ސާފް 2023: ބަންގްލަދޭޝް އިން ބޫޓާނާއި ރާއްޖެ ކަޓުވާލައި ސެމީ އަށް

ބޫޓާން ކޮޅަށް ގޯލު ޖެހުމަށްފަހު ބަންގްލަދޭޝްގެ ރާކިބް އުފާފާޅުކުރަނީ - ފޮޓޯ: މުހައްމަދު ޝާބިން/އަދަދު

ބޫޓާން ކޮޅަށް ގޯލު ޖެހުމަށްފަހު ބަންގްލަދޭޝްގެ ރާކިބް އުފާފާޅުކުރަނީ - ފޮޓޯ: މުހައްމަދު ޝާބިން/އަދަދު

ފަހަތުން އަރައި، 3-1 އިން ބޫޓާން ބަލިކޮށް ސާފް ބަންގުބަންދު ޗެމްޕިއަންޝިޕް ފުޓްބޯޅަ މުބާރާތުގެ ސެމީ ފައިނަލުން ބަންގްލަދޭޝް ޖާގަ ހޯދައިފި އެވެ.

މިއީ 14 އަހަރު ތެރޭ ބަންގްލަދޭޝް އިން ސާފް ޗެމްޕިއަންޝިޕްގެ ސެމީ ފައިނަލުގައި ކުޅޭނެ ފުރަތަމަ ފަހަރެވެ. އެންމެ ފަހުން ބަންގްލަދޭޝް އިން ސާފް ޗެމްޕިއަންޝިޕެއްގެ ސެމީގައި ކުޅުނީ 2009 ވަނަ އަހަރު އެެވެ. އަނެއްކޮޅުން މިއީ، ސާފް ޗެމްޕިއަންޝިޕްގެ ތާރީހުގައި ވެސް ރާއްޖެ ގްރޫޕް ސްޓޭޖުން ކެޓި ފުރަތަމަ ފަހަރެވެ.

ބޫޓާނަށް މިރޭ ހަތަރު ގޯލަށް ވުރެ ބޮޑު ފަރަގަކުން، ބަންގްލަދޭޝް ބަލިކޮށް ސެމީ އަށް ދެވެން އޮތެވެ. ރާއްޖެ އަށް ސެމީގެ ފުރުސަތެއް އޮތީ ބޫޓާން މިރޭ ދެ ގޯލުގެ ފަރަގަކުން މޮޅުވިނަމަ އެވެ. އެކަމަކު، ބަންގްލަދޭޝް އިން ފަހަތުން އަރައި ބޫޓާން ބަލިކޮށް މި ވަނީ ގްރޫޕްގެ ދެ ވަނައިގެ ގޮތުގައި ހަ ޕޮއިންޓް ހޯދައިގެން ސެމީ އަށް ގޮސްފަ އެވެ. ގްރޫޕްގެ އެއް ވަނަ ލިބުނީ ހުރިހާ މެޗަކުން މޮޅުވެ، ނުވަ ޕޮއިންޓް ހޯދި ލެބަނަން އެވެ. ރާއްޖެ ތިން ވަނައިގައި އޮތީ ތިން ޕޮއިންޓް ހޯދައިގެންނެވެ. ބޫޓާން ކެޓީ ޕޮއިންޓެއް ނުލިބި އެވެ.

އަންނަ ހޮނިހިރު ދުވަހު ކުޅޭ ސެމީ ފައިނަލް ފުރަތަމަ މެޗުގައި ބަންގްލަދޭޝް ނުކުންނާނީ ގްރޫޕް އޭގެ އެއް ވަނަ ކުވެއިތާ ދެކޮޅަށެވެ. ހޮނިހިރު ދުވަހުގެ ރޭ ކުޅޭ ސެމީ ފައިނަލް ދެވަނަ މެޗުގައި އިންޑިއާ ނިކުންނާނީ ލެބަނަންއާ ދެކޮޅަށެވެ.

ހީކުރެވުނު ގޮތަށް މިރޭގެ މެޗު ފަށައިގެން ވަރުގަދައަށް ފެށީ ބަންގްލަދޭޝް އިންނެވެ. މިގޮތުން އެޓީމުން ކައުންޓާ އެޓޭކުގައި މެޗުގެ ކުރީކޮޅު ހަމަލާއެއް އުފެއްދި އެވެ. ސުހޭލް ރާނާ ފޮނުވާލި ހަމަލާ ދިޔައީ ބޫޓާން ކީޕަރު އަތަށެވެ.

އޭގެ ފަހުންވެސް އޭޓީމުން އެޓޭކުގައި ގިނަ ވަގުތު ބޯޅަ ހިފަހައްޓައިގެން އުޅެނިކޮށް ބޫޓާނުން ފުރަތަމަ ގޯލު ޖަހައި މެޗުގެ ލީޑު ނެގި އެވެ. އޭރިއާ ބޭރުން ލިބުނު ބޯޅައަކުން މި ގޯލު އެޓީމަށް ޖަހައިދިނީ ޝެލްތްރިމް ނަމްގްޔޭލް އެވެ. ބޫޓާންގެ ގޯލަށް ފަހު އެޓީމުން އިތުރު ގޯލެއް ޖެހުމާ ގާތަށް ޖެހިލި އެވެ. އޭރިއާ ބޭރުން މިފަހަރު ނިމާ ވަންގްޑީ ފޮނުވާލި ހަމަލާ ބޭރަށް ދިޔައީ ހުރަސް ދަނޑީގައި ޖެހިފަ އެވެ.

މެޗުގެ ނަތީޖާ ހަމަހަމަކުރުމަށް ބަންގްލަދޭޝްއަށް މާ ގިނަ ވަގުތެއް ނުނެގި އެވެ. މެޗުގެ 22 ވަނަ މިނެޓުގައި އެޓީމުން ނަތީޖާ ހަމަހަމަކުރީ ޝޭހް މުރުސަލިން ޖެހި ގޯލުންނެވެ. މިއީ ޑިފެންޑަރު ފުންޓްސޯ ޖިގްމޭ އަތުން ގެއްލުނު ބޯޅައެއް ހޯދައި ޑީއޭރިއާ ތެރޭގައި ހުރެފައި އޭނާ ފޮނުވާލި ބޯޅައެކެވެ. މުރުސަލިން ފޮނުވާލި ހަމަލާ ގޮސް ގޯލަށް ވަނީ ކީޕަރު ޔެލްޝެން ޒަގްޕޯ އެ ބޯޅަ ދިފާއުކުރަން މާ ބޮޑަށް ފަސޭހަކޮށްލުމުންނެވެ.

މެޗުގެ 30 ވަނަ މިނެޓުގައި ބަންގްލަދޭޝުން ފުރަތަމަ ފަހަރަށް ލީޑު ނެގި އެވެ. މިއީ ބޫޓާންގެ ފުންޓްސޯ އަތުން ބައިކޮޅަށް ވަތް ގޯލެކެވެ. އަރިމަތިން މުރުސަލިން ނަގައިދިން ހުރަހުން ރަކީބް ހުސައިން ކޮންޓްރޯލްކުރަން މަސައްކަތްކުރި ބޯޅަ ގޯލަށް ވަނީ ކުރިމަތީގައި ހުރި ޑިފެންޑަރު ފުންޓްސޯގެ ގައިގައި ޖެހިފަ އެވެ.

ބަންގްލަދޭޝްގެ ތިންވަނަ ގޯލު ޖަހައިދިނީ ރާކިބް އެވެ. އޭރިއާ ބޭރުން ލިބުނު ބޯޅައާއިއެކު ގޮސް ހަނި އޭންގަލަކުން ރާކިބް ފޮނުވާލި ހަމަލާ ގޮސް ގޯލަށްވަނީ އަރިމަތީ ދަނޑިގައި ޖެހިފަ އެވެ.

ފުރަތަމަ ހާފުގެ އިތުރު ވަގުތުގައި ބޫޓާނުން ނުރައްކާތެރި ހަމަލާއެއް ފޮނުވާލި އެވެ. އޭރިއާގެ އަރިމަތިން ލިބުނު ހިލޭ ޖެހުމަކުން ޝެރުބް ދޯޖީ ފޮނުވާލި ބޯޅަ ދިޔައީ ހުރަސް ދަނޑި ކައިރިން ބޭރު ދާގަނޑަށެވެ.

ދެވަނަ ހާފަށް ބޫޓާނުން ނިކުތީ ތިން ބަދަލަކާއިއެކުގަ އެވެ. މިގޮތުން މިދިޔަ ދެ މެޗުގައި ގިނަ ވަގުތު ކުޅެން ފުރުސަތު ނުލިބުނު ބައެއް ކުޅުންތެރިން އެޓީމުން ވަނީ ދެވަނަ ހާފުގައި ކުޅެން އަރުވާފަ އެވެ.

ފުރަތަމަ ހާފާ ހިލާފަށް ދެވަނަ ހާފުގައި ގިނަ ވަގުތު ބޯޅަ ހިފަހައްޓައިގެން ހާފު ކޮންޓްރޯލްކޮށްގެން ކުޅުނީ ބޫޓާނުންނެވެ. ނަމަވެސް އޭޓީމަށް ގޯލާ އަމާޒުކޮށް ނުރައްކާތެރި މާގިނަ ހަމަލާތަކެއް ތަނަވަސް ނުކުރެވެ އެވެ.

ދެވަނަ ހާފުގައި ފެނުނު އެންމެ ނުރައްކާތެރި ހަމަލާ ފޮނުވާލީ ސެންޑާ ދޯޖީ އެވެ. ޗެންޗޯ ޔެލްޝެން ދިން ޕާހަކުން އޭރިއާ ރޮނގުމަތީގައި ކަހަލަ ގޮތަކަށް ހުރެ އޭނާ ފޮނުވާލި ބޯޅަ ދިޔައީ އަރިމަތީ ދަނޑި ކަައިރިން ބޭރަށެވެ. އޭގެ ކުރިން ލިބުނު ކޯނަރަކުން ޓެންޒިން ނޯބޫ ފޮނުވާލި ބޯޅަ ދިޔައީ ހުރަސް ދަނޑިމަތިން ބޭރަށެވެ.

ބަންގްލަދޭޝް ކުޅުންތެރިން ޑިފެންސަށް އިސްކަންދީގެން މެޗުގެ ވަގުތު ބޭކާރުކޮށްލަން މަސައްކަތްކުރަމުންދިޔަ މިހާފުގައި ބޫޓާންގެ ހާފުގެ ތެރޭގައި ބަންގްލަދޭޝްއަށް ރަނގަޅު ޕާސްތަކެއް ޖަހާލައިގެން ކުޅެވުނީވެސް މަދު ވަގުތުކޮޅަކަށެވެ.

މި މެޗުގެ އިތުރު ވަގުތުގައި ބޫޓާންގެ ޗެންޗޯ ނުރައްކާތެރި ހަމަލާއެއް ފޮނުވާލި އެވެ. އޭރިއާ ބޭރުގައި ހުރެފައި އޭނާ ފޮނުވާލި ބޯޅަ ކީޕަރު އަނީސުރަހުމާން ވަނީ ކޯނަރަކަށް ބޭރުކޮށްލާފަ އެވެ. އޭގެ ފަހުން އޭރިއާ ތެރޭގައި ހުރެފައި ސެންޑާ ފޮނުވާލި ބޯޅައެއް ޑިފެންޑަރު ޓޯޕޫ ވަނީ ބްލޮކްކޮށްފަ އެވެ. ފަހު ވަގުތު ލިބުނު ކޯނަރަކުން ތަނަވަސްކުރި ފުރުސަތެއްގައި ޝެރިން ދޯޖީ ފޮނުވާލި ބޯޅަ ގޯލަށް ވަނުމުގެ ކުރިން ދިފާއުކުރީވެސް ޓޯޕޫ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox