އޭޓީކޭ ސަޕޯޓަރުންނާ މެދު ނުވިސްނަަން، ބޭނުމީ މޮޅުވާން: ނިހާން

އިއްޔެ ބޭއްވި ނޫސްވެރިންގެ ބައްދަލުވުމުގެ ތެރެއިން ނިހާން.--

އިއްޔެ ބޭއްވި ނޫސްވެރިންގެ ބައްދަލުވުމުގެ ތެރެއިން ނިހާން.--

އޭއެފްސީ ކަޕްގެ ގްރޫޕް ޑީގައި މިރޭ ކުޅޭ މެޗުގައި އޭޓީކޭ މޯހަން ބަގާންގެ ސަޕޯޓަރުންނާ މެދު ނުވިސްނާ ކަމަށާާއި ބޭނުންވަނީ މެޗުން މޮޅުވާން ކަމަށް މާޒިޔާ ސްޕޯޓްސް އެންޑް ރެކްރިއޭޝަނުގެ މިޑްފީލްޑަރު ހުސެއިން ނިހާން (ނިހާޓް) ބުނެފި އެވެ.

އޭއެފްސީ ކަޕްގެ ދެކުނު އޭޝިއާގެ ގްރޫޕްގެ މެޗުތައް މި ފަހަރު ސެންޓްރަަލައިޒްކޮށް ކުޅޭ މަޝްހޫރު ސޯލްޓް ލޭކް ސްޓޭޑިއަމް އަކީ 85،000 ސަޕޯޓަރުންގެ ޖާގައިގެ ދަނޑެކެވެ. މިއީ މޯހަން ބަގާންގެ ހޯމް ސްޓޭޑިއަމެވެ. މޯހަން ބަގާން އިން ފުރަތަމަ މެޗުގައި ގޯކުލަމް ކެރަލާ އެފްސީއާ ކުޅުނުއިރު، އެ މެޗު ބަލަން 31،790 ސަޕޯޓަރުން ދަނޑަށް ވަނެވެ. އަދި ބަޝުންދަރާ ކިންގްސްއާ ދެކޮޅަށް މޯހަން ބަގާން ކުޅުނު މެޗު ބަލަން، 34،595 ސަޕޯޓަރުން ވަނެވެ.

އޭޓީކޭ މޯހަން ބަގާންގެ މި ދެ މެޗު ކުޅުނީ ހަވީރު ވަގުތު ކަމަށްވާތީ ނިސްބަތުން ބަލާއިރު، ސަޕޯޓަރުން ދަނޑަށް ވަން ނިސްބަތް މަދެވެ. އެހެން ކަމުން މިރޭ މާޒިޔާއާ ދެކޮޅަށް އޭޓީކޭ މޯހަން ބަގާން ނަތީޖާ ނެރެން ޖެހޭ މެޗަކަށް ނުކުންނައިރު، ގިނަ ސަޕޯޓަރުން ދަނޑަށް ވަންނާނެ ކަމަށް ބެލެވެ އެވެ.

މިރޭގެ މެޗުގެ ކުރިން އިއްޔެ ބޭއްވި ނޫސްވެރިންގެ ބައްދަލުވުމުގައި އިންޑިއާގެ ނޫސްވެރިއަކު މާޒިޔާގެ ނިހާން ގާތުގައި ސުވާލުކުރީ އޭޓީކޭ މޯހަން ބަގާންގެ ގިނަ ސަޕޯޓަރުންތަކެއްގެ ކުރިމަތީގައި މެޗު ކުޅެން ޖެހުމުން އެކަމާ މެދު ދެކެނީ ކިހިނެއްތޯ އެވެ.

"އޭޓީކޭ ސަޕޯޓަރުންނާ މެދު އެހާ ނުވިސްނަން. މާޒިޔާގެ ވިސްނުމަކީ ސަޕޯޓަރުން ކުރިމަތީގައި ވެސް ކުޅެގެން މޮޅުވާން،" ނިހާން ބުންޏެވެ.

މިދިޔަ އަހަރު އޭޓީކޭ އާއި މާޒިޔާ ކުޅުނު މެޗުގެ ތެރެއިން ނިހާން (ވ) މެއިން ބޯޅަ ކޮންޓްރޯލްކުރަނީ.

މިދިޔަ އަހަރު މާލޭގައި ސެންޓްރަލައިޒްކޮށް ކުޅުނު އޭއެފްސީ ކަޕް ގްރޫޕް މެޗުތަކުގެ ތެރެއިން މޯހަން ބަގާން ވަނީ މާޒިޔާ 3-1 އިން ބަލިކޮށްފަ އެވެ. ނިހާން ބުނީ މާޒިޔާ އަށް އެ މެޗުގެ ތަޖުރިބާއިން ކަންތައްތައް ތަކެއް ދަސްކުރެވޭނެ ކަމަށެވެ. އެކަމަކު، މޯހަން ބަގާންއާ ދެކޮޅަށް ކުޅެން ޖެހޭނީ ކުރިން ދެ މެޗަށް ވުރެ ބޮޑަށް ފަރުވާތެރިވެގެން ކަމަށް ނިހާން ވަނީ ބުނެފަ އެވެ.

"މޯހަން ބަގާން އަކީ މިތަނުގެ އެންމެ މޮޅު އެއް ޓީމު. އެކަން ދަނެގެން ނުކުންނާނީ. އެ މީހުންގެ ބަލިފައިތައް ދެނެގަނެ، މެޗުން މޮޅުވާން ކުޅޭނީ،" ގައުމީ ޓީމުގެ މެދުތެރޭގައި ވެސް މޮޅު ކުޅުމެއް ދައްކާ ނިހާން ބުންޏެވެ.

އޭއެފްސީ ކަޕްގެ މެޗުތަކުގައި ކޮންމެ ޓީމެއް މިހާތަނަށް ދެ މެޗު ކުޅެފައިވާއިރު، ގްރޫޕް ޑީގެ އެއް ވަނައިގައި އޭޓީކޭ މޯހަން ބަގާން އޮތީ ތިން ޕޮއިންޓާއި ފައިދާ ދެ ގޯލާ އެކު އެވެ. ގޯކުލަމް ކެރަލާ އެފްސީ ދެ ވަނައިގައި އޮތީ ތިން ޕޮއިންޓާ އެކު ފައިދާ އެއް ގޯލު އޮތުމުންނެވެ. ތިން ވަނައިގައި އޮތް, ރާއްޖޭގެ ޗެމްޕިއަން، މާޒިޔާ ސްޕޯޓްސް އެންޑް ރެކްރިއޭޝަން އަށް ތިން ޕޮއިންޓް ލިބުނަސް ފައިދާ ގޯލެއް ނެތެވެ. ބަންގްލަދޭޝްގެ ޗެމްޕިއަން، ބަޝުންދަރާ ކިންގްސް ފުލުގައި އޮތީ ތިން ޕޮއިންޓާ އެކު ގެއްލުން ތިން ގޯލުއާ އެކު އެވެ.

މިއަދު ހަވީރު، ރާއްޖެ ގަޑިން، 16:00 ގައި ގޯކުލަމް އާއި ބަޝުންދަރާ ކުޅޭ މެޗު އޮންނާނެ އެވެ. ގްރޫޕްގެ ފަހު މެޗުގައި އޭޓީކޭ މޯހަން ބަގާން އާއި މާޒިޔާ ބައްދަލުކުރާނީ މިރޭ 20:00 ގަ އެވެ.

ޓީމުތަކަށް ފުރުސަތު އޮތީ ކިހިނެއް؟

އޭއެފްސީ ކަޕްގެ ގްރޫޕް ޑީން އެއް ވަނަ ހޯދާ ޓީމެއް ދާނީ އިންޓަ ޒޯން ޕްލޭއޮފް ސެމީ ފައިނަލަށެވެ. މިހާރު އޮތްގޮތުން އެ މަގާމަށް ދިއުމުގެ ފުރުސަތު ހަތަރު ޓީމަށް ވެސް އެބައޮތެވެ. އެކަމަކު، އެ މަގާމު ކަށަވަރުވާނީ މިއަދުގެ ދެ މެޗު ނިމުމުންނެވެ. ދެ ޓީމެއް ޕޮއިންޓުން އެއްވަރުވެއްޖެނަމަ ދެން ބަލާނީ ހެޑް ޓު ހެޑް އަށެވެ. އެކަމަކު، ދެ ޓީމަށް ވުރެ ގިނަ ޓީމު ޕޮއިންޓް އެއްވަރުވެއްޖެނަމަ ދެން ބަލާނީ ލަނޑުގެ ތަފާތަށެވެ.

މާޒިޔާ - މާޒިޔާ އަށް ފުރުސަތު ލިބޭނީ، ހަވީރު ކުޅޭ މެޗުން ބަޝުންދަރާ އަށް މޮޅެއް ނުލިބި، މިރޭ މާޒިޔާ އިން އޭޓީކޭ މޯހަން ބަގާން ބަލިކޮށްގެން. ބަޝުންދަރާ ހަވީރު މޮޅުވެއްޖެނަމަ މާޒިޔާ ކަޓާނެ.

ބަޝުންދަރާ - ބަޝުންދަރާ އަށް ފުރުސަތު ލިބޭނީ ހަވީރު ކުޅޭ މެޗުން އެ ޓީމުން ގޯކުލަމް ކެރަލާ ބަލިކޮށް، މިރޭ މާޒިޔާ އަތުން އޭޓީކޭ މޯހަން ބަގާން އަށް މޮޅެއް ނުލިބިއްޖެނަމަ.

ގޯކުލަމް ކެރަލާ - ގޯކުލަމް ކެރަލާ އަށް ފުރުސަތު އޮތީ މިއަދު ހަވީރު ކުޅޭ މެޗުން އެ ޓީމުން ބަޝުންދަރާ ބަލިކޮށް، މިރޭ މާޒިޔާ އަށް އޭޓީކޭ އަތުން މޮޅެއް ނުލިބިއްޖެނަމަ.

އޭޓީކޭ މޯހަން ބަގާން - އޭޓީކޭ އަށް ފުރުސަތު އޮތީ ހަވީރު ކުޅޭ މެޗުން ގޯކުލަމް ކެރަލާ އަށް މޮޅެއް ނުލިބި މިރޭ އޭޓީކޭ އިން މާޒިޔާ ބަލިކޮށްފިނަމަ. މިއަދު ހަވީރު ގޯކުލަމް އިން ބަޝުންދަރާ ބަލިކޮށްފިނަމަ އޭޓީކޭ މޯހަން ބަގާން ކަޓާނެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox