ޗެލްސީ އާއި ޔުނައިޓެޑަށް މޮޅެއް ނުލިބުނު، ޓޮޓެންހަމް ސޮއްސާލަނީ

Feb 11, 2026, 4:56 AM
ޗެލްސީ އާއި ޔުނައިޓެޑަށް މޮޅެއް ނުލިބުނު، ޓޮޓެންހަމް ސޮއްސާލަނީ

ލަންޑަން (ފެބްރުއަރީ 11) - އިނގިރޭސި ޕްރިމިއާ ލީގުގައި ރޭ މެންޗެސްޓާ ޔުނައިޓެޑާއި ޗެލްސީން ކުޅުނު މެޗުތަކުން މޮޅެއް ނުލިބި ނިންމާލަން ޖެހުނުއިރު، އަމިއްލަ ދަނޑުގައި ނިއުކާސަލް ޔުނައިޓެޑް އަތުން 2-1 އިން ބަލިވެ، ޓޮޓެންހަމް ހޮޓްސްޕާސް އިން ލީގު ތާވަލުގެ ރެލިގޭޝަން ޒޯނާ ދިމާލަށް ސޮއްސާލައިފި އެވެ.

އިތުރު ވަގުތުގެ ތެރޭގައި ޖެހި ގޯލުން ޔުނައިޓެޑުން ވަނީ ވެސްޓް ހޭމްއާ 1-1 އިން އެއްވަރުވެފަ އެވެ. އަދި، ޗެލްސީން ދެ ގޯލުގެ ލީޑެއް ނެގި ނަމަވެސް ލީޑްސް ޔުނައިޓެޑުން ވަނީ 2-2 އިން އެއްވަރުކޮށްފަ އެވެ. މި ނަތީޖާތަކާ އެކު، ޗެމްޕިއަންސް ލީގުގެ ޖާގަ އަށް ވާދަކުރަމުން އަންނަ ޔުނައިޓެޑާއި ޗެލްސީގެ ފޯމަށް ވަނީ އަސަރުކޮށްފަ އެވެ.

ހަތަރެއްގައި އޮތް ޔުނައިޓެޑަށް 26 މެޗުން 45 ޕޮއިންޓް ލިބިފައިވާއިރު، ޗެލްސީ، ފަސް ވަަނައިގައި އޮތީ 26 މެޗުން 44 ޕޮއިންޓާ އެކު އެވެ. ހަ ވަނައިގައި އޮތް ލިވަޕޫލަށް 25 މެޗުން 39 ޕޮއިންޓް ލިބިފައިވާއިރު، ހަތް ވަނައިގައި އޮތް ބްރެންޓްފޯޑަށް ވެސް ވަނީ 25 މެޗުން 39 ޕޮއިންޓް ލިބިފަ އެވެ. ލިވަޕޫލުން މިރޭ ސަންޑަލެންޑާ ކުޅޭއިރު، ބްރެންޓްފޯޑުން ބައްދަލުކުރާނީ ލީގުގެ އެއް ވަނައިގައި އޮތް އާސެނަލާ އެވެ.

އަމިއްލަ ދަނޑުގައި ޗެލްސީން 24 ވަނަ މިނިޓްގައި ލީޑުނެގީ ޖޮއާއޯ ޕެޑްރޯ ޖެހި ގޯލުންނެވެ. ޕެޑްރޯ ޖެހި ގޯލަށް ފުރުސަތު ހޯދައިދިން، ކޯލް ޕާމާ ވަނީ ދެ ވަނަ ހާފު ފެށިގެން މާގިނައިރެއްނުވެ، ޕެނަލްޓީއެއް ވައްދާލައި ޗެލްސީ އަށް ލީޑުފުޅާކޮށްދީފަ އެވެ. އެކަމަކު، މެޗުގެ 67 ވަނަ މިނިޓްގައި ލީޑްސްގެ ލޫކަސް ނިމެކާ ޕެނަލްޓީއެއް ވައްދާލައި އެ ޓީމަށް އުންމީދެއް ހޯދައިދިނެވެ. އަދި، އޭގެ ހަ މިނިޓް ފަހުން، ނޯއާ އޮކަފޯ ވަނީ ގޯލު ޖަހައި، އެއްވަރުކޮށްދީފަ އެވެ. އިތުރު ވަގުތުގެ ތެރޭގައި ޗެލްސީ މޮޅުކޮށްދޭން ޕާމާ އަށް މުޅިން ހުސްކޮށް ލިބުނު ފުރުސަތުގައި، ފޮނުވާލި ބޯޅަ ދިޔައީ ހުރަސްދަނޑިމަތިންނެވެ.

މައިކަލް ކެރިކް ހަވާލުވި ފަހުން ކުޅުނު ހަތަރު މެޗުން ވެސް މޮޅުވި، ޔުނައިޓެޑުން ރޭ ވެސްޓް ހޭމްގެ އަތްދަށުން ސަލާމަތްވީ ކިރިޔާ އެވެ. ވެސްޓް ހޭމްގެ ތޯމަސް ސޫޝެކް ލަނޑު ޖަހައި އެ ޓީމަށް ލީޑުނަގައިދިންއިރު، އިތުރު ވަގުތުގެ ތެރޭގައި ޔުނައިޓެޑުން އެއްވަރުކުރީ ބެންޖަމިން ސެސްކޯ ޖެހި ގޯލުންނެވެ.

މަލިކް ތިއާއޯގެ ލަނޑުން ނިއުކާސަލް ލީޑުނެގިއިރު، އެންޑީ ގްރޭ ވަނީ ޓޮޓެންހަމަށް އެއްވަރުކޮށްދީފަ އެވެ. ނިއުކާސަލް މޮޅުވީ ޖޭކަބް ރަމްސޭ ޖެހި ލަނޑުންނެވެ. މި މެޗުން ބަލިވެ، ޓޮޓެންހަމް އިން 2026 ވަނަ އަހަރު ފެށި ފަހުން މޮޅެއް ހޯދަން ކުރާ އިންތިޒާރު ދިގުލައިދިޔައިރު، އެ ޓީމު އޮތީ ރެލިގޭޝަން ޒޯނާ ގާތުގަ އެވެ.

ލީގުގެ 16 ވަނައިގައި އޮތް ޓޮޓެންހަމް އަށް 26 މެޗުން 29 ޕޮއިންޓް ލިބިފައިވާއިރު، 18 ވަނައިގައި އޮތް ވެސްޓް ހޭމް އަށް 26 މެޗުން ވަނީ 24 ޕޮއިންޓް ލިބިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox