ބިލްބާއޯ ފަސޭހައިން ބަލިކޮށް ބާސެލޯނާ އިން ފަރަގުކުޑަކޮށްފި

Oct 24, 2022, 2:48 AM
ބާސެލޯނާގެ ފުރަތަމަ ގޯލު ޖެހުމަށް ފަހު ޑެމްބެލޭ އުފާފާޅުކުރަނީ: އޭނާ ވަނީ ބާސެލޯނާގެ ތިން ގޯލު ޖަހަން ފުރުސަތު ވެސް ތަނަވަސްކޮށްދީފައި.-- ފޮޓޯ: އޭއެފްޕީ

ބާސެލޯނާގެ ފުރަތަމަ ގޯލު ޖެހުމަށް ފަހު ޑެމްބެލޭ އުފާފާޅުކުރަނީ: އޭނާ ވަނީ ބާސެލޯނާގެ ތިން ގޯލު ޖަހަން ފުރުސަތު ވެސް ތަނަވަސްކޮށްދީފައި.-- ފޮޓޯ: އޭއެފްޕީ

ބާސެލޯނާ (އޮކްޓޫބަރު 24) - ސްޕެނިޝް ލީގުގައި ރޭ އެތުލެޓިކް ބިލްބާއޯ އަތުން 4-0 އިން ހޯދި ފަސޭހަ މޮޅާ އެކު ބާސެލޯނާ އިން ލީގުގެ އެއް ވަނައިގައި އޮތް ރެއާލް މެޑްރިޑާ ދެމެދު ފަރަގުކުޑަކޮށްފި އެވެ.

ހޮނިިހިރު ދުވަހުގެރޭ ސެވިއްޔާ ބަލިކޮށް ރެއާލުން ވަނީ ލީގުގެ އެއް ވަނައިގައި ހަ ޕޮއިންޓުގެ ލީޑެއް ނަގައިފަ އެވެ. އެކަމަކު، ރޭ ބާސެލޯނާ ހޯދި މޮޅާ އެކު ރެއާލްގެ ލީޑު ވަނީ ތިން ޕޮއިންޓަށް ކުޑަވެފަ އެވެ. މި ހަފްތާގެ މެޗުތަކަށް ފަހު، ރެއާލް އެއް ވަނައިގައި އޮތީ 11 މެޗުން 31 ޕޮއިންޓާ އެކު އެވެ. ބާސެލޯނާ އަށް ވަނީ 11 މެޗުން 28 ޕޮއިންޓް ލިބިފަ އެވެ.

ބާސެލޯނާ ދަނޑުގައި ރޭގެ މެޗު ފަށައިގެން 12 ވަނަ މިނިޓްގައި އެ ޓީމަށް ލީޑުނަގައިދިނީ އޮސްމާން ޑެމްބެލޭ އެވެ. މިއީ ރޮބަޓް ލެވަންޑޯސްކީ ނެގި ހުރަަހަކުން ޑެމްބެލޭ ބޮލުން ޖެހި ގޯލެކެވެ. އޭގެ ފަސް މިނިޓް ފަހުން، ބާސެލޯނާ އިން ލީޑުފުޅާކުރީ ސާޖީ ރޮބާޓޯ ޖެހި ގޯލުންނެވެ. ޑެމްބެލޭ ދިން ބޯޅައެއް އޭރިއާތެރެއިން ސާޖީ ރޮބާޓޯ ގޯލަށް ފޮނުވާލިއިރު، އެ ބޯޅަ ގޯލަށް ވަނީ ބިލްބާއޯގެ ޑިފެންޑަރެއް ގައިގައި ޖެހިފަ އެވެ.

Advertisement

މެޗުގެ 21 ވަނަ މިނިޓްގައި ބާސެލޯނާ އިން ތިން ވަނަ ގޯލެއް ޖެހި އެވެ. މިއީ ޑެމްބެލޭ އޭރިއާތެރެއިން ލެވަންޑޯސްކީ އަށް ދިން ބޯޅަ ކޮންޓްރޯލް ކޮށްލުމަށް ފަހު ހުރަސްދާގަނޑަށް ފޮނުވާލައިގެން އޭނާ ޖެހި ގޯލެކެވެ. މިއީ ބާސެލޯނާ އަށް ލެވަންޑޯސްކީ ޖަހައިދިން 16 ވަނަ ގޯލެވެ. އޭގެ ތެރެއިިން 11 ގޯލު ޖެހީ ލީގުގަ އެވެ.

ބާސެލޯނާ އިން ތިން ގޯލުގެ ލީޑެއް ނެގި ފަހުން ބިލްބާއޯ އިން ޑިފެންސަށް ސަމާލުވެގެން ކުޅެން ފެށި އެވެ. ނަތީޖާ އަކަށްވީ ބާސެލޯނާ އަށް ލިބޭ ފުރުސަތުތައް ވެސް މަދުވާން ފެށުމެވެ. އެކަމަކު، ދެ ވަނަ ހާފުގައި ބާސެލޯނާ އިން ވަނީ ފުރުސަތެއް ހޯދައި، ހަަތަރު ވަނަ ގޯލެއް ޖަހައިފަ އެވެ. މެޗުގެ 74 ވަނަ މިނިޓްގައި ޑެމްބެލޭ ދިން ބޯޅައަކުން މި ގޯލު ޖެހީ ފެރާން ޓޯރޭޒް އެވެ.

މި ހަފްތާގައި ރެއާލް ސޮސިއެޑާޑް ކުޅުނު މެޗުން ބަލިވުުމުން އޭގެ ފައިދާނެގެން އޮތީ އެތުލެޓިކޯ މެޑްރިޑާއި ރެއާލް ބެޓިސް ކުޅެގެން މޮޅުވާ ޓީމަކަށެވެ. އެތުލެޓިކޯ އިން ވަނީ ބެޓިސް ދަނޑުގައި 2-1 އިން މޮޅުވެ، ލީގުގެ ތިން ވަނަަ އަށް ޖެހިލައިފަ އެވެ. އެތުލެޓިކޯގެ ދެ ގޯލު ވެސް ޖެހީ އޮންޓޮއިން ގްރީޒްމަން އެވެ. ބެޓިސްގެ ހަަމައެކަނި ގޯލު ކާމިޔާބުކުރީ ނަބީލް ފެކީރް އެވެ.

ތިން ވަނައިގައި އެތުލެޓިކޯ އޮތީ 11 މެޗުން 23 ޕޮއިންޓާ އެކު އެވެ. ހަތަރެއްގައި ސޮސިއެޑާޑް އޮތީ 11 މެޗުން 22 ޕޮއިންޓާ އެކު އެވެ. ބެޓިސް ފަސް ވަނައިގައި އޮތީ 11 މެޗުން 20 ޕޮއިންޓް ހޯދައިގެންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox