24 އަހަރަށް ފަހު ރުމޭނިއާ ޔޫރޯގެ ނޮކައުޓް ބުރަށް

Jun 26, 2024, 5:54 PM
24 އަހަރަށް ފަހު ރުމޭނިއާ ޔޫރޯގެ ނޮކައުޓް ބުރަށް

ފްރޭންކްފާޓް (ޖޫން 26) - ޔޫރޯ ފުޓްބޯޅަ މުބާރާތުގައި މިރޭ 1-1 އިން ސްލޮވާކިއާއާ އެއްވަރުކޮށް، ރުމޭނިއާ އިން 24 އަހަރަށް ފަހު މުބާރާތުގެ ނޮކައުޓް ބުރުން ފުރުސަތު ހޯދައިފި އެވެ.

ރުމޭނިއާ އިން އެންމެ ފަހުން ޔޫރޯގެ ދެ ވަނަ ބުރުގައި ކުޅެފައިވަނީ 2000 ވަނަ އަހަރުގެ މުބާރާތުގަ އެވެ. އެ ފަހަރު އެ ޓީމު ކެޓީ ކުއާޓާ ފައިނަލުންނެވެ.

ގްރޫޕް އީގެ ހަތަރު ޓީމަށް ވެސް ލިބުނީ ހަތަރު ޕޮއިންޓެވެ. މިއީ ޔޫރޯގެ ތާރީހުގައި ވެސް މި ގޮތަށް ދިމާވި ފުރަތަމަ ފަަހަރެވެ.

އެ ގޮތުން، ގްރޫޕް އީގެ އެއް ވަނަ އަށް ރުމޭނިއާ ދިޔައިރު، ދެ ވަނަ ހޯދީ މިރޭ، 0-0 އިން ޔޫކްރެއިނާ އެއްވަރުވި ބެލްޖިއަމް އެވެ. ތިން ވަނަ އަށް ދިޔަ ސްލޮވާކިއާ އަށް ވެސް ވަނީ އަށް އަހަރަށް ފަހު ޔޫރޯގެ ދެ ވަނަ ބުރުން ފުރުސަތު ލިބިފަ އެވެ. އެންމެ ފަހުން، ޔޫރޯގެ ކުއާޓާ ފައިނަލުގައި ކުޅުނު ޔޫކްރެއިން ވަނީ ގްރޫޕްގެ ފުލަށް ދިއުމުން ކަޓައިފަ އެވެ.

ސްލޮވާކިއާ އާއި ރުމޭނިއާ އިން މެޗު ފަށައިގެން ލިބޭ ކޮންމެ ބޯޅައެއް ކަހަލަ ގޮތަކަށް އެޓޭކަަށް ބަދަލުކޮށްލައިގެން ގޯލެއް ޖެހޭތޯ މަަސައްކަތްކުރަމުންދިޔަ އެވެ.

އެ ގޮތުން، މެޗުގެ 24 ވަނަ މިނިޓްގައި ސްލޮވާކިއާ އިން ވަނީ ލިބުނު ފުރުސަތެއްގެ ބޭނުންހިފައި ލީޑުނަގައިފަ އެވެ. އޭރިއާތެރެއަށް ސްލޮވާކިއާގެ ޖޫރަޗް ކުޗްކާ ނެގި ހުރަހަކަށް އަަރައި، މި ލަނޑު ޖެހީ، އޮންޑްރޭއި ޑޫޑާ ބޮލުންނެވެ. އެ ބޯޅަ ހުއްޓުވަން ރުމޭނިއާގެ ކީޕަރު، ފްލޯރިން ނީޓްސާ އަށް މާ ބޮޑު ކަމެއް ނުކުރެވުނެވެ.

ސްލޮވާކިއާގެ ޑޫޑާ ލަނޑު ޖެހުމަށް ފަހު އުފާފާޅުކުރަނީ.

ހޫނު ގަދަ ވަގުތެއްގައި މެޗު ކުޅެން ޖެހޭތީ، 25 ވަނަ މިނިޓްގައި ކޫލިން ބްރޭކެއް ނެގިއިރު، އޭގެ ފަހުން، ރުމޭނިއާ އިން ކުރިއަށް ޖެހިގެން ކުޅެން ފަށައި ލަނޑު ޖަހާނެ ފުރުސަތުތައް ތަނަވަސްކުރަމުން ދިޔަ އެވެ.

ފުރަތަމަ ހާފު ނިމުމުގެ ކުރިން، ރުމޭނިއާ އިން ވަނީ 37 ވަނަ މިނިޓްގައި އެއްވަރުކޮށްފަ އެވެ. މިއީ، ޕެނަލްޓީ އަކުން، ރަޒްވާން މަރީން ޖެހި ގޯލެކެވެ. ރުމޭނިއާގެ ޔަނިސް ހާޖީ އަށް ސްލޮވާކިއާގެ ޑޭވިޑް ހަންކޯ ކުރި ފައުލަށް ފުރަތަމަ ދިނީ ޖެހުމެކެވެ. އެކަމަކު، ވީޑިއޯ އެސިސްޓަންޓް ރެފްރީ (ވީއޭއާރް) އިން ބަަލައިފައި ފައުލު ހިނގީ އޭރިއާތެރެއިން ކަމަށްވާތީ، ޕެނަލްޓީ އަކަށް ބަދަލުުކުރީ އެވެ.

ރުމޭނިއާ އިން ހާފު ނިމުމުގެ ކުރިން އިތުރު ލަނޑެއް ޖަހަން ލިބުނު ފުރުސަތުގައި އެ ޓީމުގެ ފޯވާޑް، ޑެނިސް ޑްރަގޫސް ޖެހި ޝޮޓް ދިޔައީ ދަނޑިކައިރިން ބޭރުންނެވެ.

ދެ ވަނަ ހާފުގައި ވިއްސާރައިގެ ތެރޭގައި ކުޅެން ޖެހުނުއިރު، ރުމޭނިއާގެ މަރީން ޖެހި ޝޮޓެއް ސްލޮވާކިއާގެ ކީޕަރު، މާޓިން ޑުބްރާވްކާ ވަނީ މަތަކޮށްފަ އެވެ. ސްލޮވާކިއާ އިން ވެސް ގިނަ އެޓޭކްތަކެއް ކުރި މި މެޗުގައި، އެ ޓީމުގެ، ލޫކަސް ހަރާސްލިން ޖެހި ޝޮޓެއް ވަނީ ދަނޑިކައިރިން ގޮސްފަ އެެވެ.

މެޗު އެއްވަރުވެގެން ދެ ޓީމަށް ވެސް އަނެއް ބުރަށް ދެވެން އޮތުމުން މާ އަވަސް އަރުވާލައިގެން ފަހުކޮޅުގައި ކުޅެން އުޅުމުގެ ބަދަލުގައި ހަމަޖެހިގެން ޑިފެންސަށް އިސްކަންދީގެން ކުޅެން ދެ ޓީމުން ވެސް ސަމާލުވި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox