ޔޫރޮޕާ ލީގުގެ ފައިނަލުގައި ސެވިއްޔާ އާއި ރޯމާގެ ކުރިމަތިލުމެއް

May 19, 2023, 1:28 AM
ސެވިއްޔާ މޮޅުކޮށްދިން ގޯލު ޖެހުމަށް ފަހު ލަމޭލާ އުފާފާޅުކުރަނީ.

ސެވިއްޔާ މޮޅުކޮށްދިން ގޯލު ޖެހުމަށް ފަހު ލަމޭލާ އުފާފާޅުކުރަނީ.

ރޯމް (މެއި 19) - ޔުއެފާ ޔޫރޮޕާ ލީގުގެ ފައިނަލުން މުބާރާތުގެ އެންމެ ކާމިޔާބު ޓީމު ސެވިއްޔާ އާއި މިދިޔަ ސީޒަނުގައި ޔުއެފާ ކޮންފަރެންސް ލީގުގެ ޗެމްޕިއަންކަން ހޯދި، ހޯސޭ މޮރީނިއޯ ކޯޗުކޮށްދޭ ރޯމާ އިން ފުރުސަތު ހޯދައިފި އެވެ.

ޒަބީ އަލޮންސޯ ކޯޗުކަމާ ހަވާލުވެހުރި، ބަޔާ ލެވަކޫސަން ދަނޑުގައި ރޭ ކުޅުނު ސެމީ ފައިނަލް ދެ ވަނަ ލެގުގައި ރޯމާ އިން ވަނީ ލަނޑެއް ނުޖެހި އެއްވަރުވެފަ އެވެ. އެހެންކަމުން، ރޯމާ ފައިނަލަށް ދިޔައީ ދެ ލެގަށް ބަލާއިރު، 1-0 ގެ އެގްރިގޭޓުން ކުރި ލިބިގެންނެވެ.

ޔޫރޮޕާ ލީގުގެ އަނެއް ސެމީ ފައިނަލުގައި ސެވިއްޔާ އާއި ޔުވެންޓަސް ވަނީ 120 މިނިޓް ކުޅެފަ އެވެ. އިތުރު ވަގުތުގެ ފުރަތަމަ ހާފުގައި ގޯލެއް ޖަހައި، ރޭ ސެވިއްޔާ އިން 2-1 އިން މޮޅުވިއިރު، އެގްރިގޭޓުން ކުރިހޯދީ 3-2 އިންނެވެ.

Advertisement

އަމިއްލަ ދަނޑުގައި ކުޅުނު ބަޔާ ލެވަކޫސަނުން ރޭގެ މެޗުގައި ލަނޑެއް ޖެހޭތޯ ގިނަ މަސައްކަތްތަކެއް ކުރި އެވެ. އެކަމަކު، ރޯމާގެ ގޯލުގައި ހުރި ރުއީ ޕެޓްރީޝިއޯ ކައިރިން ގޯލެއް ވަންނަ ގޮތެއް ނުވި އެވެ. ބަޔާ ލެވަކޫސަނަށް ކުޅޭ އީރާންގެ ފޯވާޑް، ސަރްދާރް އަޒްމޫން އާއި ޖަރުމަނުގެ ވިންގް، ފްލޯރިއަން ވްރިޓްޒް އަދި ފްރާންސްގެ ފޯވާޑް، މޫސާ ޑިއާބީ އަށް ލިބުނު ފުރުސަތުތަކުގައި ގޯލެއް ޖެހިޔަނުދޭން ރޯމާ ޑިފެންޑަރުން ވެސް މޮޅަށް ކުޅުނެވެ.

ޔުވެންޓަސް އިން ރޭގެ މެޗުގެ ދެ ވަނަ ހާފުގައި ޑޫސާން ވްލަހޯވިޗް ޖެހި ގޯލުން ލީޑުނެގި އެވެ. މެޗުގެ 65 ވަނަ މިނިޓްގައި ވްލަހޮވިޗަށް ލިބުނު ފުރުސަތުން ގޯލެއް ޖަހައި، ޔުވެންޓަސް އަށް ކުރިހޯދައިދިން ނަމަވެސް އެ ލީޑު އެ ޓީމަށް ދެމެހެއްޓޭ ގޮތެއްނުވި އެވެ. އޭގެ ހަ މިނިޓް ފަހުން، ސެވިއްޔާގެ އެރިކް ލަމޭލާ ދިން ބޯޅައަކުން އެ ޓީމުގެ މިޑްފީލްޑަރު، ސޫސޯ ވަނީ ގޯލެއް ޖަހައި އެއްވަރުކޮށްދީފަ އެވެ.

މެޗުގެ ފުރިހަމަ ވަގުތު ނިމުނުއިރު، ދެ ޓީމު 1-1 އިން އެއްވަރުވެފައި އޮތުމުން ނަތީޖާ ނެރެން ކުޅުނު ދެ ހާފްގެ ތެރެއިން ފުރަތަމަ ހާފުގައި ސެވިއްޔާ އިން ވަނީ މެޗުން މޮޅުވި ލަނޑު ޖަހައިފަ އެވެ. ޔޫރޮޕާ ލީގުގެ ޗެމްޕިއަންކަން ހަތް ވަނަ ފަހަރަށް ހޯދަން މަސައްކަތް ކުރަމުން އަންނަ ސެވިއްޔާ މޮޅުކޮށްދިން ލަނޑު ޖެހީ ލަމޭލާ އެވެ. އެއީ ޒުވާން މިޑްފީލްޑަރު ބްރަޔާން ގިލް ދިން ބޯޅައަކުންނެވެ.

ސެވިއްޔާ އިން މެޗު ނިންމާލީ ކުޅުންތެރިއަކު މަދުކޮށެވެ. އެއީ އެ ޓީމުގެ މާކޯސް އަކޫނިއާ އަށް އިތުރު ވަގުތުގެ ދެ ވަނަ ހާފުގައި ދެއްކި ދެ ވަނަ ރީނދޫ ކާޑާ އެކު ރަތް ކާޑު ދެއްކުމުންނެވެ.

ޔުއެފާގެ ތިން ވަނަ ފަންތީގެ ކްލަބް ފުޓްބޯޅަ މުބާރާތް، ކޮންފަރެންސް ލީގުގެ ފައިނަލުން ފުރުސަތު ހޯދީ އިންގްލެންޑްގެ ވެސްޓް ހޭމް ޔުނައިޓެޑް އާއި އިޓަލީގެ ފިއޮރެންޓީނާ އެވެ.

ސެމީ ފައިނަލް ދެ ވަނަ ލެގުގައި ވެސްޓް ހޭމް އިން ވަނީ ޕަބްލޯ ފޯނާލްސްގެ ގޯލުން، ނެދަލެންޑްސްގެ އޭޒެޑް އަލްްކްމާރް ދަނޑުގައި 1-0 އިން މޮޅުވެފަ އެވެ. އެގްރިގޭޓުން ބަލާއިރު، ވެސްޓް ހޭމް މޮޅުވީ 3-1 އިންނެވެ. އަނެއް ސެމީ ފައިނަލްގައި ފިއޮރެންޓީނާ އިން ވަނީ ބަސެލް ދަނޑުގައި ރޭ 3-1 އިން މޮޅުވެ، އެގްރިގޭޓުން 4-3 އިން ކުރިހޯދައިފަ އެވެ.

މި ފަހަރު ޔޫރަޕްގެ ކްލަބް ލެވަލްގެ ތިން ފައިނަލުގައި ވެސް އިޓަލީގެ ކްލަބްތައް ވާދަކުރާނެ އެވެ. ޗެމްޕިއަންސް ލީގުގެ ފައިނަލުގައި އިންޓަ މިލާން ވާދަކުރާއިރު، ޔޫރޮޕާ ލީގުގެ ފައިނަލުގައި ރޯމާ އަދި ކޮންފަރެންސް ލީގުގެ ފައިނަލުގައި ފިއޮރެންޓީނާ ކުޅޭނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox