އޭޓީކޭގެ ދަނޑު ވިޔަސް މާޒިޔާ ނުކުންނާނީ ނަތީޖާ ނެރެން: ޖެސިކް

މާޒިޔާގެ ކޯޗު މިއޮޑްރަގް ޖެސިކް: އޭޓީކޭ ދަނޑުގައި ވިޔަސް މާޒިޔާ އިން ކުޅޭނީ މޮޅަކަށް ކަމަށް ބުނެފައިވޭ.-- ފޮޓޯ: މުހައްމަދު ޝާބިން/ އަދަދު

މާޒިޔާގެ ކޯޗު މިއޮޑްރަގް ޖެސިކް: އޭޓީކޭ ދަނޑުގައި ވިޔަސް މާޒިޔާ އިން ކުޅޭނީ މޮޅަކަށް ކަމަށް ބުނެފައިވޭ.-- ފޮޓޯ: މުހައްމަދު ޝާބިން/ އަދަދު

އޭއެފްސީ ކަޕް ދެކުނު އޭޝިއާ ޓީމުތައް ވާދަކުރާ ގްރޫޕް ޑީގެ ފަހު މެޗުގައި މާދަމާރޭ އެޓީކޭ މޯހަން ބަގާންއާ ދެކޮޅަށް އެ ޓީމުގެ ދަނޑުގައި ކުޅެން ޖެހުނަސް މާޒިޔާ ސްޕޯޓްސް އެންޑް ރެކްރިއޭޝަންގެ ވިސްނުމަކީ މެޗުން މޮޅުވުން ކަމަށް އެ ޓީމުގެ ކޯޗު މިއޮޑްރަގް ޖެސިކް ބުނެފި އެވެ.

ކަލްކަތާގައި ސެންޓްރަލައިޒްކޮށް މިހާރު ކުރިއަށްދާ އޭއެފްސީ ކަޕްގެ މެޗުތަކުގައި ކޮންމެ ޓީމެއް މިހާތަނަށް ދެ މެޗު ކުޅެފައިވާއިރު، ގްރޫޕް ޑީގެ އެއް ވަނައިގައި އޭޓީކޭ މޯހަން ބަގާން އޮތީ ތިން ޕޮއިންޓާއި ފައިދާ ދެ ގޯލާ އެކު އެވެ. ގޯކުލަމް ކެރަލާ އެފްސީ ދެ ވަނައިގައި އޮތީ ތިން ޕޮއިންޓާ އެކު ފައިދާ އެއް ގޯލު އޮތުމުންނެވެ. ތިން ވަނައިގައި އޮތް މާޒިޔާ އަށް ތިން ޕޮއިންޓް ލިބުނަސް ފައިދާ ގޯލެއް ނެތެވެ. ބަންގްލަދޭޝްގެ ޗެމްޕިއަން، ބަޝުންދަރާ ކިންގްސް ފުލުގައި އޮތީ ތިން ޕޮއިންޓާ އެކު ގެއްލުން ތިން ގޯލުއާ އެކު އެވެ.

ދެ ޓީމެއް ޕޮއިންޓުގެ ގޮތުން އެއްވަރުވެއްޖެނަމަ ބަލަނީ ހެޑް ޓު ހެޑް ގަވާއިދަށެވެ. އެކަމަކު، ދެ ޓީމަށް ވުރެ ގިނަ ޓީމު ޕޮއިންޓުން އެއްވަރުވެއްޖެނަމަ ދެން ބަލާނީ ފައިދާ ގޯލަށެވެ. މާދަމާ ހަވީރު ކުޅޭ މެޗުން ގޯކުލަމް އަތުން ބަޝުންދަރާ މޮޅުވެއްޖެނަމަ މާޒިޔާ އަށް އަނެއް ބުރުގެ ދޮރު ބަންދުވާނެ އެވެ. އެކަމަކު، މާދަމާ ހަވީރު ގޯކުލަމް އާއި ބަޝުންދަރާ ކުޅޭ މެޗު އެއްވަރުވެއްޖެނަމަ ނޫނީ ގޯކުލަމް އިން ބަޝުންދަރާ ބަލިކޮށްފިނަމަ، އޭޓީކޭ ބަލިކޮށްގެން މާޒިޔާ އަށް އަނެއް ބުރަށް ދެވޭނެ އެވެ.

މާޒިޔާ ކުޅުނު ފުރަތަމަ މެޗުން ބަޝުންދަރާ އަތުން 1-0 އިން ބަލިވިއިރު، ދެ ވަނަ މެޗުގައި ވަނީ ގޯކުލަމްގެ މައްޗަށް 1-0 އިން ކުރިހޯދައިފަ އެވެ.

މާދަމާރޭގެ މެޗުގެ ކުރިން މިއަދު އޮތް ނޫސްވެރިންގެ ބައްދަލުވުމުގައި ޖެސިކް ބުނީ ފުރަތަމަ ދެ މެޗެކޭ އެއްގޮތަށް މި މެޗުގައި އޭޓީކޭއާ ދެކޮޅަށް ނުކުންނާނީ ވެސް މޮޅުވާން ކަމަށެވެ. އޭޓީކޭ ވެގެން މާޒިޔާ އިން ކުޅެމުން އައި "ސްޓައިލް" ބަދަލުކުރަން ނުޖެހޭނެ ކަމަށް ޖެސިކް ވަނީ ބުނެފަ އެވެ.

"އޭޓީކޭއޭ ބެހޭ މައުލޫމާތު އަހަރެމެން ވަރަށް ރަނގަޅަށް އެއްކޮށްފިން. އަހަރެމެންނަށް އެބަހުރި އޭޓީކޭގެ ރަނގަޅު ކަންކަމާއި ބަލިފައިތައް އެނގިފައި. އެކަމަކު، އެއީ ނޫސްވެރިންގެ ބައްދަލުވުމުގައި ދައްކަން ޖެހޭ ވާހަކައެއް ނޫން. ދަނޑުމަތީގައި އަހަރެމެން ކުރާނެ މަސައްކަތް ފެންނާނެ،" ޖެސިކް ބުންޏެވެ.

މާދަމާ ހަވީރު ކުޅޭ މެޗުން ބަޝުންދަރާ ކިންގްސް އިން ގޯކުލަމް ކެރަލާ ބަލިކޮށްފިނަމަ މާޒިޔާ ފަހު މެޗަށް ނުކުތުމުގެ ކުރިން ކަޓާނެ އެވެ. އެއީ މި ގްރޫޕުން އެއް ވަނަ އެކަނި އަނެއް ބުރަށްދާއިރު، ބަޝުންދަރާ މޮޅުވެފައި އޮއްވައި، މާޒިޔާ އިން އޭޓީކޭ ބަލިކުރިޔަސް ހެޑް ޓު ހެޑް ގަވާއިދުން ކުރި ލިބޭނީ ބަޝުންދަރާ އަށް ކަމަށްވާތީ އެވެ.

އޭއެފްސީ ކަޕްގައި އާންމުކޮށް އެއް ގްރޫޕެއްގެ ފަހު ދެ މެޗު ކުޅެނީ އެއް ވަގުތެއްގަ އެވެ. އެކަމަކު، ސެންޓްރަލައިޒްކޮށް ކުޅޭއިރު، ކުޅެނީ ތަފާތު ދެ ވަގުތެއްގަ އެވެ.

ޖެސިކް ބުނީ އޭނާ ވެސް ދެކެނީ މިއީ އެއް ވަގުތެއްގައި ކުޅެން ޖެހޭ މެޗެއްގެ ގޮތުގައި ކަމަށެވެ. އެކަމަކު، ކޮންމެ ނަތީޖާއެއް މާދަމާ ހަވީރު ނުކުތް ކަމުގައި ވިޔަސް މާޒިޔާ އިން ފަހު މެޗު ކުޅޭނީ މޮޅުވާން ކަމަށް ޖެސިކް ބުންޏެވެ.

"އަހަރެމެންގެ ޓީމު މި އޮތީ މޮޅުވުމުގެ އަމާޒުގައި. ފުރަތަމަ މެޗުގައި (ގޯކުލަމް އާއި ބަޝުންދަރާ މެޗު) ކޮންމެ ނަތީޖާއެއް ނުކުތް ނަމަވެސް މާޒިޔާގެ ރޫހަށް ބަދަލެއް ނާންނާނެ،" ޖެސިކް ބުންޏެެވެ.

އޭއެފްސީ ކަޕްގެ މެޗުތައް ކުޅޭ މަޝްހޫރު ސޯލްޓް ލޭކް ސްޓޭޑިއަމްގެ ޖާގަ އަކީ 85،000 އެވެ. ކަލްކަތާ ކުޅުނު ދެ މެޗަށް ވެސް ވަނީ 30،000 އަށް ވުރެ ގިނަ ސަޕޯޓަރުން ވަދެފަ އެވެ. ޖެސިކް ބުނީ ކަލްކަތާގެ ސަޕޯޓަރުން ކުރިމަތީގައި މާޒިޔާ އިން ކުޅޭނީ އަމިއްލަ ފެންވަރު ދައްކާލެވޭ ވަރުގެ ކުޅުމެއް ދައްކައި، ނަތީޖާއެއް ހޯދުމަށް ކަމަށެވެ.

މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން އޭޓީކޭގެ ކޯޗު ފެރާންޑޯ.

މާޒިޔާ ކުރިއަށް ވުރެ ވަރުގަދަ: އޭޓީކޭގެ ކޯޗު ފެރާންޑޯ

މިދިޔަ އަހަރު އޭޓީކޭ މޯހަން ބަގާން އިން މާލޭގައި ކުޅުނު އޭއެފްސީ ކަޕްގެ ސެންޓްރަަލައިޒް މެޗުތަކުގެ ތެރެއިން ވަނީ މާޒިޔާ 3-1 އިން ބަލިކޮށްފަ އެވެ. އެ ފަހަރު ގްރޫޕް ކާމިޔާބުކުރި އޭޓީކޭ މޯހަން ބަގާންގެ ކޯޗަކީ އެންޓޯނިއޯ ލޮޕޭޒް ހާބާސް އެވެ. މި ފަހަރު އޭޓީކޭ މޯހަން ބަގާންގެ ކޯޗަކަށް ހުރީ މިދިޔަ ޑިސެމްބަރު މަހު އެ މަގާމާ ހަވާލުވި ޖުއާން ފެރާންޑޯ އެވެ.

ފެރާންޑޯ ބުނީ މިހާރު އޮތް މާޒިޔާ ޓީމު މިދިޔަ އަހަރަށް ވުރެ ވަރުގަދަ ކަމަށެވެ.

"އަހަރެމެންނަށް އެނގޭ އެ މީހުންނަކީ ރާއްޖޭގެ ޗެމްޕިއަންކަން. އެ މީހުންގެ ލޯކަލް ލީގުގައި އެބަހުރި 4-0، 5-0 ދެން 13-0 އިން މޮޅުވެފައި. މިއީ ކޮންފިޑެންސަށް ބަލާއިރު މުހިންމު ނަތީޖާތަކެއް. މާޒިޔާ އޮންނާނީ 100 ޕަސެންޓް މޯޓިވޭޓްވެފައި، އެ މީހުންގެ ޑިފެންސް އޮގަނައިޒްވެފައި، އެޓޭކުގެ ޓްރާންސިޝަނާއި ޑިފެންސް އަށް ފޭބުމުގެ ބައި ވެސް ރަނގަޅަށް ފެންނަނީ،" ފެރާންޑޯ ބުންޏެވެ.

މާދަމާ ހަވީރު ކުޅޭ މެޗުން ގޯކުލަމް ކެރަލާ މޮޅުވެއްޖެނަމަ އޭޓީކޭ މޯހަން ބަގާން ކަޓާނެ އެވެ. އެހެންވެ، ފެރާންޑޯގެ ނަޒަރުގައި އެންމެ ރަނގަޅު ގޮތަކީ ފަހު ދެ މެޗު އެއް ގަޑީގައި ކުޅުންތޯ އެހުމުން، ބުނީ މީގެ ބަލަންޖެހޭނީ ޕްރޮފެޝަނަލް ވިސްނުމުގައި ކަމަށާއި އެ ގޮތުގެ މަތިން ބަލާއިރު، މުބާރާތް އިންތިޒާމްކުރާ ފަރާތްތަކުގެ ނިންމުމަށް އިހުތިރާމް ކުރަން ޖެހޭނެ ކަމަށެވެ.

"އަހަރެމެންގެ ވިސްނުން ހުންނާނީ ޕްރޮފެޝަނަލްކޮށް، ފުރަތަމަ މެޗު ކޮންމެ ގޮތަކަށް ނިމުނަސް، އޭޓީކޭ މޯހަން ބަގާންގައި މި ތިބި ކުޅުންތެރިން ނުކުންނާނީ މޮޅަކަށް،" ފެރާންޑޯ ބުންޏެވެ.

މި ފަަހަރުގެ ގްރޫޕް ސްޓޭޖުގެ ފުރަތަމަ މެޗުގައި އޭޓީކޭ މޯހަން ބަގާން ވަނީ ގޯކުލަމް ކެރަލާ އަތުން 4-2 އިން ބަލިވެފަ އެވެ. އެކަމަކު، ދެ ވަނަ މެޗުން އޭޓީކޭ މޯހަން ބަގާން ވަނީ 4-0 އިން ބަޝުންދަރާ ބަލިކޮށްފަ އެވެ.

ފެރާންޑޭ ބުނީ އޭޓީކޭ މޯހަން ބަގާން އިން މާޒިޔާގެ ހަލުވި އެޓޭކް ހިފަހައްޓަން ކުޅެން ޖެހޭނީ ވަރަށް ސަމާލުވެގެން ވީހާވެސް ބޮޑަށް އަމިއްލަ މިސްޓޭކެއް ނުހަދައި މެޗު ނިންމާލެވޭތޯ ބަލައިގެން ކަމަށެވެ.

ސޯލްޓް ލޭކް ސްޓޭޑިއަމްގައި މާދަމާ ހަވީރު 16:00 ޖަހާއިރު، ގޯކުލަމް ކެރަލާ އާއި ބަޝުންދަރާގެ މެޗު ފަށާނެ އެވެ. އަދި މާދަމާރޭ 20:00 ޖަހާއިރު، މާޒިޔާ އާއި އޭޓީކޭ މޯހަން ބަގާން ބައްދަލުކުރާ މެޗު ކުޅޭނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox