ގިނަ އިނާމުތަކާއެކު ރެފްކޫލް އިން ވީޑިއޯ ކޮންޓެންޓު މުބާރާތެއް ބާއްވަނީ

ކުރިއަށް އޮތް ރޯދަމަހާ ގުޅުވައިގެން ރާއްޖޭގެ ކޮންޓެންޓު ކްރިއޭޓަރުންނަށް އަމާޒުކޮށް ވީޑިއޯ ކޮންޓެންޓު މުބާރާތެއް ބާއްވަން ރެފްކޫލް އިން ނިންމައިފި އެވެ.

އެ ކުންފުނިން މިއަދު ނެރުނު ނޫސްބަޔާނެއްގައި ބުނީ ހަ ރޯދަ ނިމެންދެން ކުރިއަށްދާ މުބާރާތަށް ކިޔަނީ "ރޯދަ ކޫލް ކުރުން" ކަމަށެވެ.

މި މުބާރާތުގެ މަގުސަދަކީ ދިވެހި ކޮންޓެންޓް ކްރިއޭޓަރުންގެ ހުނަރު އެއްތަނަކުން ދައްކާލުމުގެ ފުރުސަތު ދިނުމާއި އެ ފަންނުވެރިންގެ ހުނަރުތައް އިތުރަށް ތަރައްގީކޮށް ފަންނާނުންނަށް ކުރިއަށް ދިއުމަށް ހިތްވަރުދީ، އާމްދަނީ ލިބޭނެ އިތުރު ފުރުސަތުތައް ހޯދައިދިނުން ކަމަށް އެ ކުންފުނީގެ ބަޔާނުގައި ބުނެފައިވެ އެވެ.

ރޯދަ ކޫލް ކުރުން މުބާރާތުގެ ވަނަތަކަށް ހޮވޭ ފަރާތްތަކަށް -/60،000 ރުފިޔާ އަދި -/35،000 ރުފިޔާގެ ތަކެތީގެ އިނާމު ދިނުމަށް ވަނީ ހަމަޖެހިފަ އެވެ. އެ އިނާމުތަކަކީ؛

ޑައިމަންޑް ކެޓަގެރީގެ؛

1 ވަނަ: -/12،000 ރުފިޔާ އާއި 9000 ބީޓީޔޫ ގެ ގްރީ އޭސީ އެއް

2 ވަނަ: -/8،000 ރުފިޔާ އާއި 55 އިންޗީގެ ޖޭވް ސްމާޓް ޓީވީ އެއް

3 ވަނަ: -/5،000 ރުފިޔާ އާއި ގްރީ އެއަރ ޕިއުރިފަޔަރ

ޕްލެޓިނަމް ކެޓަގެރީގެ؛

1 ވަނަ: -/10،000 ރުފިޔާ އާއި 50 އިންޗީގެ ޖޭވް ސްމާޓް ޓީވީ އެއް

2 ވަނަ: -/6،000 ރުފިޔާ އާއި ޖެނޯމީ ރޯޒް 12 ގެ ފަހާފޮއްޓެއް

3 ވަނަ: -/4،000 ރުފިޔާ އާއި ކެންވުޑު އެއަރ ފްރަޔަރ އަވަނެއް

ގޯލްޑް ކެޓަގެރީގެ؛

1 ވަނަ: -/8،000 ރުފިޔާ އާއި 8 ކިލޯގެ ކޮފްލީ ދޮންނަ މެޝިނެއް

2 ވަނަ: -/4،000 ރުފިޔާ އާއި ގްލޭންޒް އިލެކްޓްރިކް އަވަނެއް

3 ވަނަ: -/3،000 ރުފިޔާއާއި ޕިއްޒާ މޭކަރެއް

މުބާރާތުގެ ކޮންމެ ބައިވެރިޔަކަށް ނުވަތަ ޓީމަކަށް ތިން ކެޓަގަރީގައި ވެސް ބައިވެރިވެވޭނެ އެވެ. އަދި އެއް ކޮންޓެންޓަށް ވުރެ ގިނައިން މުބާރާތަށް ހުށަހެޅިދާނެ އެވެ.

ސޯޝަލް މީޑިއާގައި ރެފްކޫލް ޓެގުކޮށް މި ކޮންޓެންޓު ހިއްސާކުރުމަށްފަހު marketing@refcool.com.mv އަށް ނުވަތަ 7778330 އަށް ވަޓްސްއެޕް ނުވަތަ ޓެލެގްރާމް ކުރުމުން މުބާރާތުގައި ބައިވެރިވެވުނީ އެވެ.

ރެފްކޫލަކީ އެސީ އާއި ފިނިކުރުމަށް ބޭނުންވާ ސާމާނު ރާއްޖެ އެތެރެކޮށް، އެ ހިދުމަތް އެންމެ ފުޅާ ދާއިރާއެއްގައި ރާއްޖޭގައި ދެމުން އަންނަ، 25 އަހަރުވެފައިވާ، އެންމެ ތަޖުރިބާކާރު އެއް ކުންފުންޏެވެ. އަދި އެއީ ދުނިޔޭގެ އެއްވަނަ ބްރޭންޑުގެ އޭސީ ގްރީގެ އޮތޮރައިޒްޑް ޑިސްޓްރިބިއުޓަރެވެ.

ގްރީގެ އޭސީ އާއި ގްރީގެ އެހެނިހެން ޕްރޮޑަކްޓްތައް ރެފްކޫލުން ރާއްޖެ އެތެރެކޮށް މާކެޓް ކުރާތާ 22 އަހަރަށްވުރެ ގިނަ ދުވަސް ވެއްޖެ އެވެ.