ވެން ޑަ ބީކް ޔުނައިޓެޑް ދޫކޮށްލަން ލަފާދީފި

Aug 30, 2021, 3:29 AM
ޔުނައިޓެޑްގެ ޕްރީ ސީޒަން މެޗެއްގެ ތެރެއިން ވެން ޑަ ބީކް.

ޔުނައިޓެޑްގެ ޕްރީ ސީޒަން މެޗެއްގެ ތެރެއިން ވެން ޑަ ބީކް.

އަމްސްޓެޑަމް (އޮގަސްޓް 30) - އަންނަ މަހު ކުޅޭ ވޯލްޑް ކަޕް ކޮލިފައިން މެޗުތަކަށް ނެގި ނެދަލެންޑްސްގެ ސްކޮޑުން ބާކީވި މިޑްފީލްޑަރު ޑޯނީ ވެން ޑަ ބީކް އަލުން ޓީމުން ޖާގަ ބޭނުންނަމަ އޭނާ މިހާރު ކުޅެމުން އަންނަ މެންޗެސްޓާ ޔުނައިޓެޑް ދޫކޮށްލަންޖެހޭ ކަމަށް ލަފާދީފި އެވެ.

މި ފަހަރުގެ ސީޒަނުގައި މިހާތަނަށް ޔުނައިޓެޑް ކުޅުނު ތިން މެޗުގައި ވެސް އުމުރުން 24 އަހަރުގެ ވެން ޑަ ބީކަށް ފުރުސަތު ނުދެ އެވެ. ވޯލްޑް ކަޕް ކޮލިފައިންގައި ނެދަލެންޑްސް ކުޅޭ މެޗުތަކަށް ވެން ޑަ ބީކް ނުނެގުމާ ބެހޭގޮތުން ނެދަލެންޑްސްގެ ކޯޗު ލުއީ ވެން ހާލް ވަނީ އެ ގައުމުގެ މީޑިއާ އަށް އިންޓަވިއުއެއް ދީފަ އެވެ.

ކުރިން މެންޗެސްޓާ ޔުނައިޓެޑާ ހަވާލުވެހުރި ކޯޗު ވެން ހާލް ބުނީ ވެން ޑަ ބީކް ސްކޮޑަށް ނުނެގި ސަބަބާ ބެހޭގޮތުން އެނާއާ 45 މިނިޓް ވަންދެން ފޯނުން ވާހަކަ ދެއްކި ކަމަށެވެ. އަދި ވެން ޑަ ބީކް ސްކޮޑަށް ނުނެގީ ކްލަބް ލެވަލްގައި މެޗު ނުކުޅޭތީ ކަމަށް ވެން ހާލް ވަނީ ބުނެފަ އެވެ.

Advertisement

"އަހަރެން ވާހަކައެއް ނުދައްކާނަން އަހަރެންގެ ކުޅުންތެރިން ކުޅޭ ކްލަބްތަކުގައި ތިބި ކޯޗުންނާ. އެކަމަކު، އަހަންނަށް ކުރެވޭނެ ކަމެއް އެއީ އަހަރެންގެ ކުޅުންތެރިންނަށް ކަންކަމުގައި ލަފާދިނުމަކީ. ވެން ޑަ ބީކާއި އަހަރެން ދެއްކި ވާހަކަ އަކީ އަހަރެމެން ދެމެދުގައި އޮންނާނެ ސިއްރެއް،" ތިން ވަަނަ ފަހަރަށް ނެދަލެންޑްސްގެ ކޯޗުކަމާ ދާދި ފަހުން ހަވާލުވި ވެން ހާލް ބުންޏެވެ.

ނެދަލެންޑްސްގެ މީޑިއާ ރިޕޯޓްތައް ބުނާގޮތުން ވެން ހާލް ވަނީ ޔުނައިޓެޑް ދޫކޮށްލަން ވެން ޑަ ބީކަށް ލަފާދީފަ އެވެ. އެއީ ކުޅުމުގެ ފުރުސަތު ގިނައިން ލިބޭ ޓީމަކަށް ކުޅުމަށެވެ.

މިދިޔަ އަހަރު ނެދަލެންޑްސްގެ ޗެމްޕިއަން އަޔަކްސް ދޫކޮށް ޖުމްލަ 53 މިލިއަން ޑޮލަރަށް ޔުނައިޓެޑަށް ބަދަލުވި ވެން ޑަ ބީކަށް އެ ކްލަބްގައި ގަވާއިދުން ކުޅުމުގެ ފުރުސަތު ނުލިބެ އެވެ. މިދިޔަ ޖޫން މަހު ފެށި ޔޫރޯ ފުޓްބޯޅަ މުބާރާތާ ގާތްވެފައިވަނިކޮށް ލިބުނު އަނިޔާއެއްގެ ސަބަބުން ވެން ޑަ ބީކަށް ޔޫރޯ ސްކޮޑުން ވެސް ފުރުސަތު ގެއްލުނެވެ.

އަންނަ މަހު ކުޅޭ ކޮލިފައިން މެޗުތަކަށް ނެގި ނެދަލެންޑްސް ސްކޮޑުން ވެން ހާލް ވަނީ ލިވަޕޫލްގެ ޑިފެންޑަރު ވާޖިލް ވެން ޑައިކަށް ފުރުސަތު ދީފަ އެވެ.

މިދިޔަ އަހަރުގެ އޮކްޓޫބަރު މަހު ކަކުލަށް ލިބުނު ސީރިއަސް އަނިޔާއިން ރަނގަޅުވެ، މި ސީޒަނުގައި ވެން ޑައިކް އަންނަނީ ރަނގަޅު ކުޅުމެއް ދައްކަމުންނެވެ. ވެން ޑައިކަށް ނެދަލެންޑްސްގެ ކެޕްޓަންކަން ދިނުމާ މެދު ވަރަށް އަވަހަށް ގޮތެއް ނިންމާނެ ކަމަށް ވެން ހާލް ވަނީ ބުނެފަ އެވެ.

ކޮލިފައިންގައި ކުރިއަށް އޮތް މެޗުތަކުގައި ނެދަލެންޑްސް ނުކުންނާނީ ނޯވޭ، މޮންޓަނެގްރޯ އަދި ތުރުކީއާ ދެކޮޅަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox