ލަޕޯޓާ ހަަތަރު ވަަނަ ދައުރަކަށް ބާސެލޯނާ ރައީސް ކަމަށް

Mar 16, 2026, 9:19 AM
ލަޕޯޓާ ހަަތަރު ވަަނަ ދައުރަކަށް ބާސެލޯނާ ރައީސް ކަމަށް

ބާސެލޯނާ (މާޗް 16) - ބާސެލޯނާގެ ރައީސްގެ މަގާމު އެންމެ ފަހުން ވެސް އާދަކުރަމުން އައި، ޖޮއާން ލަަޕޯޓާ، ހަތަރު ވަނަ ދައުރަކަށް އެ ކްލަބްގެ ރައީސްގެ މަގާމަށް އިންތިހާބުވެވަޑައިގެންފި އެވެ.

ބާސެލޯނާ އިން އިއްޔެ ބޭއްވި އިންތިހާބުގައި ލަޕޯޓާ ވަނީ، ވިކްޓަ ފޮންޓާ ވާދަކުރައްވައި، 68 ޕަސެންޓް ވޯޓު ހޯދައިފަ އެވެ. ފޮންޓަށް ލިބިފައިވަނީ، 30 ޕަސެންޓް ވޯޓެވެ. ލަޕޯޓާގެ ހަތަރު ވަނަ ދައުރު ފަށާނީ ޖުލައި އެއް ވަނަ ދުވަހުން ފެށިގެންނެވެ.

ގިނަ އަހަރުތަކަކަށް ފަހު، ބާސެލޯނާގެ ރައީސް ކަމަށް ލަޕޯޓާ އަލުން އިންތިހާބުވީ 2021 ވަނަ އަހަރުގެ މާޗް މަހު ބޭއްވި އިންތިހާބު ކާމިޔާބު ކުރައްވައިގެންނެވެ. ބާސެލޯނާގެ އަސާސީ ގަވާއިދުގައިވާ ގޮތަށް، އިތުރު ދައުރަކަށް ކުރިމަތިލުމުގެ ގޮތުން، ލަޕޯޓާ ވަނީ މިދިޔަ މަހު މަގާމުން ވަކިވެފަ އެވެ.

ލަޕޯޓާ މީގެ ކުރިން ވަނީ، 2003 އިން 2010 އަށް ބާސެލޯނާގެ ރައީސަކަށް މަސައްކަތްކުރައްވައިފަ އެވެ. ކުރިއަށް އޮތް ފަސް އަހަރަށް ބާސެލޯނާގެ ރައީސަކަށް ވުމަށް ލަޕޯޓާ އިންތިހާބު ކާމިޔާބުކުރެއްވީ، ގާތްގަނޑަކަށް 48،500 ވޯޓުގެ ތެރެއިން، 32،934 ވޯޓާ އެކުގަ އެވެ.

"ކުރިއަށް އޮތީ ބާސެލޯނާ އަށް އުފާވެރި އަދި ކާމިޔާބުގެ އަހަރުތަކެއް ކަމަށް ހަދައިދޭން އަހަރެން މި ހުރީ ތައްޔާރަށް،" ލަޕޯޓާ ވިދާޅުވި އެވެ.

ބާސެލޯނާގެ ރައީސްގެ މަގާމުގައި ލަޕޯޓާ އަށް އިތުރު ދައުރެއް ދޭން އެ ކްލަބްގެ މެމްބަރުން ނިންމި އެންމެ ބޮޑު ސަބަަބަކީ، މާލީ ގޮންޖެހުންތައް ބޮޑު ދަނޑިވަޅެއްގައި ޓީމާ ހަވާލުވެ، ކްލަބްގެ ހާލަތު ރަނގަޅުކުރުމަށްޓަކައި، މިދިޔަ ހަތަރު އަހަރު ތެރޭ ލަޕޯޓާ ކުރައްވާފައިވާ މަަސައްކަތްތައް ރަނގަޅުވުމުންނެވެ. އަދި، ބާސެލޯނާގެ ސްޓޭޑިއަމް، ކޭމްޕް ނޯ އަށް ގެންނަން ޖެހޭ ތަރައްގީގެ މަސައްކަތުގައި، ލަޕޯޓާގެ ލީޑަޝިޕްގެ ނިންމުންތައް ރަނގަޅުކަން އޭނާއާ ވާދަކުރި ކެންޑިޑޭޓް ފޮންޓް ވެސް ފާހަަގަކުރެއްވި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox