މާޒިޔާ އަކީ ފޭވަރިޓެކޭ ނުބުނުމުގެ އެޑްވާންޓޭޖް ނެގިދާނެ: ޖެސިކް

މާޒިޔާގެ ކޯޗު މިއޮޑްރަގް ޖެސިކް: އޭއެފްސީ ކަޕްގައި ނަތީޖާ ރަނގަޅުކުރެވޭނެ ކަމުގެ އިތުބާރު އެބައޮތް ކަމަށް ބުނޭ.-- ފޮޓޯ: މުހައްމަދު ޝާބިން/ އަދަދު

މާޒިޔާގެ ކޯޗު މިއޮޑްރަގް ޖެސިކް: އޭއެފްސީ ކަޕްގައި ނަތީޖާ ރަނގަޅުކުރެވޭނެ ކަމުގެ އިތުބާރު އެބައޮތް ކަމަށް ބުނޭ.-- ފޮޓޯ: މުހައްމަދު ޝާބިން/ އަދަދު

އޭއެފްސީ ކަޕްގެ ދެކުނު އޭޝިއާގެ ގްރޫޕްގައި ވާދަކުރާ ހަތަރު ޓީމުގެ ތެރެއިން އެއް ވަނަ ހޯދައި، އަނެއް ބުރުން ފުރުސަތު ހޯދާނެ ފޭވަރިޓުންގެ ތެރޭގައި މީޑިއާ އިން މާޒިޔާ ސްޕޯޓްސް އެންޑް ރެކްރިއޭޝަންގެ ނަން ނުކިއުމަކީ އެޑްވާންޓޭޖެއް ވެސް އޮތް ކަމެއް ކަމަށް މާޒިޔާގެ ކޯޗު، ސާބިއާގެ މަޔޮޑްރަގް ޖެސިކް ބުނެފި އެވެ.

އޭއެފްސީ ކަޕްގައި މި ފަހަރު، މާޒިޔާ ކުޅުނު ފުރަތަމަ މެޗުގައި މިދިޔަ ބުދަ ދުވަހުގެރޭ ވަނީ ބަންގްލަދޭޝްގެ ޗެމްޕިއަން، ބަޝުންދަރާ ކިންގްސް އަތުން 1-0 އިން ބަލިވެފަ އެވެ. މާޒިޔާ ދެ ވަނަ މެޗުގައި އިންޑިއާގެ އައި ލީގުގެ ޗެމްޕިއަން، ގޯކުލަމް ކެރަލާއާ ދެކޮޅަށް މާދަމާރޭ ކުޅޭނެ އެވެ.

އެ މެޗުގެ ކުރިން މިއަދު ބޭއްވި ނޫސްވެރިންގެ ބައްދަލުވުމުގައި ޖެސިކް ބުނީ ފުރަތަމަ މެޗުން ބަލިވި ނަމަވެސް މާޒިޔާ ޓީމުގެ ރޫހު ރަނގަޅު ކަމަށެވެ. އަދި މުބާރާތުގައި ކުރިއަށް ދިއުމާ ނުދިއުން ބަރޯސާވެފައި އޮތީ ކުރިއަށް އޮތް ގޯކުލަމް މެޗުން ކަމަށްވާތީ ވަރަށް ރަނގަޅަށް ތައްޔާރުވާނެ ކަމަށް ޖެސިކް ވަނީ ބުނެފަ އެވެ.

Advertisement

އަމިއްލަ ގައުމުގައި މިދިޔަ އަހަރު މާޒިޔާ އިން އޭއެފްސީ ދެކުނު އޭޝިއާގެ ގްރޫޕްގެ މެޗުތައް ނިންމާލިއިރު، ޕޮއިންޓެއް ނުލިބެ އެވެ. މި ފަހަރުގެ މުބާރާތުގައި ވެސް ބައްޔަކުން މާޒިޔާ ފަށަން ޖެހުނުއިރު، އެ ޓީމަކީ އަނެއް ބުރުގެ ޖާގަ ލިބޭނެ ފޭވަރިޓުންގެ ގޮތުގައި މީޑިއާތަކުން ނުދެކެ އެވެ. ނޫސްވެރިންގެ ބައްދަލުވުންތަކުގައި މާޒިޔާ އަށް ސުވާލު އަމާޒުވަނީ ވެސް އެ މޭރުމުންނެވެ.

"އަހަރެމެންނަށް އިންޓަނޭޝަނަލް ފުޓްބޯޅައިގައި އެކަށީގެންވާ ނަތީޖާއެއް ނުނެރެވި އޮތީމަ ފޭވަރިޓުންނަށް ނުވެދާނެ. ބައެއް ފަަހަރު މީޑިއާތަކުން އަހަރެމެން ދަށްކޮށް ދެކުނީމަ އެ ވެދާނެ އެޑްވާންޓޭޖަކަށް ވެސް. ފޭވަރިޓަށް ވުމަކީ ޕްރެޝަރެއް، އެ ޕްރެޝަރު އަހަރެމެންނަށް ނެތުމަކީ ކުޅެލަން ލިބޭނެ ފަސޭހައެއް،" ޖެސިކް ބުންޏެވެ.

މާޒިޔާ އިން މާދަމާރޭ ކުޅޭ ގޯކުލަމް ވަނީ ފުރަތަމަ މެޗުން 4-2 އިން އޭޓީކޭ މޯހަން ބަގާން އަތުން މޮޅުވެފަ އެވެ. ގޯކުލަމް ކެރަލާ އަކީ މިދިޔަ ދެ އަހަރު އިންޑިއާ އައި ލީގުގެ ޗެމްޕިއަން ޓީމެވެ.

ޖެސިކް ބުނީ މުބާރާތަށް އައިއިރު ވެސް ގޯކުލަމް ކެރަލާގެ ފެންވަރު އެނގޭ ކަމަށެވެ. އަދި ބަޝުންދަރާއާ ދެކޮޅަށް ކުޅުނު ގޮތަށް އެޓޭކިން ގޭމަކަށް ވިސްނައިގެން ގޯކުލަމް ކައިރިން ވެސް މާޒިޔާ އިން ކުޅޭނެ ކަމަށާއި ކުރިން މެޗުގައި ހޯދި ގޯސްތައް ތަކުރާރުވިޔަ ނުދޭނެ ކަމަށް ޖެސިކް ވަނީ ބުނެފަ އެވެ.

"ބަޝުންދަރާއާ ދެކޮޅަށް ހެދި އިންޑިވިޖުއަލް މިސްޓޭކްތައް ތަކުރާރު ވިޔަ ނުދޭން ހުރިހާ މަސައްކަތެއް ކުރާނަން. ޕޮއިންޓެއް ނޫނީ ތިން ޕޮއިންޓް ވެސް ލިބޭނީ ރަނގަޅަށް މަސައްކަތް ކޮށްގެން،" ޖެސިކް ބުންޏެވެ.

"ގޯކުލަމް ކެރަލާ ވަރުގަދައީ ހަމައެކަނި ކައުންޓަ އެޓޭކުގައެއް ނޫން. އެ މީހުން ވަރަށް ރަނގަޅަށް ކުޅޭ ކުޅުންތެރިން ވެސް ގިނަ. އެހެންވީމަ އަހަރެމެން އެބަޖެހޭ ހުރިހާ ގޮތަކުން ވެސް ރަނގަޅަށް މި މެޗުގައި ކުޅެން،"

ޖެސިކް ހަވާލުވި ފަހުން މާޒިޔާ ކުޅުނު 13 މެޗުގެ ތެރެެއިން ބަލިވީ ދިވެހި ޕްރިމިއާ ލީގުގައި ކްލަބް އީގަލްސް އަތުންނާއި މި ފަހަރު ބަޝުންދަރާ އަތުންނެވެ. ޖެސިކް ބުނީ ބަޝުންދަރާ އާއި އީގަލްސް އަތުން ވެސް ބަލިވީ "އިންޑިވިޖުއަލް މިސްޓޭކެއް" ހެދިގެން ކަމަށާއި އެކަން ރަނގަޅުކޮށް ޓީމު ހަމަ މަގަށް އެޅުވޭނެ ކަމުގެ ޔަގީންކަން އެބައޮތް ކަމަށެވެ.

"ތަކުރާރުކޮށް ބަލިވާން ބޭނުމެއް ނޫން. މާޒިޔާގައި މި އޮތީ ވަރަށް އެއްބައިވަންތަކޮށް އޮތް ޓީމެއް، އެހެންވީމަ ދެން އޮތް ދެ މެޗު ވެސް ރަނގަޅު ނަތީޖާއެއް ނެރެވޭނެ ކަމުގެ އުންމީދު އެބައޮތް،" ޖެސިކް ބުންޏެވެ.

މާޒިޔާ އިން ދިވެހި ޕްރިިމިއާ ލީގުގައި އެންމެ ފަހުން ކުޅުނު މެޗުތަކާއި އޭއެފްސީ ކަޕްގެ ފުރަތަމަ މެޗުގައި ގާތްގަނޑަކަށް ބޭނުންކުރީ އެއް ފުރަތަމަ އެގާރަ އެކެވެ. އާންމުކޮށް އަންނަނީ އެއް ބަދަލެއް ނޫނީ ދެ ބަދަލެކެވެ. މާޒިޔާގެ ކެޕްޓަން ބޭންޑް އަޅައިގެން ފަހަކަށް އައިސް މޮޅަށް ކުޅުނު މުހައްމަދު އިރުފާން (އިރޭ) އަށް މި ފަހަރުގެ އޭއެފްސީ ކަޕްގައި އަދި ކުޅެވޭ ގޮތެއްނުވެ އެވެ. އިރޭ އަންނަނީ ކޮނޑަށް ލިބިފައިވާ އަނިޔާއަކަށް ފަރުވާ ހޯދަމުންނެވެ.

މި ފަހަރުގެ އޭއެފްސީ ކަޕްގެ ފުރަތަމަ ދެ މެޗަށް ބަލާއިރު، އެންމެ މަދުން ބަދަލު ކުޅުންތެރިންގެ ގޮތުގައި އެރި ކުޅުންތެރިން ކުޅުވާފައިވަނީ މާޒިޔާ އެވެ. އެކަން ކުރިއަށް އޮތް މެޗުގައި ބަދަލުވުމުގެ ފުރުސަތު އެބައޮތް ކަމަށް ޖެސިކް ވަނީ ބުނެފަ އެެވެ.

"ފަހަރެއްގައި ދެން ހުރި މެޗުތަކުގައި ބަދަލުތަކެއް ފެނި، އާ ކުޅުންތެރިންނަށް ވެސް ފެންވަރު ސާބިތުކޮށްދޭން ފުރުސަތު ލިބޭނެ. ފުރުސަތު ދިނުމުގައި ކަންކަން ބަލާނީ ނަތީޖާ އޮންނަ ގޮތަކަށް. މެޗުގެ 90 މިނިޓް ކުޅެވޭނެ ކުޅުންތެރިން ގިނައިން މާޒިޔާގައި މި ތިބީ. ދެން، އަހަރެމެން ކުރަން ޖެހޭނެ ކަމެއް ގޯލު ނުޖެހިދިޔަ މައްސަލަ ވީ އެންމެ އަވަހަށް ހައްލުކުރުން،" ޖެސިކް ބުންޏެވެ.

ޖެސިކް ބުނީ ކޮންމެ ކުޅުންތެރިއަކު ވެސް ލިބޭ ފުރުސަތަށް ތައްޔާރަށް ހުރުން މުހިންމު ކަމަށެވެ.

ކަލްކަތާގެ މަޝްހޫރު ސޯލްޓް ލޭކް ސްޓޭޑިއަމްގައި މާދަމާރޭ މާޒިޔާ އާއި ގޯކުލަމް ކެރަލާ ކުޅޭ މެޗު ފަށާނީ ރާއްޖެ ގަޑިން 20:00 ގަ އެވެ. މާދަމާ ހަވީރު 16:00 ގައި ކުޅޭނީ ބަޝުންދަރާ ކިންގްސް އާއި އޭޓީކޭ މޯހަން ބަގާން އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox