މެރީނޯ އާސެނަލަށް ވިއްކާލަން ސޮސިއެޑާޑުން އެއްބަސްވެއްޖެ

Aug 23, 2024, 5:22 AM
މެރީނޯ އާސެނަލަށް ވިއްކާލަން ސޮސިއެޑާޑުން އެއްބަސްވެއްޖެ

މެޑްރިޑް (އޮގަސްޓް 23) - ސްޕެއިންގެ މިޑްފީލްޑަރު، މިކޭލް މެރީނޯ، އާސެނަލަށް ވިއްކާލަން އޭނާ މިހާރު ކުޅެމުން އަންނަ ރެއާލް ސޮސިއެޑާޑުން އެއްބަސްވެއްޖެ އެެވެ.

ސްޕެއިނުން މި ފަހަރުގެ ޔޫރޯ ފުޓްބޯޅަ މުބާރާތް ކާމިޔާބުކުރިއިރު، ކުއާޓާ ފައިނަލުގައި ޖަރުމަނު އަތުން ސްޕެއިން މޮޅުކޮށްދިން ގޯލު ޖަހައިދިން މެރީނޯ، އާސެނަލަށް ވިއްކާލަން ވިޔަރެއާލުން އެއްބަސްވި އަގަކީ 35 މިލިއަން ޑޮލަރު ކަމަށް ރިޕޯޓްތައް ބުނެ އެވެ.

މެރީނޯ، 28، އާ އެކު ސޮސިއެޑާޑުން ހަދާފައި އޮތް ކޮންޓްރެކްޓްގައި ބާކީ އެއް އަހަރު އޮއްވައި، އޭނާ ވިއްކާލަން އެ ކްލަބުން ނިންމީ، އާ އެއްބަސްވުމެއް ހަދަން ކުރި މަސައްކަތުގައި ކުރިއެރުމެއް ނުލިބުމުންނެވެ. ސޮސިއެޑާޑުން އާސެނަލާ އެކު، ގިނަ ދުވަސްތަކެއް މަޝްވަރާ ކުރުމަށް ފަހު، އެންމެ ފަހުން، ފީ އަކާ މެދު އެއްބަސްވެވި ޑީލް ކުރިއަށްގެންދަން ނިންމީ އެވެ.

Advertisement

ނިއުކާސަލް ޔުނައިޓެޑަށް އެއް ސީޒަނުގައި ކުުޅުނު މެރީނޯ ވެގެންދާނީ މި ޓްރާންސްފާގައި އާސެނަލަށް ބަދަލުވާ ތިން ވަަނަ ކުޅުންތެރިޔާ އަށެވެ. އެ ގޮތުން، އާސެނަލުން ވަނީ އެ ޓީމަށް ލޯނަކަށް ކުޅެމުން އައި ގޯލްކީޕަރު، ޑޭވިޑް ރާޔާގެ އެއްބަސްވުން ދާއިމީ ކުރުމުގެ އިތުރުން، ބޮލޯނިއާ އަށް ކުޅެމުން އައި އިޓަލީ ގައުމީ ޓީމުގެ ޑިފެންޑަރު، ރިކާޑޯ ކަލަފިއޯރީ ސޮއިކޮށްފަ އެވެ.

މެރީނޯ ސޮއިިކުރުމާ އެކު، މި ފަހަރުގެ ޓްރާންސްފާގައި އާސެނަލުން ކުރި ހަރަދު 100 މިލިއަން ޑޮލަރަށް ވުރެ އިތުރުވާނެ އެވެ.

މީގެ ކުރިން، މެރީނޯ ވަނީ، އާސެނަލްގެ ކެޕްޓަން، މާޓިން އޮޑެގާޑާ އެކު އެއް ސީޒަނުގައި ސޮސިއެޑާޑްގެ މެދުތެރޭގައި ކުޅެފަ އެވެ. އެއީ، ރެއާލް މެޑްރިޑުން، އޮޑެގާޑް ލޯނަކަށް ސޮސިއެޑާޑަށް ކުޅުނު އަހަރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox