ހާޓްއެޓޭކް ޖެހުނު ދަނޑަށް އެނބުރި އައިސް އެރިކްސަން ދެއްކީ ހިތްވަރު

Mar 30, 2022, 3:48 AM
ހާޓްއެޓޭކް ޖެހުނު ދަނޑަށް އެނބުރި އައިސް އެރިކްސަން ދެއްކީ ހިތްވަރު

ކޯޕެންހާގެން، ޑެންމާކް (މާޗް 30) - މިދިޔަ އަހަރުގެ ޔޫރޯ ފުޓްބޯޅަ މުބާރާތުގައި ފިންލެންޑާ ދެކޮޅަށް ކުޅުނު މެޗުގައި ޑެންމާކްގެ ކްރިސްޓިއަން އެރިކްސަން ހާޓްއެޓޭކެއް ޖެހިގެން ބޭލިއިރު، އެ މެޗު ކުޅުނު ދަނޑަށް އެނބުރި އައިސް ރޭ ސާބިއާއާ ދެކޮޅަށް ޑެންމާކްގެ ކެޕްޓަންކަން ކޮށް، އެރިކްސަން ގޯލު ޖަހައި ހިތްވަރު ދައްކައިފި އެވެ.

ފިންލެންޑާ ދެކޮޅަށް ކުޅުނު މެޗުގެ ފުރަތަމަ ހާފުގައި ދަނޑުގެ އަރިމައްޗަށް އެރިކްސަން، 29، ވެއްޓުނީ ހާޓްއެޓޭކެއް ޖެހި ހިތް ހުއްޓިގެންނެވެ. ދަނޑުމަތީގައި ފަރުވާދީ، އެރިކްސަން ހޭއެރުމުން، ވަގުތުން ހޮސްޕިޓަލަށް ގެންދިޔަ އެވެ. އޭގެ ފަހުން މި ހޭދަވީ މުއްދަތުގައި އެރިކްސަން އަށް ވަނީ އޭނާ ކުރިން ކުޅެމުން އައި އިންޓަ މިލާން ދޫކޮށްލަން ޖެހިފަ އެވެ. އަލުން ފުޓްބޯޅަ ކުޅެވޭނެ ކަމުގެ އުންމީދެއް ލިބި، އިނގިރޭސި ޕްރިމިއާ ލީގުގެ ބްރެންޓްފޯޑަށް ކުޅެމުން އަންނަ އެރިކްސަން މި ވަނީ ގައުމީ ޓީމަށް އެނބުރި އައިސް ކުޅުނު ދެ މެޗުގައި ނެދަލެންޑްސް އާއި ސާބިއާ ކޮޅަށް ގޯލު ޖަހައިފަ އެވެ.

ރޭގެ މެޗު އެރިކްސަން އަށް ހާއްސަވަނީ އޭނާ އަށް ދިމާވި ހިތްދަތި ހާދިސާ ހިނގިތާ 290 ދުވަސް ފަހުން އެ ދަނޑަށް އަލުން އައިއިރު، ޓީމުގެ ކެޕްޓަން ބޭންޑް އަޅައިގެން ކުޅުނީ ވެސް އޭނާ ކަމަށްވާތީ އެވެ.

"ޕާކެން ސްޓޭޑިއަމަށް އެނބުރި އައިސް، ކެޕްޓަން ބޭންޑް އަޅައިގެން މެޗެއް ކުޅެލައި، ގޯލެއް ޖެހުނުއިރު، މި ލިބުނު ސަޕޯޓް ފެނިފައި ގައިން ހީބިހި ނަގާ. ވަރަށް ބޮޑަށް އުފަލުން މި ހުރީ،" ރޭ ސާބިއާ ކޮޅަށް ޑެންމާކްގެ ފަހު ގޯލު ޖެހި އެރިކްސަން މެޗަށް ފަހު ބުންޏެވެ.

ޑެންމާކްގެ ފުރަތަމަ ދެ ގޯލު ޖެހީ ޔަކީމް މޭލާ އާއި ޔެސްޕާ ލިންޑްސްޓްރަމް އެވެ.

ރޭ ޔޫރަޕްގައި ކުޅެވުނު ބައިނަލްއަގުވާމީ އެކުވެރިކަމުގެ އެހެން މެޗުތަކުގެ ނަތީޖާ އަށް ބަލާއިރު، ތޯމަސް މުލާ ގޯލު ޖަހާފައިވަނިކޮށް ސްޓީވެން ބާގްވައިން ގޯލެއް ޖެހުމުން، ޖަރުމަނާއި ނެދަލެންޑްސްގެ މެޗު ނިމުނީ 1-1 އިން އެއްވަރުވެގެންނެވެ. އޮލީ ވަޓްކިންސް، ރަހީމް ސްޓާލިން އަދި ޓައިރަން މިންގްސްގެ ގޯލުތަކުން އިންގްލެންޑް ވަނީ 3-0 އިން އައިވަރީ ކޯސްޓް ބަލިކޮށްފަ އެވެ. މި މެޗުގައި އައިވަރީ ކޯސްޓްގެ ސާޖް އޯރިއޭ އަށް ރަތް ކާޑެއް ދެއްކި އެވެ.

ޖެހިޖެހިގެން ދެ ވޯލްޑް ކަޕްގެ ޕްލޭއޮފުން ބަލިވެ، ބޮޑު މާޔޫސްކަމެއްގައި އޮތް އިޓަލީ ވަނީ ރޭ ކުޅުނު މެޗުން 3-2 އިން ތުރުކީ ބަލިކޮށްފަ އެވެ. ތުރުކީގެ ގޯލުތައް ޖެހީ ޗެންގިޒް އުންޑެއާ އާއި ސަރްދާރް ޑާރްސަން އެވެ. އިޓަލީގެ ޖިއަކޯމޯ ރަސްޕަޑޯރީ ދެ ގޯލު ޖެހިއިރު، އަނެއް ލަނޑު ކާމިޔާބުކުރީ ބްރަޔާން ކްރިސްޓަންޓޭ އެވެ. ބެލްޖިއަމުން 3-0 އިން ބުރްކީނާ ފާސޯ ބަލިކުރިއިރު، މުހިންމު ކުޅުންތެރިން ނުކުޅެ އެވެ. ބެލްޖިއަމްގެ ގޯލުތައް ކާމިޔާބުކުރީ ހަންސް ވަނަކެން، ލެއަންޑްރޯ ޓްރޮސާޑް އަދި ކްރިސްޓިއަން ބެންޓެކޭ އެެވެ.

ސްޕެއިނުން ވަނީ 5-0 އިން އައިސްލެންޑް ބަލިކޮށްފަ އެވެ. ސްޕެއިނުގެ ގޯލުތައް ކާމިޔާބުކުރީ އަލްވާރޯ މޮރާޓާ އާއި ޕަބްލޯ ސަރާބިއާ ކޮންމެ ކުޅުންތެރިއަކު ދެ ގޯލުގެ އިތުރުން ޔެރެމީ ޕީނޯ އެވެ. ދެކުނު އެފްރިކާ ކައިރިން ފްރާންސް މޮޅުވީ ވެސް 5-0 އިންނެވެ. ފްރާންސްގެ ކީލިއަން އެމްބާޕޭ ދެ ގޯލު ކާމިޔާބުކުރިއިރު، އޮލިވިއޭ ޖިރޫޑާއި ވިސާމް ބެން ޔެޑާ އަދި މަޓެއޯ ގެންޑޫޒީ ކޮންމެ ކުޅުންތެރިއަކު ގޯލެއް ޖެހި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox