އޭޓީކޭ ބަލިކޮށް ގޯކުލަމް ކޯޗު ދިނީ އިންޑިއާ ގައުމީ ޓީމަށް މެސެޖެއް

ގޯކުލަމް ކެރަލާގެ ކޯޗު ވިންޗެންޒޯ އިއްޔެ ބޭއްވި ނޫސްވެރިންގެ ބައްދަލުވުމުގެ ތެރެއިން.

ގޯކުލަމް ކެރަލާގެ ކޯޗު ވިންޗެންޒޯ އިއްޔެ ބޭއްވި ނޫސްވެރިންގެ ބައްދަލުވުމުގެ ތެރެއިން.

އޭއެފްސީ ކަޕްގައި އިއްޔެ ހަވީރު އިންޑިއާ އައި ލީގުގެ ޗެމްޕިއަން، ގޯކުލަމް ކެރަލާ އެފްސީ އިން ވަނީ 4-2 އިން އިންޑިއާގެ ސުޕަ ލީގުގެ ޓީމު އޭޓީކޭ މޯހަން ބަގާން ބަލިކޮށްފަ އެވެ. އެ މެޗަށް ފަހު ގޯކުލަމްގެ ކޯޗު އިޓަލީގެ ވިންޗެންޒޯ އަލްބާޓޯ ބުނީ އައި ލީގުގައި ކުޅުނަސް އިންޑިއާ ގައުމީ ޓީމުން ފުރުސަތު ލިބެން ޖެހޭ ކަމަށެވެ.

އަންނަ މަހު ކުޅޭ އޭޝިއަން ކަޕް ކޮލިފައިން މެޗުތަކަށް ނެގި ސްކޮޑުން އައި ލީގު ކުޅުންތެރިއަކަށް ފުރުސަތު ނުދޭތީ އެކަމާ މީގެ ކުރިން ވެސް އެކި ކޯޗުން ވަނީ ފާޑުކިޔައިފަ އެވެ. އޭއެފްސީ ކަޕްގެ މެޗުތައް ބަލަން އިންޑިއާގެ ކޯޗު ކްރޮއޭޝިއާގެ އީގޯ ސްޓިމަކް ދެ އެވެ. އައިއެސްއެލް އަކީ އިންޑިއާގެ ބޮޑު ލީގު ކަމަށް ބަލާއިރު، އައި ލީގަކީ މިހާރު ދެ ވަނަ ފަންތި އެވެ.

އިއްޔެ އޭޓީކޭ މޯހަން ބަގާން އާއި ގޯކުލަމް ކުޅުނު މެޗަށް ފަހު ބޭއްވި ނޫސްވެރިންގެ ބައްދަލުވުމުގައި ގޯކުލަމްގެ ކޯޗު ވިންޗެންޒޯ ބުނީ އައި ލީގުގެ ޗެމްްޕިއަންކަން ހޯދުމަށް ފަހު އޭއެފްސީ ކަޕަށް ތައްޔާރުވާން އެ ޓީމަށް ލިބުނީ ދެ ދުވަސް ކަމަށެވެ. އަދި އެ މުއްދަތުގެ ތެރޭގައި ވެސް ގޯކުލަމް ކުޅުންތެރިން ޕްރޮފެޝަނަލުންގެ ގޮތުގައި ކުރި މަސައްކަތުގެ ނަތީޖާ އިން މި ވަނީ ގައުމީ ޓީމުގެ ކުޅުންތެރިން ހިމެނޭ ސުޕަ ލީގުގެ ބޮޑު، ޓީމެއް ބަލިކޮށްފައި ކަމަށް ވިންޗެންޒޯ ވަނީ ބުނެފަ އެވެ.

Advertisement

"އަހަރެން ބުނަމުން މި އަންނަނީ، އައިއެސްއެލް ކްލަބްތަކުގެ ބަޖެޓް ބޮޑުވިޔަސް، އެ ލީގާއި އައި ލީގުގެ މެދުގައި މާ ބޮޑު ތަފާތެއް ނެތް. އެކަން މި މެޗުގައި ވެސް މި ފެނުނީ. ކޯޗު (އިންޑިއާ ކޯޗު ސްޓިމަކް) އައި ލީގުގެ ކުޅުންތެރިންނަށް ފުރުސަތު ނުދޭ ސަަބަބެއް އަހަންނަކަށް ނޭނގޭ، ފުރުސަތު ދީފިއްޔާ ކުޅެވޭނެ ލެވަލް ކުޅުންތެރިން މި ތިބީ،" ވިންޗެންޒޯ ބުންޏެވެ.

އިއްޔެެގެ މެޗުގައި ގޯކުލަމް އިން ގިނަ ގޯލު ޖަހާފައިވަނީ ކައުންޓަ އެޓޭކުގަ އެވެ. އެކަމަކު، މުޅި މެޗަށް ބަލާނަމަ ގޯކުލަމް އިން ވަނީ އޭޓީކޭ މޯހަން ބަގާން ކައިރިން ގޯލު ޖަހަން ގިނަ ފުރުސަތުތަކެއް ހޯދައިފަ އެވެ. ވިންޗެންޒޯ ބުނީ އޭޓީކޭ މޯހަން ބަގާން އަށް ވުރެ ރަނގަޅަށް ގޯކުލަމް ކައިރީގައި އައި ލީގުގެ ރެލިގޭޝަނުގައި އޮތް ރިއަލް ކަޝްމީރުން ވެސް ކުޅުނު ކަމަށެވެ.

"އަހަންނަށް ވީޑިއޯއެއް ހަދާފައި ދެއްކިދާނެ، އައި ލީގުގެ ރެލިގޭޝަނުގައި އޮތް ރިއަލް ކަޝްމީރު ޓީމުން ވެސް އޭޓީކޭ އަށް ވުރެ ބޮޑަށް އަހަރެމެންނަށް ނުރައްކާކުރި. އެންމެނަށް ފެންނާނެ ގޯކުލަމް ކުޅުނު ކުޅުން. އެކަން އެބަޖެހޭ އިންޑިއާ ފެޑެރޭޝަން އަށް ވެސް ފެންނަން،" ވިންޗެންޒޯ ބުންޏެވެ.

ވިންޗެންޒޯގެ މި ވާހަކަތަކާ ބެހޭގޮތުން އޭޓީކޭ މޯހަން ބަގާންގެ ކޯޗު ޖުއާން ފެރާންޑޯ ބުނީ މީގެ ދުވަސްކޮޅެއް ކުރިން އޭޓީކޭ މޯހަން ބަގާން އިން އިންޑިއާ ގައުމީ ޓީމު އަތުން ވެސް މޮޅުވި ކަމަށާއި އޭގެ މާނަ އަކީ އޭޓީކޭ އަކީ އިންޑިއާ ގައުމީ ޓީމަށް ވުރެ މޮޅު ޓީމަކަށް ވުމެއް ނޫން ކަމަށެވެ.

"އެންމެ މުހިންމު ކަމަކީ މެޗުން ބަލިވި ސަބަބުތައް ދެނެގަނެ، މި މެޗުގައި ހެދުނު ގޯސްތައް ދެން އިން މެޗުތަކުގައި ތަކުރާރު ވިޔަ ނުދިނުން. އަހަރެމެންނަށް ދިމާވީ ދެ ވަނަ ހާފުގައި ވަރުބަލިވުމުގެ މައްސަލަ ކަމަށް ބޮޑަށް ބެލެވެނީ،" މިދިޔަ ޑިސެމްބަރު މަހު އޭޓީކޭ މޯހަން ބަގާން ކޯޗުކަމާ ހަވާލުވި ފެރާންޑޯ ބުންޏެވެ.

ގޯކުލަމް އަތުން ބަލިވީ ފުރަތަމަ ހާފުގައި އޭޓީކޭ މޯހަން ބަގާންގެ ސްޕެއިން ޑިފެންޑަރު ޓިރީ އަށް އަނިޔާވެގެން ޑިފެންސް ނުކުރެވިގެންތޯ އެހުމުން ފެރާންޑޯ ބުނީ ބަލިވީ އެ އަނިޔާގެ ސަބަބުން ކަމަށް ބުނުމަކީ އެންމެ ރަނގަޅު ގޮތަށް ނުވާނެ ކަމަށެވެ. އެކަމަކު، ޓީރީގެ އަނިޔާއަށް ފަހު އޭޓީކޭ މޯހަން ބަގާންގެ ފަހަތުން ގިނަ ގޯސްތަކެއް ހެދުނު ކަމަށް ފެރާންޑޯ ވަނީ ބުނެފަ އެވެ.

މިދިޔަ އަހަރު ދެކުނު އޭޝިއާގެ ގްރޫޕް ކާމިޔާބުކޮށް އަނެއް ބުރަށް ދިޔަ އޭޓީކޭ މޯހަން ބަގާން މި ފަހަރުގެ ފުރަތަމަ މެޗުން ބަލިވުމުން ދެން އެ ޓީމަށް މި ފަަހަރުގެ ނޮކައުޓް ބުރުން ފުރުސަތު ނުލިބޭނެ ކަމަށް ގިނަ ބަޔަކު އަންނަނީ ބުނަމުންނެވެ.

އޭޓީކޭ މޯހަން ބަގާން އަށް އަދިވެސް މުބާރާތުގެ އަނެއް ބުރުގެ ފުރުސަތު އެބައޮތްތޯ އެހުމުން، ފެރާންޑޯ ބުނީ ބަޝުންދަރާ ކިންގްސް އާއި މާޒިޔާ ސްޕޯޓްސް އެންޑް ރެކްރިއޭޝަން ބަލިކޮށްފިނަމަ ފުރުސަތު އޮންނާނެ ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox