ބަޝުންދަރާ އިން މާޒިޔާ ބަލިކޮށްފި

ބަޝުންދަރާ އިން މާޒިޔާ ބަލިކޮށްފި

އޭއެފްސީ ކަޕްގެ ދެކުނު އޭޝިއާގެ ގްރޫޕްގައި މިރޭ ކުޅުނު މެޗުން ރާއްޖޭގެ ޗެމްޕިއަން މާޒިޔާ ސްޕޯޓްސް އެންޑް ރެކްރިއޭޝަން އަތުން 1-0 އިން ބަންގްލަދޭޝްގެ ޗެމްޕިއަން، ބަޝުންދަރާ ކިންގްސް މޮޅުވެއްޖެ އެވެ.

ބަޝުންދަރާ އިން މި ވަނީ ޖެހިޖެހިގެން ދެ އަހަރުގެ އޭއެފްސީ ކަޕްގައި މާޒިޔާ ބަލިކޮށްފަ އެވެ. މިދިޔަ އަހަރުގެ މުބާރާތް ސެންޓްރަލައިޒްކޮށް މާލޭގައި ކުޅުނުއިރު، ބަޝުންދަރާ މޮޅުވީ 2-0 އިންނެވެ.

ބަޝުންދަރާގެ ކޯޗަކަށް ހުރީ ރާއްޖޭގެ ނިއު ރޭޑިއަންޓަށް ކުރިން ކޯޗުކޮށްދިން ސްޕެއިންގެ އޮސްކާ ބްރުޒޮން އެވެ. އޮސްކާ، 2018 ވަނަ އަހަރުގެ ސެޕްޓެމްބަރު މަހު ބަޝުންދަރާއާ ހަވާލުވި ފަހުން ވަނީ އެކުވެރިކަމުގެ މެޗެއްގައި ނިއު ރޭޑިއަންޓް ބަލިކުރުމުގެ އިތުރުން އޭއެފްސީ ކަޕްގައި މާޒިޔާ ދެ ފަހަރު އަދި ޓީސީ ސްޕޯޓްސް ކްލަބް އެއް ފަހަރު ބަލިކޮށްފަ އެވެ.

Advertisement

ކަލްކަތާގެ ސޯލްޓް ލޭކް ސްޓޭޑިއަމްގައި މިރޭ ކުޅުނު މެޗަށް ނުކުތްއިރު މާޒިޔާ ޓީމުން އެންމެ ފަހުން ދިވެހި ޕްރިމިއާ ލީގުގައި ކުޅުނު މެޗުތަކަށް ނެރުނު ފުރަތަމަ އެގާރަ އަށް އައި ބަދަލަކީ މުހައްމަދު އިރުފާން (އިރޭ)ގެ ބަދަލުގައި ހުސެއިން ނިހާން (ނިހާޓް) ފުރަތަމަ އެގާރައިގައި ހިމެނުމެވެ. މާޒިޔާގެ ކެޕްޓަނަކަށް ހުރީ، ވައިސް ކެޕްޓަން، ހަސަން ޝިފާޒް (ޑުންގާ) އެވެ.

ބަޝުންދަރާ އިން މެޗު ފަށައިގެން ފުރަތަމަ 10 މިނިޓް ތެރޭގައި ރަނގަޅު އެޓޭކްތަކެއް ކުރި އެވެ. އެ ގޮތުން މެޗުގެ ހަތަރު ވަނަ މިނިޓްގައި ބަޝުންދަރާ ޓީމަށް ކުޅޭ ގެމްބިއާގެ ފޯވާޑް ނުހާ މުރޮން ބޮލުން ޖެހި ބޯޅަ މާޒިޔާ ކުޅުންތެރިން ވަނީ ބްލޮކްކޮށްފަ އެވެ. މެޗުގެ އަށް ވަނަ މިނިޓްގައި ބަޝުންދަރާގެ ސޮހޭލް ރާނާ ޖެހި ބޯޅަ ދިޔައީ ހުރަސްދަނޑިމަތިންނެވެ.

މާޒިޔާގެ ފުރަތަމަ ހަމަލާ ފެނުނީ މެޗުގެ 10 ވަނަ މިނިޓްގަ އެވެ. މާޒިޔާ އަށް ކުޅޭ ސެއިން ވިންސެންޓްގެ ފޯވާޑް، ކޮނޭލިއަސް ސްޓެވާޓް (ކޯނޭ) ޖެހި ބޯޅަ އަމާޒުވީ ބަޝުންދަރާ ގޯލުގައި ހުރި ބަންގްލަދޭޝް ގައުމީ ޓީމުގެ ކީޕަރު އަނީސުރް ރަހްމާން ޒީކޯ އަތަށެވެ. އޭގެ ޖެހިގެން އައި މިނިޓްގައި ބަޝުންދަރާގެ ކެޕްޓަން، ބްރެޒިލްގެ ރޮބީނިއޯ ޖެހި ބޯޅައެއް މާޒިޔާގެ ކީޕަރު، ނޭޕާލް ގައުމީ ޓީމުގެ ކިރަން ކުމާރް ޝެމްޝޮން ވަނީ މަތަކޮށްފަ އެެވެ.

ފުރަތަމަ 15 ވަރަކަށް މިނިޓަށް ފަހު މާޒިޔާ އިން ބޯޅަ ހިފަހައްޓައިގެން ކުޅެން ފަށައި، މެޗުގެ 19 ވަނަ މިނިޓްގައި ރަނގަޅު ފުރުސަތެއް ހޯދި އެވެ. އެކަމަކު، ކޯނޭ އަށް ބަޝުންދަރާ އޭރިއާތެރެއިން ރަނގަޅަށް ބޯޅަ ކޮންޓްރޯލް ނުކުރެވި ފުރުސަތު ގެއްލުނީ އެެވެ. މެޗުގެ 24 ވަނަ މިނިޓްގައި މާޒިޔާގެ ހަމްޒާ މުހައްމަދު (ހަމްޕު) ޖެހި ޝޮޓެއް ކީޕަރު އަނީސުރް އަތުގައި ޖެހިފައި ނުކުތުމުން، މާޒިޔާގެ ސްޕެއިން މިޑްފީލްޑަރު ޓަނާ ޑޮމިންގޭޒަށް ރަނގަޅަށް ފޮނުވާނުލެވުނެވެ.

ގޯލު ޖެހުމަށް ފަހު ބަޝުންދަރާ ކުޅުންތެރިން އުފާފާޅުކުރަނީ.

ބަޝުންދަރާ އިން މި މެޗުގައި ޖެހި ހަމައެކަނި ގޯލު ކާމިޔާބުކުރީ މެޗުގެ 33 ވަނަ މިނިޓްގަ އެވެ. މިއީ ބަޝުންދަރާގެ ގެމްބިއާ ފޯވާޑް، ނުހާ ޖެހި ގޯލެކެވެ. މިއީ ބަޝުންދަރާ އިން ހާފުގެ މެދެއްހާ ހިސާބުން މަތިން ކުޅުނު ބޯޅައެއް އޭރިއާތެެރެއިން ފެނުޖެހިފައި އައިވަގުުތު ނުހާ ބޮލުން ޖެހި ގޯލެކެވެ. ނުހާ މި ގޯލު ޖެހީ މާޒިޔާގެ ޑިފެންޑަރު، ސަމޫހު އަލީ (ސަމުއްޓެ) އާއި ކީޕަރު ކިރަން މެދުތެރެއިން އަރަ އެވެ.

ފުރަތަމަ ހާފު ނިމުމުގެ ކުރިން މާޒިޔާ އަށް ނަތީޖާ ހަމަހަމަކުރެވޭތޯ ކުރި މަސައްކަތުގައި ކޯނޭ ޖެހި ބޯޅައެއް ކީޕަރު އަނީސުރް ވަނީ މަތަކޮށްފަ އެވެ. މިއީ މާޒިޔާގެ ނާއިޒު ހަސަން (ދާދު) ހުސްކޮށްލާފައި ދިން ބޯޅައަކުން ކޯނޭ ޖެހި ޝޮޓެކެވެ.

ދެ ވަނަ ހާފުގައި މާޒިޔާގެ ފުރަތަމަ ފުރުސަތު ލިބުނީ ފަހަތަށް ކުޅޭ ސާބިއާގެ ޑިފެންޑަރު، ނަމާންޏާ ކާޓާލް އަށެެވެ. ހިލޭޖެހުމަކުން ޓަނާ ނަގައިދިން ބޯޅައަކުން ކާޓާލް ޖެހި ބޯޅަ ދިޔައީ ހުރަސްދަނޑިމަތިންނެވެ.

ފުރަތަމަ ހާފަށް ވުރެ ރަނގަޅަށް މާޒިޔާ އިން ދެ ވަނަ ހާފުގައި ކުޅުނެވެ. ބަޝުންދަރާ އޭރިއާތެރެއިން ރަނގަޅު ފުރުސަތު ހޯދިއިރު، ރަނގަޅަށް ފޮނުވާލެވޭ ގޮތެއްނުވި އެވެ. ޓަނާ އާއި ނިހާޓް ފަޔަށް ރަނގަޅަށް ބޯޅަ ލައްވާނުލިއިރު، ކޯނޭގެ ޝޮޓް އަނީސުރް ވަނީ މަތަކޮށްފަ އެވެ.

މެޗުގެ ދެ ވަނަ ހާފުގައި މާޒިޔާ އިން ވަނީ ދެ ފަހަރެއްގެ މަތިން ޕެނަލްޓީ އަކަށް ވެސް އެޕީލްކޮށްފަ އެވެ. އެއީ ދާދު އަށް އޭރިއާތެރެއިން ކުރި ފައުލަކަށާއި ބަޝުންދަރާގެ ޑިފެންޑަރު ބިޝްވަނާތު އަތުގައި ޖެހުނު ކަމަށް ބުނެ އެވެ.

މެޗުގެ 76 ވަނަ މިނިޓްގައި ބަޝުންދަރާ އިން ކައުންޓަ އެޓޭކެއްގައި ރަނގަޅު ހަމަލާއެއް އުފެއްދި އެވެ. ބަޝުންދަރާގެ ބްރެޒިލް މިޑްފީލްޑަރު މިގޭލް ފެރޭރާ ޖެހި ބޯޅަ ކީޕަރު ކިރަން ވަނީ މަތަކޮށްފަ އެވެ.

މާޒިޔާގެ ހަމްޕު ޖެހި ދެ ބޯޅައެއް ބަޝުންދަރާ ޑިފެންޑަރުން ވަނީ ބްލޮކްކޮށްފަ އެވެ. ދެ ވަަނަ ހާފުގައި ބަދަލެއްގެ ގޮތުގައި މާޒިޔާ އިން ވަނީ އިބްރާހިމް މަހުދީ (ފޭދޫ އިއްބެ) އާއި އިބްރާހިމް ވަހީދު ހަސަން (އިއްބެ) ކުޅެން އަރުވައިފަ އެވެ.

މި ފަހަރުގެ އޭއެފްސީ ކަޕްގައި ކުޅުނު ފުރަތަމަ މެޗުން މިއަދު ހަވީރު، އިންޑިއާ އައި ލީގުގެ ޗެމްޕިއަން ގޯކުލަމް ކެރަލާ ވަނީ 4-2 އިން އިންޑިއާ ސުޕަ ލީގުގެ ޓީމު، އޭޓީކޭ މޯހަން ބަގާން ބަލިކޮށްފަ އެވެ. އޭއެފްސީ ކަޕްގެ މެޗުތައް ދެން އޮންނާނީ އަންނަ ހޮނިހިރު ދުވަހު އެވެ. އެ ދުވަހު ހަވީރު، ބަޝުންދަރާ ކުޅޭނީ އޭޓީކޭ މޯހަން ބަގާންއާ އެވެ. އެ ރޭ ކުޅޭ މެޗުގައި ގޯކުލަމް ކެރަލާ ނުކުންނާނީ މާޒިޔާއާ ދެކޮޅަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox