމިޓީން މަޝްވަރާކޮށް ގޮތެއް ނިންމާނެ އެވެ.

ސާފުން ވަނީ އަންނަ އަހަރަށް 23 އަހަރުން ދަށުގެ މުބާރާތެއް ފަށަން ވެސް ނިންމައިފަ އެވެ.

އެންމެ ފުރަތަމަ ސާފް ކްލަބް ޗެމްޕިއަންޝިޕެއްގެ ވާހަކަ ދެކެވުނީ، 2009 ވަނަ އަހަރު އެވެ. އެކަމަކު، ސާފް އިން އެންމެ ފުރަތަމަ ރަސްމީކޮށް ކްލަބް ޗެމްޕިއަންޝިޕް ބޭއްވުމުގެ ޝައުގުވެރިކަން ފާޅުކޮށް އެކަން އިއުލާނުކުރީ 2011 ވަނަ އަހަރު އެވެ. އެ ފަަހަރު، ނިންމީ ސާފްގެ ފުރަތަމަ ކްލަބް މުބާރާތް ބަންގްލަދޭޝްގައި ބޭއްވުމަށެވެ. އެކަަމަކު، އެކި ސަބަބުތަކާ ހުރެ އެ ފަހަރު އެ މުބާރާތް ނުބޭއްވި ޖެހުނީ ފަސްކުރާށެވެ.

ދެ ވަނަ ފަހަރަށް ކްލަބް ޗެމްޕިއަންޝިޕްގެ ވާހަކަ ދެކެވުނީ 2013 ވަނަ އަހަރުގެ ޖުލައި މަހުގަ އެވެ. އެ ފަހަރު ނިންމީ 2014 ވަނަ އަހަރު ސްރީ ލަންކާގައި ފުރަތަމަ ކްލަބް ޗެމްޕިއަންޝިޕް ހޯސްޓް ކުރާގޮތަށެވެ. އެ ފަހަރު، މުބާރާތް ނުބޭއްވުނު އެންމެ ބޮޑު ސަބަބެއްގެ ގޮތުގައި ފާހަގަކޮށްފައިވަނީ ސަރަހައްދުގެ ގަދަބާރު އިންޑިއާ އިން މުބާރާތް ކުރިއަށް ގެންދަން މާ ބޮޑު ޝައުގުވެރިކަމެއް ނުގެންގުޅޭތީ އެވެ.

އޭގެ ފަހުން 2016، 2017 އަދި 2018 ވަަނަ އަހަރު ވެސް ކްލަބް ޗެމްޕިއަންޝިޕްގެ ވާހަކަ އެކި ފަހަރު މަތިން ދެކެވުނު ނަމަވެސް އޮތީ ރަސްމީކޮށް އެ މުބާރާތް ނުފެށި އެވެ. އެންމެ ފަހުން، 2021 ވަނަ އަހަރު ރާއްޖޭގައި އުރީދޫ ސާފް ޗެމްޕިއަންޝިޕް ނިންމާލުމަށް ފަހު ހޮޓެލް ޖެންގައި ބޭއްވި ސާފްގެ އާންމު ޖަލްސާގައި ވަނީ 2022 އަހަރު ބާއްވާނެ މުބާރާތްތަކާ މެދު މަޝްވަރާކޮށްފަ އެވެ. ސާފްގެ ހިންގާ ކޮމިޓީން ފަސް މުބާރާތެއް 2022 އަށް ޝެޑިއުލްކުރިއިރު، އޭގެ ތެރޭގައި ކްލަބް ޗެމްޕިއަންޝިޕް ވެސް ހިމެނި އެވެ.

އަދި ކްލަބް ޗެމްޕިއަންޝިޕްގެ ފުރަތަމަ މުބާރާތް 2022 ވަނަ އަހަރު ބޭއްވުން ކޮންމެހެން މުހިއްމު ކަމެއްގެ ގޮތުގައި ފާހަގަކުރި އެވެ. އެކަމަކު، އެ އަހަރު ވެސް އެކަންނުވި އެވެ. އެންމެ ފަހުން، 2023 ވަނަ އަހަރު އިންޑިއާގެ، ބެންގަލޫރުގައި ބޭއްވި ސާފް ޗެމްޕިއަންޝިޕްގެ ހަވާސާގައި ބޭއްވި، ސާފްގެ އާންމު ޖަލްސާގައި ނިންމާފައިވަނީ، މިދިޔަ އަހަރު ކްލަބް ޗެމްޕިއަންޝިޕް ބޭއްވުމުގެ ކަންކަން ވަރުގަދަ އަށް ކުރުމަށެވެ. އެކަމަކު، މިދިޔަ އަހަރު ވެސް ނިމިދިޔައީ އެކަން ހާސިލްނުވެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox