ފަތުރުވެރިކަމުގެ ބާނީން އަދި ރައީސް ނާސިރު، މައުމޫން އަދި ނަޝީދަށް ސަރުކާރުގެ އެވޯޑް އަރުވައިފި

ފަތުރުވެރިކަމުގެ ދުވަސް ފާހަގަ ކުރުމަށް ބޭއްވި ހަފްލާއެއްގެ ތެރެއިން އުމަރު މަނިކަށް ރައީސް ސޯލިހު އެވޯޑު އަރުވަނީ -- ފޮޓޯ: ރައީސް އޮފީސް

ފަތުރުވެރިކަމުގެ ދުވަސް ފާހަގަ ކުރުމަށް ބޭއްވި ހަފްލާއެއްގެ ތެރެއިން އުމަރު މަނިކަށް ރައީސް ސޯލިހު އެވޯޑު އަރުވަނީ -- ފޮޓޯ: ރައީސް އޮފީސް

މީގެ 50 އަހަރު ކުރިން ރާއްޖޭގެ ފަތުރުވެރިކަން ފެއްޓެވި ތިން ބާނީން އަދި ކުރީގެ ރައީސުން ކަމަށްވާ އިބްރާހިމް ނާސިރާއި މައުމޫން އަބްދުލްގައްޔޫމާއި މުހައްމަދު ނަޝީދަށް ރައީސުލްޖުމްހުރިއްޔާ އިބްރާހިމް މުހައްމަދު ސޯލިހު ފަތުރުވެރިކަމުގެ ރަން އެވޯޑު މިރޭ އަރުވައިފި އެވެ.

ރާއްޖޭގެ ފަތުރުވެރިކަމަށް 50 އަހަރު ފުރުން ފާހަގަ ކުރުމަށް މިރޭ ކުރުނބާ މޯލްޑިވްސް ރިސޯޓުގައި ބޭއްވި ހަފްލާގައި ފަތުރުވެރިކަމުގެ ރަން އެވޯޑު ރައީސް އެރުއްވި އިންޑަސްޓްރީގެ ފައުންޑަރުންނަކީ މަޓީގެ ޗެއާމަން މުހައްމަދު އުމަރު މަނިކު (އެމްޔޫ މަނިކު) އާއި މިހާރުގެ ހެލްތު މިނިސްޓަރު އަހުމަދު ނަސީމުގެ އިތުރުން ޗަމްޕާ ހުސެއިން އަފީފެވެ.

އެ ޖަލްސާގައި ވާހަކަ ދައްކަވަމުން ރައީސް ސޯލިހު ވަނީ އެ ތިން ބޭފުޅުން މި ދާއިރާއަށް ކުރަށްވާފައިވާ އަދި ކުރައްވަމުން ގެންދަވާ މަސައްކަތްތައް ފާހަގަ ކުރައްވާ އެކަމަށް ޝުކުރު އަދާކުރައްވައިފަ އެވެ.

Advertisement

"އިގުތިސާދީ ގޮތުން މިއަދު ރާއްޖެ ފޯރާފައި މިވާ އައްސޭރިއަށް މި ގައުމައިގެން ދިވެހިންނަށް އާދެވުނީ އެބޭފުޅުން [ތިން ބާނީން] އެ ދުވަހު ކެރިވަޑައިގެން ގޮންޖެހުންތަކާ ކުރިމަތިލެއްވީމަ،" ރައީސް ސޯލިހު ވިދާޅުވި އެވެ.

ފަތުރުވެރިކަމުގެ ތިން ބާނީންގެ އިތުރުން ވެސް މި ހަފުލާގައި އެ ދާއިރާގެ ދިގު މާޒީގައި ހިދުމަތް ކުރެއްވި އެތައް ބޭފުޅުންނަކަށް ވަނީ ފަތުރުވެރިކަމުގެ ރަން އެވޯޑު އަރުވާފަ އެވެ. އެގޮތުން ފަތުރުވެރިކަން ފެށިއިރު ރާއްޖޭގައި ވެރިކަން ކުރައްވަމުން ގެންދެވި އަލްމަރްހޫމް ރައީސް ނާސިރު އާއި އޭގެ ފަހުން ވަޑައިގެންނެވި ރައީސް މައުމޫން އަދި ގެސްޓް ހައުސް މުޅި ރާއްޖެއަށް ތައާރަފް ކުރެއްވި ރައީސް ނަޝީދަށް ވެސް ރަން އެވޯޑް ލިބިވަޑައިގަތެވެ.

އޭގެ އިތުރުން ޗަމްޕާ މުހައްމަދު މޫސާ (އުއްޗު)، ވިލާ ރިސޯޓުތަކުގެ ވެރިޔާ ގާސިމް އިބްރާހިމް އާއި ސަން ޝިޔާމް ރިސޯޓްސްގެ ވެރިޔާ އަހުމަދު ޝިޔާމް މުހައްމަދް އަދި ނައިބު ރައީސް ފައިސަލް ނަސީމަށް ވެސް އެ ހަފުލާގައިއެވޯޑު ލިބިވަޑައިގަތެވެ.

ވަކިވަކި ބޭފުޅުންގެ އިތުރުން ފަތުރުވެރިކަމުގެ ދާއިރާގައި ފާހަގަ ކޮށްލެވޭ ހިދުމަތްތައް ދެމުން އަންނަ ރިސޯޓުތަކާއި ޓުއާ އޮޕަރޭޓަރުންނަށް ވެސް ފަތުރުވެރިކަމުގެ ދާއިރާގެ ރަން އެވޯޑު މިރޭ ވަނީ ދީފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox