ބާސެލޯނާގެ ވަރުގަދަ ފޯމު ހުއްޓުވޭނެ ގޮތެއް އަދި ނެތް

Feb 28, 2022, 2:36 AM
ލަނޑު ޖެހުމަށް ފަހު ބާސެލޯނާ ކުޅުންތެރިން އުފާފާޅުކުރަނީ.-- ފޮޓޯ: އޭއެފްޕީ

ލަނޑު ޖެހުމަށް ފަހު ބާސެލޯނާ ކުޅުންތެރިން އުފާފާޅުކުރަނީ.-- ފޮޓޯ: އޭއެފްޕީ

ބާސެލޯނާ (ފެބްރުއަރީ 28) - ސްޕެނިޝް ލީގުގައި ރޭ އެތުލެޓިކް ބިލްބާއޯ އަތުން 4-0 އިން މޮޅުވެ، ބާސެލޯނާ އިން އެ ޓީމުން އެންމެ ފަހުން ކުޅުނު މެޗުގައި ކުޅެމުން އައި ވަރުގަދަ ފޯމު ދަމަހައްޓައިފި އެވެ.

އެންމެ ފަހުން ތިން މެޗުގައި ވެސް ބާސެލޯނާ އިން ވަނީ ހަތަރު ގޯލު ޖަހައިފަ އެވެ. އެއީ ސްޕެނިޝް ލީގުގައި ވެލެންސިއާ އާއި ބިލްބާއޯ ކޮޅަށެވެ. އަދި ޔޫރޮޕާ ލީގުގައި ނަޕޯލީ ކޮޅަށެވެ. ޑިސެމްބަރު އަށް ވަނަ ދުވަހުގެ ފަހުން 90 މިނިޓްގެ މެޗަކުން ބާސެލޯނާ ބަލިވެފައިނުވެ އެވެ. އެ ޓީމު ބަލިވީ ސްޕެނިޝް ސުޕަ ކަޕްގައި އިތުރު ވަގުތު ކުޅެގެންނެވެ.

ރޭގެ މޮޅާ އެކު ބާސެލޯނާ ވަނީ ލީގުގެ ހަތަރު ވަނަ އަށް އަލުން ޖެހިލައިފަ އެވެ. އެއް ވަނައިގައި އޮތް ރެއާލް މެޑްރިޑަށް 26 މެޗުން 60 ޕޮއިންޓް ލިބިފައިވާއިރު، ދެ ވަނައިގައި އޮތް ސެވިއްޔާ އިން ވަނީ ރޭ 2-1 އިން ތިން ވަނައިގައި އޮތް ރެއާލް ބެޓިސް ބަލިކޮށްފަ އެވެ. ސެވިއްޔާ އަށް 54 ޕޮއިންޓް ލިބިފައިވާއިރު، ބެޓިސް އަށް ވަނީ 46 ޕޮއިންޓް ލިބިފަ އެވެ. ބާސެލޯނާ އިން ވަނީ 45 ޕޮއިންޓް ހަމަކޮށްފަ އެެވެ.

ބާސެލޯނާ އިން ލީޑުނެގީ 37 ވަނަ މިނިޓްގައި ޕިއޭ އެެމެރިކް އޮބާމަޔަން ވައްދާލި ގޯލުންނެވެ. މިއީ ކޯނަރެއްގައި ޖެރާޑް ޕީކޭ ބޮލުން ޖެހި ބޯޅައެއް ހުރަސްދަނޑީގައި ޖެހިފައި ކުޅުމުގެ ތެރެއަށް އެނބުރި އައި ވަގުތު އޮބާމަޔަން ޖެހި ގޯލެކެވެ. މިއީ އެންމެ ފަހުން ކުޅުނު ތިން މެޗުގައި އޮބާމަޔަންގެ ފަސް ވަނަ ގޯލެވެ.

ބާސެލޯނާގެ ޑެމްބެލޭ (ކ) ރޭގެ މެޗުގެ ތެރެއިން ބޯޅަ ފޮނުވާލަނީ.-- ފޮޓޯ: އޭއެފްޕީ

ދެ ވަނަ ހާފްގައި ބާސެލޯނާ އިން ގިނަ އެޓޭކްތަކެއް ކުރަމުންދިޔައިރު، އެ ޓީމުން ލީޑުފުޅާކުރީ 73 ވަނަ މިނިޓްގައި އޮސްމާން ޑެމްބެލޭ ޖެހި ގޯލުންނެވެ. ފްރެންކީ ޑި ޔޯން ދިން ބޯޅައެއް ހިފައިގެން އޭރިއާތެރެއަށް ވަދެ، ޑެމްބެލޭ ގޯލަށް ފޮނުވާލީ ހަނި އޭންގަލުންނެވެ.

ބާސެލޯނާ އިން ފަހު ދެ ގޯލު ޖެހީ އިތުރު ވަގުތުގަ އެވެ. އިތުރު ވަގުތުގެ ފުރަަތަމަ މިނިޓްގައި ޑެމްބެލޭ ނެގި ހުރަހަކުން ލޫކް ޑި ޔޯން ބާސެލޯނާގެ ތިން ވަނަ ގޯލު ޖެހިއިރު، ބަދަލު ކުޅުންތެރިއެއްގެ ގޮތުގައި ކުޅެން ނުކުތް މެމްފިސް ޑިޕާއި ވަނީ އޭގެ ފަހުން ގޯލެއް ޖަހައިފަ އެވެ. މި ގޯލަށް ވެސް ފުރުސަތު ތަނަވަސްކޮށްދިނީ ޑެމްބެލޭ އެވެ.

މެޗަށް ފަހު ބާސެލޯނާގެ ކޯޗު ޒަވީ ހެނާންޑޭޒް ބުނީ މިއީ ޑެމްބެލޭ ބާސެލޯނާ ޖޯޒީގައި އޭނާގެ އަސްލު ލެވަލްގައި ކުޅުނު މެޗެއް ކަމަށެވެ. ޖެނުއަރީ މަހު ބާސެލޯނާ އިން ދޫކޮށްލަން ބޭނުންވި ޑެމްބެލޭ މި ސީޒަނުގެ ނިޔަލަށް ބާސެލޯނާ ކޮންޓްރެކްޓްގައި ހުރިއިރު، ޒަވީ ބުނީ މުސްތަގުބަލާ ބެހޭގޮތުން ގޮތެއް ނިންމާނީ ޑެމްބެލޭ ކަމަށާއި ބާސެލޯނާ އިން ބޭނުންވާ ކަންތައް އޭނާ އަށް ވަރަށް ރަނގަޅަށް އެނގޭނެ ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox