ކާމިޔާބު މީހުންގެ ބެޑް ޓައިމް ރޫޓިން އިން ހަ ކަމެއް!

a

a

ކާމިޔާބު މީހަކަށް ވުމަކީ އެންމެ ދުވަހަކުން ވާނެ ކަމެއް ނޫނެވެ. ދުނިޔޭގެ ކޮންމެ ދިމާލަކުންވެސް ފާހަގަކޮށްލެވޭ ނަން މަޝްހޫރު ކޮންމެ މީހެއްގެ ދިރިއުޅުމަށް ބަލާލިޔަސް މިކަން އެނގި ހާމަވެ އެވެ. މިގޮތުން ބަލާއިރު އެ ދުވަހަކީ އުފެއްދުންތެރި ދުވަހަަކަށް ހެދުމަށްޓަކައި އެންމެ ބޮޑު އިސްކަމެއް ދޭން ޖެހޭ އެއްކަމަކީ އެމީހެއްގެ ނިދުމާއި ހޭލުމެވެ. މި ހިމަނާލަނީ ކާމިޔާބު މީހުންގެ ތާވަލުން އަހަރެމެން ދެނެގަންނަވި ހާއްސަ ހަ ކަމެކެވެ.

ނިދުމަށް ހާއްސަ ވަގުތެއް

ކުރިއަށް އޮތް ދުވަހަކީ އެ މީހަކު ކުރަންޖެހޭ ހުރިހާ މަސައްކަތެއް ކާމިޔާބުކަމާއި އެކީ ކޮށް ނިންމާލެވޭނެ ފަދަ ދުވަހަކަށް ހެދުމަށްޓަކައި އެންމެ މުހިންމީ ރަނގަޅު ނިދާ ގަޑިއެއް ކޮންމެ ދުވަހަކަށް ވެސް ހަމަޖެއްސުމެވެ. މިގޮތުން "ވަޓް ދަ މޯސްޓް ސަކްސެސްފުލް ޕީޕަލް ޑޫ ބިފޯ ބްރޭކްފާސްޓް" ފޮތް ލިޔުނު ވަގުތު މެނޭޖް ކުރުމުގެ ތަޖުރިބާކާރެއް ކަމުގައިވާ ލައުރާ ވެންޑާކަމް ވިދާޅުވާ ގޮތުގައި ކޮންމެ ރެއަކުވެސް ނިދާ ގަޑި ހަމަޖައްސާފައި އޮތުމަކީ މާ ލަސްވަންދެން ހޭލާ އުޅުމާއި އަނެއް ދުވަހު ޖައްސާލާނެ ވަގުތެއްގެ އިންތިޒާރުގައި ހުންނަންޖެހޭ ހުރުމުން ތިމާ ދުރުކޮށްދޭނޭ ކަމެކެވެ.

ބެޑް ޓައިމް އެލާމް

ފަހަރެއްގައި ތަން ކޮޅެއް 'ޖޯކު' ކަމެއްހެން ހީވެދާނެ އެވެ. އެހެން ނަމަވެސް ކޮންމެ ކަމެއްވެސް ވަކި ގަޑިތަކެއްގައި ކުރާހެން އެ މީހަކު ނިދުމަށް އެންމެ ރަނގަޅު ގަޑި އަމިއްލަ އަށް ފާހަގަވުމުން ދެން ކުރަންޖެހޭ ކަމަކީ އެ ގަޑިއަކަށް އެލާމް ކުރުމެވެ. އަހަރެމެންގެ އާންމު އާދަކާދައިގައި އެކި ދުވަސްތަކުގައި އެކި ކަންކަމުގައި އަވަދިނެތި އުޅޭއިރު، އެލާމެއް ކަނޑައެޅުމުން އެގޮތަކަށް އަމަލުކުރަން އިތުރު ބާރަކަށް ވެގެންދާނެ އެވެ. ޖެހިގެން އަންނަ ދުވަހު ހަނދާން ނެތި މާ ލަހުން ނިދުނީ އޭ ބުނެ ދައްކާނެ ބަހަނާއެއްވެސް އޭރަކުން ނޯންނާނެ އެވެ.

Advertisement

ރިއަލިސްޓިކް ވޭކްއަޕް ޓައިމް

ލައުރާ ބުނާ ގޮތުން ކާމިޔާބު މީހުން އެންމެ ވެލިއު ކުރާ އެކައްޗަކީ އެ މީހެއްގެ ނިދުމުގެ ކޮލިޓީ އެވެ. ހެނދުނު ހޭލަން އެލާމް ކުރުމަށްފަހު ދެތިން ހަތަރު ފަހަރު ސްނޫޒަށް ފިއްތައި ވަގުތު ބޭކާރުކުރުން ނޫން އެހެން ކަމެއް ނުވާނެ އެވެ. އެލާމުގެ އަޑާއި ހެދި ނިދޭނީީކީއެއް ނޫނެވެ. ނޫނީ އެލާމް ވާތީ ގަޑި ޖެހުނީކަން ދަނެ ލޯ ހުޅުވާނީކީއެއްވެސް ނޫނެވެ. އެހެންކަމުން ތިމާ ކޮންމެހެންވެސް ހޭލަންޖެހޭ ގަޑިއަށް ހެދުނުގެ އެލާމް ކުރުމަކީ އެދުވަހުގެ ފެށުން ރަނގަޅުކުރުމަށްޓަކައި ނިދުމުގެ ކުރިން ކޮންމެހެންވެސް ކުރަންޖެހޭ ކަމެކެވެ.

ފޯނާއި ޓީވީ އާއި ދުރުވާންޖެހޭ

ހަމަގައިމުވެސް އަހަރެމެންގެ ތެރޭގައި އެންމެ ގޯސްކޮށް ކުރެވޭ އެއްކަމަކީ ނިދަން އޮށޯވެފައިވެސް ފޭސް ބުކް ފީޑް ބަލާލުމެވެ. ހަފްތާ ބަންދެއްނަމަ ކޮންމެވެސް މޮޅު ފިލްމެއް ބަލާލުމެވެ. ނިދަން ވެގެން އޮށޯވެ ގޭމް ކުޅޭ މީހުންވެސް ވަކި މަދެއް ނޫނެވެ. ތަޖުރިބާކާރުން ބުނާގޮތުން މިއީ ވަރަށް ގޯސް އާދަ އެކެެވެ. މަދުވެގެން ނިދުމުގެ އެއްގަޑިއިރު ކުރިން ފޯނާއި ޓީވީ ސްކްރީންތަކާއި ދުރުވެ ސިކުނޑި އަންޕްލަގް ކުރުމަށް ފުރުސަތު ދޭން ޖެހެ އެވެ.

ކުރިއަށް އޮތް ދުވަސް ރާވާލާ

ކާމިޔާބު މީހެއްގެ ހަޔާތުގެ އެންމެ ބޮޑު ސިއްރަކީ ދުރާލާ ކަންކަން ރޭވި ތާވަލުކުރެވިފައި ވުމެވެ. މިގޮތުން ކާމިޔާބު މީހުންގެ ބެޑް ޓައިމް ރޫޓިން އިން ހަނދާނުގައި ބަހައްޓަންވީ އަނެއްކަމަކީ މިއީ އެވެ. ނިދުމުގެ ކުރިން މާދަމާ ތިމާ ކުރަންޖެހޭ ކަންކަން ނޯޓުކޮށްފައި ބެހެއްޓުމެވެ. އަދި ކުރިއަށް އޮތް ދުވަސް ދާނެ ގޮތް ސިކުނޑީގައި ރާވާލުމެވެ. މިފަދައިން އަމަލުކުރާނަމަ ކުރަންހުރި ކަންތައް ގިނަވެ ބޯ ހާސްވުމުން ސަލާމަތްވެ ހަފްތާއެއްގެ މައްޗަށް އެތަށް ގަޑިއިރުތަކެއް ސަލާމަތްވާނެ އެވެ.

ހެނދުނު ކަންކަންކުރާ ތަރުތީބުވެސް މުހިންމު

ކޮންމެ ދުވަހެއްގެވެސް ނިދާ ގަޑިއާއި ހޭލާ ގަޑި އަދި ކަނޑައެޅުމަކުން ނިމުނީކީ އެއް ނޫނެވެ. ހެނދުނު ހެނދުނާ ކުރަން ގަސްތުކުރާ ކަމެއްވެސް ހަމަޖެހިފައި އޮތުން މުހިންމެވެ. މިގޮތުން ފެންވެރުމާ ހިސާބުން ގޮސް ނާސްތާ އާއި އެމީހަކު ލާނެ ހެދުމެއްވެސް ކުރީބައިގައި ކަނޑައެޅި ތައްޔާރުވެފައި ވުމަކީ އެދުވަހު، ފަހު މިނިޓުގައި ކަންކަން ނުވެގެން ތެޅިފޮޅެން ޖެހުމުން ދުރުކޮށްދޭނޭ ކަމެކެވެ. އަދި ވީހާވެސް ހަމަޖެހިގެން އެމީހެއްގެ މަސައްކަތައިގެން ކުރިއަށް ދެވޭނެ ކަމެއްވެސްމެ އެވެ.

ހަމަގައިމުވެސް ނުކުރެވޭނޭ އެއްވެސް ކަމެއް ނެތްތާ އެވެ. މުޅިންވެސް ތިމާގެ ސްމާޓް ފޯނުންވެސް ކޮށްލެވޭހާ ފަސޭހަ ކުދިކުދި ކަންކަމެވެ. ތަފާތެއް ފެނޭތޯ އަޖުމަ ބަލާލަމާ ހިނގާށެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox