ޑެމްބެލޭގެ ގޯލުން ބާސެލޯނާ ސްޕެނިޝް ކަޕްގެ ސެމީ އަށް

Jan 26, 2023, 3:47 AM
ލަނޑު ޖެހުމަށް ފަހު ޑެމްބެލޭ އުފާފާޅުކުރަނީ.

ލަނޑު ޖެހުމަށް ފަހު ޑެމްބެލޭ އުފާފާޅުކުރަނީ.

ބާސެލޯނާ (ޖެނުއަރީ 26) - ސްޕެނިޝް ކަޕް (ސްޕެނިޝް ކޮޕަ ޑެލް ރޭ)ގެ ކުއާޓާ ފައިނަލުގައި ރޭ އޮސްމާން ޑެމްބެލޭ ޖެހި ގޯލުން 1-0 އިން ރެއާލް ސޮސިއެޑާޑް ބަލިކޮށް، ބާސެލޯނާ މުބާރާތުގެ ސެމީ ފައިނަލުން ފުރުސަތު ހޯދައިފި އެވެ.

މި އަހަރު ފެށި ފަހުން، ބާސެލޯނާ އިން އަންނަނީ ރަނގަޅު ފޯމެއް ދަމަހައްޓަމުންނެެވެ. ސްޕެނިޝް ސުޕަ ކަޕްގެ ޗެމްޕިއަންކަން ހޯދުމުގެ އިތުރުން، ސްޕެނިޝް ލީގުގެ އެއް ވަނައިގައި ވަނީ ތިން ޕޮއިންޓުގެ ލީޑެއް ނަގައިފަ އެވެ. އަދި ރޭގެ ނަތީޖާއާ އެކު ސްޕެނިޝް ކަޕްގައި ވެސް ރަނގަޅު ކާމިޔާބެއް ހޯދުމަށް މި ވަނީ ފުރުސަތު ފަހިކޮށްފަ އެވެ.

ރޭގެ މެޗު ފަށައިގެން 17 ވަނަ މިނިޓްގައި ބާސެލޯނާގެ ޑެމްބެލޭ އޭރިއާބޭރުން ޖެހި ބޯޅަ ދިޔައީ ދަނޑިކައިރިން ބޭރުންނެވެ. އޭގެ ދެ މިނިޓް ފަހުން، ޑެމްބެލޭ ގޯލު ކުރިމައްޗަށް ހުރަސްކޮށްލި ބޯޅަ ޖަހަން އެރި ފްރެންކީ ޑި ޔޯން ވެއްޓިގެންފައި ފޮނުވާލި ބޯޅަ ދިޔައީ އަރިމަތިން ބޭރުންނެވެ.

Advertisement

ސޮސިއެޑާޑުން މެޗުގެ 30 ވަނަ މިނިޓްގައި ލީޑުނެގުމާ ގާތަށް ޖެހިލި އެވެ. އޭރިއާތެެރެއިން ސޮސިއެޑާޑަށް ކުޅޭ ޖަޕާނުގެ ވިންގް، ޓަކެފޫސާ ކޫބޯ ޖެހި ބާރު ބޯޅަ އަމާޒުވީ ގޯލުގެ ހުރަސްދަނޑިއަށެވެ.

ސޮސިއެޑާޑަށް ރޭގެ މެޗުގައި މައްސަލަ ދިމާވީ، 40 ވަނަ މިނިޓްގައި އެ ޓީމުގެ ބްރައިޒް މެންޑޭޒް އަށް ރަތް ކާޑެއް ދެއްކުމުން މެޗުގެ ބާކީ ބައިގައި ކުޅުންތެރިއަކު މަދުކޮށް ކުޅެން ޖެހުމުންނެވެ. ބާސެލޯނާގެ ސާޖިއޯ ބުސްކެޓްސް އަށް ކުރި ފައުލަށް ފުރަތަމަ ބްރައިޒް މެންޑޭޒަށް ދެއްކީ ރީނދޫ ކާޑެކެވެ. އެކަމަކު، ވީޑިއޯ އެސިސްޓަންޓް ރެފްރީ (ވީއޭއާރް)ގެ ލަފާ ހޯދައި، ވަނީ ރަތް ކާޑަކަށް ބަދަލުކޮށްފަ އެވެ.

ސޮސިއެޑާޑްގެ ކޫބޯ (ވ) ކައިރިން ބާސެލޯނާގެ ޑި ޔޯން ބޯޅަ ހިފައިގެންދާން މަސައްކަތް ކުރަނީ.

މެޗުގައި ފެނިގެންދިޔަ ހަމައެކަނި ގޯލު، 52 ވަނަ މިނިޓްގައި، ޑެމްބެލޭ ކާމިޔާބުުކުރިއިރު، އެ ގޯލަށް ފުރުސަތު ތަނަވަސްކޮށްދިނީ ޖޫލްސް ކޫންޑޭ އެވެ. ކޫންޑޭ ދިން ބޯޅައެއް އަރިމަތިން ހިފައިގެން ގޮސް، އޭރިއާތެރެއަށް ވަދެ، ޑެމްބެލޭ ޖެހި ބޯޅަ ގޯލަށް ވަނީ ސޮސިއެޑާޑްގެ ކީޕަރު، އަލެކްސް ރެމީރޯ އަތުގައި ޖެހިފަ އެވެ.

ކުޅުންތެރިއަކު މަދުކޮށް ކުޅެ ވެސް ސޮސިއެޑާޑުން ނަތީޖާ ހަމަހަމަ ކުރަން ފުރުސަތު ހޯދި އެވެ. އެ ގޮތުން، މެޗުގެ 59 ވަނަ މިނިޓްގައި ސޮސިއެޑާޑްގެ ކޫބޯ ހުސްކޮށްލާފައިއެ ޓީމުގެ ފޯވާޑް އަލެކްސަންޑަ ސޯލޯތަށް ދިން ބޯޅަ ކުޑަ އޭރިއާތެރޭގައި ހުރެފައި ފޮނުވާލި ނަމަވެސް ދިޔައީ ހުރަސްދަނޑިމަތިންނެވެ.

ބާސެލޯނާ އަށް ލީޑުފުޅާކޮށްދޭން މެޗުގެ 68 ވަނަ މިނިޓްގައި ޑެމްބެލޭ ނެގި ހުރަހަކުން އޭރިއާތެރެއިން ގަވީ ޖެހި ބޯޅަ އަމާޒުވީ ގޯލުގެ ހުރަސްދަނޑިއަށެެވެ. އޭގެ ކުރިން، ސޮސިއެޑާޑްގެ އޭރިއާތެރެއިން ގަވީ އަށް ކުރި ފައުލަކަށް ޕެނަލްޓީ އަކަށް އެޕީލްކުރި ނަމަވެސް ނުލިބުނެވެ.

މެޗުގެ ފަހު މިނިޓްގައި ބާސެލޯނާގެ ފަހަތުން ހެދި ގޯހެއްގެ ފައިދާނަގައި، ސޮސިއެޑާޑަށް އެއްވަރުކޮށްދޭން އެ ޓީމުގެ ރޮބާޓޯ ނަވާރޯ އަށް ލިބުނު ފުރުސަތުން އޭނާ ޖެހި ބޯޅަ ބާސެލޯނާގެ ކީޕަރު މާކް އަންދްރޭ ޓާ ސްޓެގެން ވަނީ މަތަކޮށްފަ އެވެ.

ރޭ ކުޅުނު ކުއާޓާ ފައިނަލްގެ އަނެއް މެޗުން އޮސަސޫނާ އިން ވަނީ ސެވިއްޔާ އަތުން 2-1 އިން މޮޅުވެ، 2005 ވަނަ އަހަރުގެ ފަހުން ފުރަތަމަ ފަހަރަށް ސެމީ ފައިނަލުން ފުރުސަތު ހޯދައިފަ އެވެ.

ސެމީގެ ފަހު ދެ ޖާގަ ލިބޭނީ މިރޭ ކުޅޭ ކުއާޓާ ދެ މެޗުން މޮޅުވާ ދެ ޓީމަކަށެވެ. މިރޭ ކުޅޭ ކުއާޓާގެ މެޗުތަކަކީ، ރެއާލް މެޑްރިޑާއި އެތުލެޓިކޯ މެޑްރިޑްގެ ކުރިމަތިލުމާއި ވެލެންސިއާ އިން އެތުލެޓިކް ބިލްބާއޯއާ ބައްދަލުކުރާ މެޗެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox