އެންމެ ހިތާމަވެރި ވަގުތުގައި ވެސް ފުއާދު މަސައްކަތުގައި!

އެންމެ ހިތާމަވެރި ވަގުތުގައި ވެސް ފުއާދު މަސައްކަތުގައި!

އިދިކޮޅު ޕީޕަލްސް ނެޝަނަލް ކޮންގްރެސް (ޕީއެންސީ)ގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ކެންޑިޑެސީ ފޯމު ހުށަހެޅުއްވުން، ރިޔާސީ އިންތިހާބުގެ މައިމަރުކަޒު، ދަރުބާރުގޭގައި މީގެ ކުޑައިރުކޮޅެއް ކުރިން އޮތެވެ. އެކަން ކުރިއަށް ގެންދިޔައީ ކުޑަކުޑަ ރަސްމިއްޔާތެއްގެ ގޮތުގަ އެވެ. ލަފާ ކުރެވުނު ގޮތާ ހިލާފަށް އިލެކްޝަންސް ކޮމިޝަން (އީސީ)ގެ ފަރާތުން އެ ފޯމާ ހަވާލުވެވަޑަައިގެންނެވީ އެ ކޮމިޝަނުގެ ރައީސް ފުއާދު ތައުފީގެވެ.

ލަފާ ކުރެވުނު ގޮތާ ހިލާފަށޭ މި ބުނީ ފުއާދަށް މިއަދު ލިބިވަޑައިގެން ހުންނެވި ބޮޑު ހިތާމައާ އެކު މިއަދު ރަސްމީ މަސައްކަތަށް ނުކުމެވަަޑައިނުގަންނަވާނެ ކަމަށް ހީކުރެވުނީމަ އެވެ. އެކަމަކު މިއަދު ޔަގީން މިކުރެވުނީ ފުއާދަކީ އެއަށް ވުރެ މާ ހިތްވަރު ގަދަ ބޭފުޅެއް ކަމެވެ.

ދަރިކަލުން އަހުމަދު ފުއާފު، 47، އާލާސްކަންފުޅާ އުޅުއްވާތީ މީގެ ދުވަސްކޮޅެއް ކުރިން ފުއާދު ވަޑައިގެން އަވަށްޓެރި އިންޑިއާގައި އެތައް ދުވަހެއް ވަންދެން އެތަނުގައި ހުންނެވި އެވެ. އޭނާ ނިޔާވީ މިއަދު ހެނދުނު އިންޑިއާގެ ޓްރިވެންޑްރަމްގަ އެވެ.

އާންމުކޮށް ފެންނަ މަންޒަރަކީ އެފަދަ ބޮޑު ހިތާމައެއް ކުރިމަތިވާ ހާލަތުގައި ވަޒީފާގެ މަސްއޫލިއްޔަތުތައް އަދާކުރަން އެވަގުތަށް އުޒުރުވެރިވުމެވެ. އެހެން ނަމަވެސް ފުއާދު މިއަދު ދެއްކެވީ އޭގެ އިދިކޮޅެވެ. އޭނާއަށް ކުރިމަތިވެފައިވާ ހާލަތު ނޭނގޭ މީހަކަށް ނަމަ ފެންނާނެ މަންޒަރަކީ ހަމަ އާދައިގެ ދުވަހެއްގައި އޭނާ ރަސްމީ މަސައްކަތުގައި އުޅުއްވާ މަންޒަވެ.

ހިތާމައިގެ ބޮޑުކަން ފުއާދުގެ މޫނުމަތިން ވެސް ފާހަގަވެ އެވެ.

މިހާތަނަށް ރާއްޖޭގައި ބޭއްވި އެންމެ ގޮންޖެހުން ބޮޑު އިންތިހާބުތައް ބޭއްވުނުއިރުވެސް އިލެކްޝަންސް ކޮމިޝަންގެ ރައީސަކަށް ހުންނެވީ ފުއާދެވެ. އޭނާ އޭރު ދެއްކެވި ހިތްވަރާއި ސާބިތުކަމާއި މަސައްކަތުގެ ނަޒާހަތްތެރިކަމަށް އާންމު ރައްޔިތުންނާއި ސިޔާސީ ފަރާތްތަކުންވެސް އަބަދުވެސް ތައުރީފު ކުރެ އެވެ.

މީގެ 15 ވަރަކަށް ދުވަސް ކުރިން، ފުއާދުގެ އަނބިކަނބަލުންގެ ބައްޕަ ވެސް ވަނީ ނިޔާވެފަ އެވެ. އޭނާ ދިރިއުޅުއްވަމުންގެންދެވީ ފުއާދާއި އަނބިކަނބަލުންނާއެކު އެއް ގެއެއްގަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox