ދިވެހި ޔޫތު ލީގުން ޒުވާން ކުޅުންތެރިންނަށް ރަނގަޅު މިސްރާބު އެނގިގެންދާނެ

Dec 31, 2024, 4:19 AM
ދިވެހި ޔޫތު ލީގުން ޒުވާން ކުޅުންތެރިންނަށް ރަނގަޅު މިސްރާބު އެނގިގެންދާނެ

ދިވެހި ޔޫތު ލީގުން ވާދަވެރި ރަނގަޅު މެޗުތަކެއް ކުޅެލަން ގަވާއިދުން ފުރުސަތު ލިބުމުން ފުޓްބޯޅަ ކެރިއަރެއް ބިނާކުރުމަށް ދާންވީ ރަނގަޅު މިސްރާބު ޒުވާން ކުޅުންތެރިންނަށް އެނގިގެންދާނެ ކަމަށް އެފްއޭއެމްގެ އެލީޓް އެންޑް ޔޫތު ޑިވެލޮޕްމަންޓްގެ މަސައްކަތުގެ އެންމެ އިސް ފަރާތް، އަހުމަދު ޝާކިރު (ޝާކިއްޓެ) ބުނެފި އެވެ.

މިިދިޔަ މަހުގެ 21 ވަނަ ދުވަހު ފެށި ދިވެހި ޔޫތު ލީގަކީ، އެފްއޭއެމްއާ ގުޅިގެން، މޯލްޑިވްސް ސޮކަ މޭޓްސް (އެމްއެސްއެމް) އިން ކުރިއަށްގެންދާ މުބާރާތެކެވެ. މި މުބާރާތުގެ ކަންތައްތަކުގައި އިސްކޮށް އުޅޭ ޝާކިއްޓެ، "އަދަދު ސްޕޯޓްސް" އަށް ދިން އިންޓަވިއުއެއްގައި ބުނެފައިވަނީ، ޔޫތު ލީގެއް ބޭއްވުމަކީ ހަގީގަތުގައި ވަރަށް މުހިންމު ކަމެއް ކަމަށާއި އޭގެ ސަބަބުތައް ވެސް ބައިވަރު ކަމަށެވެ.

"މިހާރު (ލީގު) ބާއްވައިގެން މި އުޅެނީ 12 އަހަރު، 14 އަހަރު، 16 އަހަރު، މި ތިން އުމުރުފުރާ މި ތަނުން، 12 އަހަރު، 14 އަހަރު މިއީ ޑެއިލީކޮށް އެކަޑަމީތަކުގައި ޕްރެކްޓިސްކުރާ ކުދިން، އެ ކުދިންނަށް ކޮމްޕެޓިޓިވް ލެވަލްގައި މެޗު ކުޅެން ލިބުމަކީ އެ ކުދިންގެ ޑިވެލޮޮޕްމަންޓަށް ވަރަށް މުހިންމު ކަމެއް. މިއީ އެ ކުދިންނަށް މިހާރު އެންމެ މަދުވާ ކަމަކީ، އެއީ ކޮމްޕެޓިޓިވް ލެވަލްގައި މެޗުތައް ކުޅެން ލިބުން، މެޗުތަކެއް ލިބުމަކީ އެ ކުދިންގެ ފިއުޗާ އަށް ވަރަށް ބޮޑު ފައިދާއެއް ކުރާނެ ކަމެއް،" ޝާކިއްޓެ ބުނެފި އެވެ.

Advertisement

މީގެ ކުރިން، ރާއްޖޭގެ ގްރާސްރޫޓު ފުޓްބޯޅައިގައި ކުދިން ޑިވެލޮޕްމަންޓްގެ ކަންކަން އޮންނަނީ އެފްއޭއެމްގެ ތެރެއިން އޮންނަ ޔޫތު ޑިވެލޮޕްމަންޓް ޕްރޮގްރާމް (ވައިޑީޕީ) ތެރެއިންނެވެ. އެކަމަކު، މިދިޔަ 15 ވަރަކަށް އަހަރަށް ބަލާއިރު، ކްލަބްތަކާއި ޖަމިއްޔާތަކުން އެކެޑަމީތައް ވުޖޫދުކޮށްގެން ކުޅުންތެރިން ޓްރެއިން ކުރުމުގެ މަސައްކަތް ދުވަހުން ދުވަހަށް ކުރިއަށްގެންދަން ފެށި އެވެ. އަދި ފަހުން، ކްލަބް ލައިސަންސިން ތެރެއިން ކްލަބްތަކަށް ވެސް އެކަޑަމީ ހިންގަން ލާޒިމުވެގެންދިޔަ އެެވެ.

ދުނިޔޭގައި ފުޓްބޯޅަ ކުރިއަރާފައިވާ ގިނަ ގައުމުތަކަށް ބަލާއިރު، އެންމެ ރަނގަޅު ކްލަބްތަކުން ވެސް އަންނަނީ އެކަޑަމީ ހިންގައި، ހަގު އުމުރުން ފެށިގެން ހުނަރުވެރި ކުޅުންތެރިން ޑިވެލޮޕްކުރަމުންނެވެ. ޝާކިއްޓެ ފާހަގަކުރި ގޮތުގައި، އެ ގޮތަށް ފުރަތަމަ ޑިވިޝަނުގެ ކްލަބްތަކުން އެކަޑަމީ މަސައްކަތް ކުރުމަކީ ދުރު ވިސްނުމަށް ބަލާއިރު ގައުމެއްގެ ފުޓްބޯޅަ އަށް ހެޔޮ ބަދަލުތަކެއް ގެނެވޭނެ ކަމެއް ކަމަށެވެ.

"އެކަޑަމީގެ އެ ސްޓްރަކްޗާ ރަނގަޅަށް ދާ ކަމަށްވަންޏާ އެއީ ކްލަބަށް ވެސް އޭގެއިން ވަރަށް ބޮޑު ފައިދާއެއް ކުރާނެ ކަމެއް. މި ކްލަބްތަކުގެ ދަށުން އެކަޑަމީ ހިންގުމަކީ ކްލަބަށް ވެސް އަދި ޖުމްލަކޮށް މުޅި ފުޓްބޯޅަ އަށް ވެސް ވަރަށް ފައިދާކުރާނެ ކަމެއްގެ ގޮތުގައި ގަބޫލުކުރެވެނީ،" ޝާކިއްޓެ ބުންޏެވެ.

ރާއްޖޭގެ 19 އަހަރުން ދަށުގެ ގައުމީ ފުޓްބޯޅަ ޓީމުގެ ހެޑް ކޯޗުކަމާއި ސިނިއާ ގައުމީ ޓީމުގެ އެސިސްޓަންޓް ކޯޗަކަށް ވެސް މަސައްކަތް ކުރި ޝާކިއްޓެ ބުނީ، މި ފަހަރުގެ ޔޫތު ލީގުގެ މިހާތަނަށް ފެނުނު މެޗުތަކަށް ބަލާއިރު ހުނަރުވެރި އެތައް ކުޅުންތެރިންނެއް ފާހަގަކުރެވިފައިވާ ކަމަށެެވެ.

"ޔޫތު ލީގުގެ މެޗުތަކަށް ބަލާއިރުގައި ވަރަށް ވަރަށް ހުނަރުވެރި ކުޅުންތެރިންތަކެއް އެބަ ފެނިގެންދޭ ވަރަށް ބައިވަރު ހުނަރުވެރި ކުޅުންތެރިންތަކެއް ފެނިގެން އެބަދޭ. ހަގީގަތުގައި މިހެން ބުނާކަމަށްވަންޏާ ބަލައި ފޫހިނުވާ ކަހަލަ އެހާ ހުނަރުވެރި ކުޅުންތެރިންތަކެއް އަޅުގަނޑުމެންނަށް އެބަ ފެނިގެންދޭ، މީގެ އިން މުހިންމު ކަމަކީ، މި ކުޅުންތެރިން ދާން ބޭނުންވާ މިސްރާބު ދައްކައިދިނުން، އެއީ ކަންނޭނގެ މީގެ މުހިންމު ކަމަކީ،" ޝާކިއްޓެ ބުންޏެވެ.

ޔޫތު ލީގުން ފާހަގަވާ ހުނަރުވެރި މޮޅު ކުޅުންތެރިން ފާހަގަކޮށް، ސިލެކްޝަނެއް ހަދައި، ރަނގަޅު ޓީމެއް ބިނާކުރުމަކީ އެފްއޭއެމްގެ އަމާޒަކެވެ. އަދި އެ ފަދަ ވިސްނުމަކުން ކުރިއަށްދާން ބަލާއިރު، ދިވެހި ޔޫތު ލީގު ބައްޓަން ކުރެވިފައި އޮތީ ވެސް ރަނގަޅަށް ކަމަށް ޝާކިއްޓެ ބުނެފައިވެ އެވެ.

"މި މުބާރާތުގެ ސްޓްރަކްޗާ ކުރެވިފައި އޮތްގޮތުން ވެސް ކުޅުންތެރިންގެ މުސްތަގުބަލަށް ވަރަށް ފައިދާކުރާނެ ގޮތަކަށް މި ސްޓްރަކްޗާ މީނީ، ފީފާ އާއި އޭއެފްސީގެ ސްޓްރަކްޗާގައި ވެސް އެބަ އިނދޭ ވަކި އުމުރުތަކެއްގެ މުބާރާތް ކުޅޭއިރު ގައިޑްލައިންތަކެއް، އެ ގައިޑްލައިންތަކާ އެއްގޮތަށް އަޅުގަނޑުމެން މި މުބާރާތް ބައްޓަން ކޮށްފައި މި ހުރީ، އެއީ ކުދިންގެ މުސްތަގުބަލަށް އެންމެ ރަނގަޅު ފައިދާކުރާނެ ގޮތަކީ އެއީ ކަމަށްވާތީވެ،" ޝާކިއްޓެ ބުންޏެވެ.

މިދިޔަ މަހުގެ 18 ވަނަ ދުވަހުން ފެށިގެން ޔޫތު ލީގު ބްރޭކެއް ނަގާފައި އޮތީ، ސްކޫލް ބަންދާ ދިމާކޮށެވެ. މި ބްރޭކަށް ފަހު އަލުން ދިވެހި ޔޫތު ލީގު ފަށާނީ، ޖެނުއަރީ ހަ ވަނަ ދުވަހު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox