ބަންގްލަދޭޝް ބަލިކޮށް ކުވެއިތު ސާފް ޗެމްޕިއަންޝިޕްގެ ފައިނަލަށް

Jul 1, 2023, 12:16 PM
ބަންގްލަދޭޝް ކޮޅަށް ގޯލު ޖެހުމަށް ފަހު ކުވެއިތުގެ ކުޅުންތެރިން އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު

ބަންގްލަދޭޝް ކޮޅަށް ގޯލު ޖެހުމަށް ފަހު ކުވެއިތުގެ ކުޅުންތެރިން އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު

އިތުރު ވަގުތުގެ ދެ ހާފް ކުޅެގެން، ބަންގްލަދޭޝް އަތުން 1-0 އިން މޮޅުވެ، ކުވެއިތުން ސާފް ޗެމްޕިއަންޝިޕް ފުޓްބޯޅަ މުބާރާތުގެ ފައިނަލުގެ ފުރަތަމަ ޖާގަ ހޯދައިފި އެވެ.

މި ފަހަރުގެ ސާފް ޗެމްޕިއަންޝިޕަށް ދައުވަތުދީގެން ކުޅޭ ދެ ގައުމުގެ ތެރެއިން އެއް ގައުމުގެ ތެރޭގައި ހިމެނޭ ކުވެއިތުން އަންނަ އަންގާރަ ދުވަހުގެރޭ ކުޅޭ ފައިނަލުގައި ކުޅޭ ޓީމެއް ކަނޑައެޅޭނީ މިރޭ ކުޅޭ ދެ ވަނަ ސެމީ ފައިނަލަށް ފަހު އެވެ. ދެ ވަނަ ސެމީގައި މުބާރާތުގެ އެންމެ ފަހުގެ ޗެމްޕިއަން، އަދި މުބާރާތުގެ އެންމެ ކާމިޔާބު ޓީމު، އިންޑިއާ އިން ނުކުންނާނީ ލެބަނަންއާ ދެކޮޅަށެވެ. ލެބަނަން އަކީ ވެސް މި ފަހަރުގެ މުބާރާތުގައި ދައުވަތު ގަބޫލުކޮށްގެން ވާދަކުރާ ޓީމެކެވެ.

ސާދަ އަހަރު ތެރޭ ބަންގްލަދޭޝް އިން ކުޅޭ ފުރަތަމަ ސާފް ސެމީ ފައިނަލުގައި އެ ޓީމުން ވަނީ ފުރަތަމަ އެގާރަ އަށް ބަދަލެއް ގެނެސްފަ އެވެ. އަނިޔާގެ ސަބަބުން ގްރޫޕް ސްޓޭޖު ފަހު މެޗުގައި ނުކުޅެވުނު، ބަންގްލަދޭޝްގެ ޑިފެންޑަރު، ތާރިގު ކާޒީ ވަނީ މި މެޗުގެ ފުރަތަމަ އެގާރައިގައި ހިމަނައިފަ އެވެ.

Advertisement

ބެންގަލޫރުގެ ސްރީ ކަންޓީރަވާ ސްޓޭޑިއަމްގައި މިއަދު ހަވީރު ކުޅުނު މެޗު ފަށައިގެން އެއް މިނިޓް 17 ސިކުންތު ތެރޭގައި ލީޑުނަގަން ބަންގްލަދޭޝް އަށް ރަނުގެ ފުުރުސަތެއް ލިބުނެވެ. އެ ގޮތުން، ބަންގްލަދޭޝްގެ ވިންގް، ރަކީބް ހުސެއިން ނަގައިދިން ހުރަހަކަށް ހުސްކޮށް އަރައި، އެ ޓީމުގެ ޝެކް މޮރްސަލީން ޖެހި ބޯޅަ ކުވެއިތުގެ ކީޕަރު، އަބްދުއްރަހްމާން މަރުޒޫގު މަތަކުރިއިރު، ރީބައުންސް ފޮނުވާލަން މޮރްސަލީން ކުރި މަސައްކަތް ކާމިޔާބެއްނުވި އެވެ.

ކުވެއިތުން މަޑުމަޑުން މެޗުގެ ތެރެއަށް ވަދެ، ހުރަސްތަކެއް ނަގައިގެން ގޯލެއް ޖެހޭތޯ މަސައްކަތް ކުރި އެވެ. އެ ގޮތުން މެޗުގެ 29 ވަަަނަ މިނިޓްގައި ކުވެއިތުގެ އެއިދު އަލްރާޝިދީ ނެގި ހުރަހެއް ގޯލަށް ވަންނަން ދަނިކޮށް ބަންގްލަދޭޝްގެ ކީޕަރު އަނީސުރް ރަހްމާން - ޒީކޯ ވަނީ ހުއްޓުވައިފަ އެވެ. އޭގެ، 10 މިނިޓް ފަހުން، މެޗުގެ 40 ވަނަ މިނިޓްގައި އޭރިއާބޭރުން އަލް ރާޝިދީ ޖެހި ބޯޅަ ވެސް ކީޕަރު ޒީކޯ ވަނީ މަތަކޮށްފަ އެވެ.

މެޗުގެ 60 ވަަނަ މިނިޓްގައި ބަންގްލަދޭޝް އިން ވަނީ ރަނގަޅު ހަމަލާއެއް ފޮނުވާލައިފަ އެވެ. އެ ގޮތުން، ކުވެއިތު ޑިފެންސް ފަހަތުން ހުސްވި ޖާގައަކުން ބޯޅަ ހިފައިގެން އޭރިއާތެރެއަށް ވަދެ، ހަނި އޭންގަލުން ރަކީބް ޖެހި ބޯޅަ ބޭރުވީ ހުރަސްދަނޑީގައި ޖެހިފަ އެވެ.

ކުވެއިތުން ދެ ވަނަ ހާފުގެ މެދެއްހާ ހިސާބުން މެޗުގެ ކޮންޓްރޯލް އެއްކޮށް ކަހަލަ ގޮތަކަށް ނެގި އެވެ. ފުލުފުލުގައި އެ ޓީމުން ފޮނުވާލަމުންދިޔަ ހަމަލާތަކުގެ ތެރެއިން ބައެއް ބޯޅަތައް ކީޕަރު ޒީކޯ ވަނީ ހުއްޓުވައިފަ އެވެ. ކައުންޓަ އެޓޭކުގައި ބަންގްލަދޭޝް އިން ވެސް ގޯލެއް ޖެހޭތޯ ބެލިއިރު، އެ ޓީމަށް ލިބުނު ފުރުސަތުގައި ކުވެއިތުގެ ކީޕަރު ޓެސްޓް ކޮށްލެވޭ ވަރުގެ ހަމަލާއެއް ފޮނުވާނުލެވުނެވެ.

އިތުރު ވަގުތުގެ ފުރަތަމަ ހާފުގެ ކުޅުން ފެށިގެން އަށް ވަނަ މިނިޓްގައި، ކުވެއިތުގެ ޝަބައިބް އަލް ހައިދީ އަށް ލިބުނު ހުސް ފުރުސަތެއްގައި ޖެހި ޝޮޓް ކީޕަރު ޒީކޯ ވަނީ މަތަކޮށްފަ އެވެ. އޭގެ ފަހުން، އަލް ރާޝިދީ ފޮނުވާލި ހަމަލާގެ ހުރަހަކަށްވީ ވެސް ޒީކޯ އެވެ.

ކުވެއިތުން ގޯލެއް ޖަހަން ކުރި މަސައްކަތް ކާމިޔާބުވީ މެޗުގެ އިތުރު ވަގުތުގެ ފުރަތަމަ ހާފުގެ އިތުރު ވަގުތުގެ ގޮތުގައި ދެއްކި ދެ މިނިޓް ތެރޭގަ އެވެ. ކައުންޓަ އެޓޭކުގައި އަރައި، ބަންގްލަދޭޝްގެ އޭރިއާތެރެއިން ކުވެއިތުގެ އަބްދުﷲ އަލްބަލޫޝީ ޖެހި ބޯޅަ އަމާޒުވީ ގޯލުގެ ދުރު ކަނަށެވެ.

އިތުރު ވަގުތުގެ ދެ ވަނަ ހާފްގެ ކުޅުން ނިމެން ހަތަރު މިނިޓަށް ވެފައި ވަނިކޮށް ކުވެއިތުގެ އޭރިއާތެރެއަށް ހުސްކޮށްވަދެ، ބަންގްލަދޭޝްގެ ރަކީބް ޖެހި ބޯޅަ ކުވެއިތުގެ ކީޕަރު އަބްދުއްރަހުމާން މަރުޒޫގު ވަނީ މަަތަކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox