އިލެކްޝަންސްގެ ކޮމިޝަނުގެ މެމްބަރު ނަޝާތުގެ ދައުރު ހަމަވެއްޖެ

އިލެކްޝަންސް ކޮމިޝަންސް ގެ މެންބަރުން : އެ ކޮމިޝަންގެ އީސީގެ މެންބަރު ނަޝާތުގެ ދައުރު ހަމަވެ، ގާނޫނުން ލާޒިމްކުރާ އަދަދު ގެއްލިއްޖެ - ފޮޓޯ: އަބްދުﷲ އިޔާން / އަދަދު

އިލެކްޝަންސް ކޮމިޝަންސް ގެ މެންބަރުން : އެ ކޮމިޝަންގެ އީސީގެ މެންބަރު ނަޝާތުގެ ދައުރު ހަމަވެ، ގާނޫނުން ލާޒިމްކުރާ އަދަދު ގެއްލިއްޖެ - ފޮޓޯ: އަބްދުﷲ އިޔާން / އަދަދު

ރިޔާސީ އިންތިހާބަށް 47 ދުވަހަށް ވެފައިވަނިކޮށް އިލެކްޝަންސް ކޮމިޝަން (އީސީ) މެމްބަރު އަލީ ނަޝާތުގެ ދައުރު މިއަދު ހަމަވެއްޖެ އެވެ.

ނަޝާތު އެ މަގާމަށް އައްޔަނުކުރީ ޖުލައި 25، 2018 ގައި ކުރީގެ ރައީސް އަބްދުﷲ ޔާމީނުގެ ވެރިކަމުގަ އެވެ. ނަޝާތުގެ ދައުރު ހަމަވުމާއެކު ކޮމިޝަނުގައި މިހާރު ތިބޭނީ ހަތަރު މެމްބަރުންނެވެ.

ނަޝާތުގެ ދައުރު ހަމަވާތީ އޭނާ އިތުރު ދައުރަކަށް އައްޔަން ކުރުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވަނީ މެއި 29، ގައި ވަނީ މަޖިލީހަށް ފޮނުއްވައިފަ އެވެ. ނަމަވެސް، އެ މައްސަލައަށް ގޮތެއް ނުނިންމާ ޖޫން 22، މަޖިލިސް ވަނީ ޗުއްޓީއަށް ގޮސްފަ އެވެ.

ނަޝާތުގެ ދައުރު އިތުރުކުރުން ހިމެނޭހެން ފަސް މަޖިލީހަށް ހުށަހަޅާފައިވާ ފަސް ކަމެއް ނިންމާފައި ނޫނީ މަޖިލިސް ޗުއްޓީއަށް ނުދާ ގޮތަށް ދައުރު ދަންމައިލަން އެމްޑީޕީން އެދުނެވެ. ނަމަވެސް މަޖިލީހުގެ ރިޔާސަތުން އެގޮތަށް އަމަލުކޮށްފައެއް ނުވެ އެވެ.

އެކަމާ ގުޅިގެން އެމްޑީޕީ ޕީޖީ ގްރޫޕުގެ ލީޑަރު، ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް "އަދަދު" އާ ވާހަކަ ދައްކަވަމުން ވިދާޅުވީ، ނުނިމި ހުރި ކަންކަން ނިންމުމަށް އެ ޕާޓީން މަޖިލީހުގައި އެދުނު ނަމަވެސް އެކަން ކޮށްދެމުން ނުދާ ކަމަށެވެ. މިހާތަނަށް އެހެން އެދިގެން ދައުރުން ބޭރުން ޖަލްސާ ބޭއްވީ ކޮމިޓީތައް އެކުލަވާލުމަށެވެ.

"ދައުރުން ބޭރުން އަޅުގަނޑުމެން މިހާރު އެދިގެން އުޅޭ ޖަލްސާތައްވެސް ނުބާއްވަދީގެން މިއުޅެނީ، މަޖިލީހުގެ ގަވާއިދު ބުނާގޮތުން ދައުރުން ބޭރުން ޖަލްސާ ބާއްވައިގެން މިކަންކަން ހައްލުކުރެވެން ޖެހޭނެ، މަޖިލީހުގެ ގަވާއިދަށް ހުރުމަތްތެރިކޮށް ހިތާނެ ބަޔަކު މަޖިލީހުގެ ރިޔާސަތުގައި ތިބި ދުވަހަކުން ދެއްތޯ ކަމެއް ކުރެވޭނީ،" މަޖިލީހުގެ ރައީސް މުހައްމަދު ނަޝީދަށް ރައްދުކުރައްވާ އަސްލަމް ވިދާޅުވި އެވެ.

އީސީގެ ގާނޫނީ އަދަދު ގެއްލިފައި މިވާ ދަނޑިވަޅަކީ އެ ކޮމިޝަނުގެ އެތެރޭގެ މަސްލަހަތު ގެއްލި، ނަޝާތު ހިމެނޭހެން ތިން މެމްބަރަކު ކޮމިޝަނުގެ ރައީސް ފުއާދު ތައުފީގުގެ އިތުބާރު ނެތް ކަމަށް ފާސްކޮށްފައިވާ ދަނޑިވަޅެއްގަ އެވެ.

އެގޮތަށް ފާސްކުރި ނަމަވެސް ފުއާދު އިސްތިއުފާ ދެއްވައިގެން ނުވަތަ މަޖިލީހުން އޭނާ ވަކިކޮށްގެން މެނުވީ އޭނާ މަގާމުން ދުރެއް ނުކުރެވެ އެވެ.

ފުއާދުގެ އިތުބާރު ނެތްކަމުގެ މައްސަލައެއް ވައްދައި ފާސްކޮށްފައި މި ވަނީ އޭނާގެ އިތުބާރު ނެތް ކަމަށް ބުނެ ކޮމިޝަނުގެ ބައެއް މެމްބަރުން ނުރުހުންފާޅުކޮށްފައި އޮއްވަ އެވެ. އެ މެމްބަރުން ބުނަނީ ކުރީގެ ރައީސް ނަޝީދު އުފެއްދެވި ދަ ޑިމޮކްރެޓްސް ރަޖިސްޓްރީކޮށްދޭން ފުއާދު ނުފޫޒު ބޭނުން ކުރެއްވި ކަމަށެވެ. އެ ތުހުމަތުތައް ފުއާދު ދޮގު ކުރައްވަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox