މާޒިޔާ އަކީ ބޮޑު ކްލަބެއް، ތަޖުރިބާގެ އަލީގައި މަސައްކަތް ކުރެވޭނެ: ޖެސިކް

މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން ކޯޗު ޖެސިކް ވާހަކަ ދައްކަނީ.-- ފޮޓޯ: މުހައްމަދު ޝާބިން/ އަދަދު

މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން ކޯޗު ޖެސިކް ވާހަކަ ދައްކަނީ.-- ފޮޓޯ: މުހައްމަދު ޝާބިން/ އަދަދު

މާޒިޔާ ސްޕޯޓްސް އެންޑް ރެކްރިއޭޝަނަކީ ބޮޑު ކްލަބެއް ކަމަށާއި އެކި ބައްރުތަކުގައި އޭނާ އަށް ލިބިފައިވާ ފުޓްބޯޅައިގެ ތަޖުރިބާގެ އަލީގައި މާޒިޔާގައި ރަނގަޅު މަސައްކަތެއް ކުރެވޭނެ ކަމަށް އެ ޓީމުގެ ކޯޗުކަމާ މިއަދު ހަވާލުވި ސާބިއާގެ މަޔޮޑްރަގް ޖެސިކް ބުނެފި އެވެ.

ގަލޮޅު ދަނޑުގައި މިއަދު ބޭއްވި އިވެންޓެއްގައި މާޒިޔާ އިން ވަނީ މި ސީޒަނުގެ ނިޔަލަށް ޖެސިކްގެ އިތުރުން އޭނާއާ އެކު މަސައްކަތްކުރާ ޓްރެއިނަރު/ފިޓްނަސް ކޯޗު ގޯރާން ގުޒިޖާންއާ އެކު މިއަދު ކޮންޓްރެކްޓްގައި ސޮއިކޮށްފަ އެވެ.

ނޫސްވެރިންގެ ސުވާލުތަކަށް ޖަވާބުދޭން ޖެސިކް ޓްރާންސްލޭޓަރެއްގެ ގޮތުގައި ބޭނުންކުރަނީ ފިޓްނަސް ކޯޗު ގޯރާން އެވެ. ޖެސިކް ބުނީ ވާހަަކަ ދެއްކުމުގައި އޭނާ އަށް އެންމެ ފަރިތަކޮށް ބޭނުންކުރެވެނީ ސާބިއާ އާއި ތުރުކީ ފަދަ ގައުމުގެ ބަސް ކަމަށްވާތީ އިނގިރޭސިން ވާހަކަ ދެއްކުމުގައި ޓްރާންސްލޭޓަރެއްގެ އެހީ ހޯދަނީ ކަމަށެވެ.

މާޒިޔާގެ ކުޅުންތެރިންނާއި ސަޕޯޓަރުންނަށް ޖެސިކް ދިން މެސެޖަކީ އޭނާ އެ ކްލަބްގެ ކޯޗެއްގެ ޒިންމާއާ ހަވާލުވެވުނީތީ ވަރަށް އުފަލުން ހުރި ކަމަށެވެ.

"ކޮންމެ ވަޒީފާއެއްގައި ވެސް އަހަރެންގެ އެންމެ ފުރިހަމަ އަށް ހުންނާނީ މަސައްކަތްކޮށްފައި. ޓްރެއިނިންގައި ވިޔަސް މެޗުތަކުގައި ވިޔަސް އަހަރެން އެންމެ ރަނގަޅަށް މަސައްކަތް ކުރަން ބޭނުން،" ކޯޗިންގައި 20 އަހަރަށް ވުރެ ދިގު މުއްދަތަށް ޔޫރަޕާއި އޭޝިއާ އަދި އެފްރިކާގެ ބޮޑެތި ގައުމުތަކުގައި މަސައްކަތްކޮށްފައިވާ ޖެސިކް ބުންޏެވެ.

ކޯޗު ޖެސިކް (ކ) އާއި އޭނާގެ އެސިސްޓަންޓެއްގެ ގޮތުގައި މަސައްކަތްކުރާ ފިޓްނަސް ކޯޗު ގޯރާން.-- ފޮޓޯ: މުހައްމަދު ޝާބިން/ އަދަދު

ބަލްގޭރިއާ، އީރާން، ޔޫއޭއީ، މޮންޓެނެގްރޯ، ޗައިނާ، ލީބިޔާ، މިޔަންމާ އަދި ސައުދީ އަރަބިއްޔާގެ މަޝްހޫރު ޓީމުތަކުގައި ކޯޗިން މަސައްކަތްކުރި ޖެސިކް ބުނީ މާޒިޔާ އަކީ "ބޮޑު ކްލަބެއް" ކަމަށާއި އޭނާގެ ވިސްނުމަކީ މިހާރު މާޒިޔާ އޮތް ލެވަލަށް ވުރެ މައްޗަށް ގެންދިއުން ކަމަށެވެ.

ސީޒަންގެ މެދުތެރެއިން މާޒިޔާއާ ހަވާލުވުމަކީ ޓީމު އެކުލަވާލުމުގައި އުނދަގުލެއް ކުރިމަތިވެދާނެ ކަމެއްތޯ އެހުމުން ޖެސިކް ބުނީ މި ފަދަ ހާލަތްތަކުގެ ތަޖުރިބާ ކޯޗިންގައި ލިބިފައިވާ ކަމަށެވެ. އެހެންވެ، އުނދަގުލެއް ކުރިމަތިވާނެ ކަމަށް ޖެސިކް ގަބޫލުކުރެ އެވެ.

"މިއީ ފުރަތަމަ ފަހަރެއް ނޫން ސީޒަނެއްގެ މެދުތެރެއިން ޓީމަކާ ހަވާލުވާ. މިސާލަކަށް ބަލަންޏާ (މިޔަންމާ ލީގުގެ) ޔަންގޮން ޔުނައިޓެޑާ (2015 ވަނަ އަހަރު) ހަވާލުވީ ވެސް މި ފަދަ ގޮތަކަށް. އެކަމަކު، ސީޒަން ނިންމާލީ ޗެމްޕިއަންކަން ހޯދައިގެން. އެހެންވީމަ، ރަނގަޅު މިސްރާބަކަށް މަސައްކަތް ކުރުން މި އޮތީ،" ޖެސިކް ބުންޏެވެ.

ތިން ބައްރުގެ ފުޓްބޯޅައިގެ ތަޖުރިބާ ލިބިފައިވާ ޖެސިކް ބުނީ ޔޫރަޕްގައި އެހެން ހިސާބުތަކަށް ވުރެ ފުޓްބޯޅަ ތަފާތުވާ ސަބަބަކީ "ޓެކްޓިކްސް" ކަމަށެވެ. މާޒިޔާގައި ވެސް އޭނާ ބޭނުންވަނީ ޓެކްޓިކަލީ ރަނގަޅު ފުޓްބޯޅައެއް ކުޅުވަން ކަމަށް ޖެސިކް ވަނީ ބުނެފަ އެވެ.

"ފުޓްބޯޅައިގެ އެންމެ ރަނގަޅު ވިސްނުމަކީ މެޗަކަށް ފަހު މެޗެއް ކުރިއަރަމުންދާ ގޮތް ބެލުމަށް ފަހު ދެން ކަންކަން ރަނގަޅު ކުރެވޭނެ ގޮތުގެ ވާހަކަ ދެއްކުން. މެޗުތަކެއް ކުޅެފައި ދެތިން ހަފްތާ ފަހުން އިތުރަށް އަހަންނަށް މި ޓީމާ (މާޒިޔާއާ) މެދު އިތުރު ވާހަކަތަކެއް ދެއްކޭނެ. މި ވަގުތަށް ފެންނަ ޓީމުގެ މަންޒަރު ރަނގަޅު،" ޖެސިކް ބުންޏެވެ.

ޖެސިކް، މާޒިޔާގެ ކޯޗުކަމަށް ހަވާލުވެ، ކުރިމަތިލާނެ ފުރަތަމަ މުބާރާތަކީ މި މަހު 16 ވަނަ ދުވަހު ފަށާ ދިވެހި ޕްރިމިއާ ލީގެވެ. އަންނަ މެއި މަހު މާޒިޔާ އިން އޭއެފްސީ ކަޕްގެ ގްރޫޕް ސްޓޭޖުގައި ވާދަކުރާނެ އެވެ. މާޒިޔާގައި ޖެސިކްގެ އެންމެ ބޮޑު ޓާގެޓަކަށްވާނީ އޭއެފްސީ ކަޕްގައި ރަނގަޅު ނަތީޖާއެއް ނެރުމެވެ.

މާޒިޔާގެ ޖެނެރަލް ސެކްރެޓަރީ ވައްހާބު މިއަދުގެ ނޫސްވެރިންގެ ބައްދަލުވުމުގެ ތެރެއިން ވާހަކަ ދައްކަނީ.-- ފޮޓޯ: މުހައްމަދު ޝާބިން/ އަދަދު

މާޒިޔާގެ ޖެނެރަލް ސެކްރެޓަރީ އަބްދުލް ވައްހާބު (ވައްކޭ) ވިދާޅުވީ ކުރު މުއްދަތެއްގެ ތެރޭގައި ފެންވަރު ރަނގަޅު ކޯޗެއް ހަމަޖައްސައިދިނުމުން އެ ކަމަށްޓަކައި ކްލަބްގެ ޗެއާމަން އަހުމަދު ސާޖިދު އަށް ވަރަށް ހާއްސަ ޝުކުރެއް އަދާކުރާ ކަމަށެވެ. ވައްކޭ ވިދާޅުވީ އާ ކޯޗެއް ގެންނަން ނިންމީ ޕްރެޒިޑެންޓްސް ކަޕްގެ ފަހު ތިން މެޗުން ބަލިވުމުން ކަމަށެވެ.

"މި ފަހަރު ބޭރު ކޯޗެއް މި ގެނައީ އަޅުގަނޑުމެންނަށް ގައުމީ މުބާރާތުގައި ފައިނަލްގަޔާއި އެއްކޮށް މާޒިޔާ ފަހުގެ ތާރީހެއްގައި ލޯކަލް މުބާރާތެއްގައި ޖައްސަޖައްސައިގެން ތިން ފަހަރު ބަލިވުމުގެ ސަބަބުން. އެ ހާލަތުގައި ކޯޗު ބަދަލުކުރަން ފެނިގެން ބޭރު ކޯޗަކަށް މި ފަހަރު މިދިޔައީ،" ވައްކޭ ވިދާޅުވި އެވެ. "އަބަދު ވެސް މާޒިޔާގެ ޓާގެޓަކީ ކޮންމެ މުބާރާތެއްގެ ތަށްޓައް. ކޮންމެ މުބާާރާތެއްގެ އެންމެ މައްޗަށް ދިއުން މާޒިޔާގެ ޓާގެޓަކީ. އަބަދުވެސް މި އަހަރު ވެސް،"

މާޒިޔާގެ ޗެއާމަން ސާޖިދު ވިދާޅުވީ ނިންމުމެއް ނިންމާއިރު އަބަދުވެސް އެންމެ ބޮޑަށް ވިސްނަނީ މާޒިޔާ އަށް ކަމަށެވެ. އަދި މާޒިޔާ އަށް މި ވަގުތު އެންމެ ރަނގަޅު ގޮތަކީ އާ ކޯޗަކާ އެކު ކުރިއަށް ދިއުން ކަމަށް ފެންނާތީ އެ ގޮތަށް ނިންމީ ކަމަށް ސާޖިދު ވިދާޅުވި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox