އުނދަގޫ ވަގުތެއްގައި މޮޅެއް ހޯދައި ޗެލްސީ ހިންދެމިލައިފި

Mar 10, 2022, 9:38 PM
ލަނޑު ޖަހާފައި މައުންޓް ޗެލްސީ ޖޯޒީ އަށް ބޮސްދެނީ.-- ފޮޓޯ: އޭއެފްޕީ

ލަނޑު ޖަހާފައި މައުންޓް ޗެލްސީ ޖޯޒީ އަށް ބޮސްދެނީ.-- ފޮޓޯ: އޭއެފްޕީ

ލަންޑަން (މާޗް 11) - ދަނޑުބޭރުގައި މި ވަގުތު އުނދަގޫ ހާލަތެއްގައި އޮތް ޗެލްސީން މިރޭ އިނގިރޭސި ޕްރިމިއާ ލީގުގައި ކުޅުނު މެޗުން 3-1 އިން ރެލިގޭޝަނުގައި އޮތް ނޮރިޗް ސިޓީ ބަލިކޮށް ހިންދެމިލައިފި އެވެ.

ރަޝިއާ އާއި ޔޫކްރެއިންގެ ހަނގުރާމައިގެ މައްސަލައިގައި ކުރިމަތިވަމުން އަންނަ ފިއްތުންތަކާ ހެދި ޗެލްސީގެ ވެރިޔާ، ރަޝިއާގެ މަހުޖަނު ރޯމަން އަބްރަމޮވިޗް، އެ ކްލަބް ވިއްކާލަން ކުރަމުން އައި މަސައްކަތަށް ހުރަސް އަޅަން އިނގިރޭސި ސަރުކާރުން ވަނީ އަބްރަމޮވިޗްގެ އިނގިރޭސި ވިޔަފާރިތަކާ ގުޅޭ އެކައުންޓްތައް ފްރީޒްކޮށްފަ އެވެ. އަދި ޗެލްސީން މިރޭގެ މެޗު ކުޅެން ކުޑަތަންވެފައި އޮއްވައި، އެ ކްލަބްގެ މެއިން ސްޕޮންސަރުން ވަނީ އެ ޓީމާ އެކު އޮތް ކޮންޓްރެކްޓް ކެންސަލްކޮށް، ވަގުތުން ޖޯޒީން އެ ސްޕޮންސަރުގެ ލޯގޯ އުނިކުރަން އަންގައިފަ އެވެ. އެކަމަކު، ވަގުތު ކުޑަތަން ވެފައި އޮތުމުން ޗެލްސީން ކުޅުނީ ސްޕޮންސަރުގެ ލޯގޯ ޖެހި ޖޯޒީގަ އެވެ.

Advertisement

ނޮރިޗް ދަނޑުގައި މިރޭ ކުޅުނު މެޗު ފަށައިގެން ތިން ވަނަ މިނިޓްގައި ޓްރެވޯ ޗަލޯބާ ވަނީ މޭސަން މައުންޓް ނެގި ކޯނަރަކުން ބޮލުން ގޯލެއް ޖަހައި ޗެލްސީ އަށް ލީޑުނަގައިދީފަ އެވެ. މެޗުގެ 14 ވަނަ މިނިޓްގައި ކައި ހަވާޓްޒް ހުސްކޮށްލާފައި ދިން ބޯޅަ މައުންޓް ވަނީ ގޯލުގެ ތެރެއަށް ފޮނުވާލައިފަ އެވެ. އިތުރު ގޯލު ޖަހަން ޗެލްސީ އަށް ލިބުނު ފުރުސަތުތަކުގެ ބޭނުން ނުހިފިދިޔައިރު، ނޮރިޗުން ވަނީ 69 ވަނަ މިނިޓްގައި ޓީމޫ ޕޫކީގެ ގޯލުން މެޗުގެ ތެރެއަށް އެނބުރި އައިސްފަ އެވެ. މިއީ ޗަލޯބާ އޭރިއާތެރެއިން ބޯޅައިގައި އަތްލުމުން ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލާފައި ދިން ޕެނަލްޓީއެކެވެ. ޗެލްސީ އަށް ތިން ޕޮއިންޓް ކަށަވަރުކޮށްދިން ގޯލު ޖެހީ އޭރިއާތެރެއިން ގޯލުގެ މަތީ ކަނަށް ބޯޅަ ފޮނުވާލައިގެން ހަވާޓްޒް އެވެ.

ލީގުގައި ޖެހިޖެހިގެން ހޯދި ހަތަރު ވަނަ މޮޅާ އެކު ޗެލްސީ ތިން ވަަނައިގައި އޮތީ 27 މެޗުން 56 ޕޮއިންޓާ އެކު އެވެ. ދެ ވަނައިގައި އޮތް ލިވަޕޫލަށް 27 މެޗުން 63 ޕޮއިންޓް ލިބިފައިވާއިރު، އެއް ވަނައިގައި މެންޗެސްޓާ ސިޓީ އޮތީ 28 މެޗުން 69 ޕޮއިންޓް ހޯދައިގެންނެވެ.

ނިއުކާސަލް ޔުނައިޓެޑް ވަނީ ރަށުންބޭރުގައި 2-1 އިން ސައުތެމްޓަން ބަލިކޮށް، އެންމެ ފަހުން ކުޅުނު ހަތް މެޗުން ހަ މޮޅު ހޯދައިފަ އެވެ. މި މޮޅާ އެކު ނިއުކާސަލް ލީގުގެ 14 ވަނަ އަށް ޖެހިލިއިރު، އެއީ ރެލިގޭޝަން ޒޯނާ 10 ޕޮއިންޓުގެ ފަރަގަކާ އެކު އެވެ. ވުލްވްސް އިން ވަނީ މިރޭ އަމިއްލަ ދަނޑުގައި 4-0 އިން ވަޓްފޯޑް ބަލިކޮށްފަ އެވެ. އަދި އެސްޓަން ވިލާ އިން ވަނީ 3-0 އިން ލީޑްސް ޔުނައިޓެޑްގެ މައްޗަށް ކުރިހޯދައިފަ އެވެ. ވުލްވްސް 28 މެޗުން 43 ޕޮއިންޓާ އެކު އަށް ވަނައިގައި އޮތްއިރު، އެސްޓަން ވިލާ ނުވަ ވަނައިގައި އޮތީ 27 މެޗުން 36 ޕޮއިންޓް ހޯދައިގެންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox