ވާދަވެރި މެޗު މަދުވުމުގެ އަސަރު ޓީމަށް ކުރި: ހަމްޕު

Aug 23, 2021, 8:55 AM
އޭއެފްސީ ކަޕްގެ މެޗެއްގެ ތެރެއިން ހަމްޕު ބޯޅަ ހިފައިގެން.-- ފޮޓޯ: އޭއެފްސީ

އޭއެފްސީ ކަޕްގެ މެޗެއްގެ ތެރެއިން ހަމްޕު ބޯޅަ ހިފައިގެން.-- ފޮޓޯ: އޭއެފްސީ

އޭއެފްސީ ކަޕްގެ ދެކުނު އޭޝިއާގެ ގްރޫޕް ސްޓޭޖުގެ މެޗުތައް ކުޅެން ޖެހުނުއިރު ކައިރި މުސްތަގުބަލެއްގައި ވާދަވެރި މެޗުތަކެއް ކުޅެފައި ނެތުމުގެ އަސަރު ޓީމަށް ކުރި ކަމަށް މާޒިޔާގެ ފޯވާޑް ހަމްޒާ މުހައްމަދު (ހަމްޕު) ބުނެފި އެވެ.

ރާއްޖޭގެ ފުޓްބޯޅަ ސީޒަން މިދިޔަ ޑިސެމްބަރު މަހު ފެށީ އަށް މަހެއްހާ ދުވަހުގެ މެދުކެނޑުމަކަށް ފަހު އެވެ. އެކަަމަކު ލީގު ފެށިތާ ދެ މަސް ނުވަނިސް ފެބްރުއަރީ މަހު ތިން ވަނަ ދުވަހު ލީގު މެދުކަނޑާލަން ޖެހުނެވެ. އެއީ އޭރު މާލެ ސަރަހައްދުގައި ކޮވިޑް-19ގެ ކޭސްތައް ގިނަވުމުން އެޅި ފިޔަވަޅުތަކުގެ ތެރެއިންނެވެ. އެ ފަހަރު ހުއްޓާލި ގޮތަށް އަލުން ލީގު ފެށުނީ މާޗް މަހުގެ 26 ވަނަ ދުވަހު އެވެ. ލީގު ފަށައިގެން ކުރިއަށްދަނިކޮށް މެއި މަހު ފުރަތަމަ ހަފްތާ ތެރޭގައި އަނެއްކާ ވެސް ލީގު ހުއްޓާލަން ޖެހުނެވެ. އެއީ ކޮވިޑްގެ ހާލަތު ރާއްޖޭގައި އަނެއްކާ ވެސް ގޯސްވާތީ އެވެ.

މެއި މަހު މާލޭގައި އޭއެފްސީ ކަޕްގެ މެޗުތައް ކުޅެން ރޭވިފައި އޮއްވައި ފަހު ވަގުތު މެޗުތައް ފަސްކުރަން ޖެހުނީ އޭއެފްސީ ކަޕަށް އައި ބެންގަލޫރު ކުޅުންތެރިން ޕްރޮޓޮކޯލާ ހިލާފުވެ މަގުމައްޗަށް ނުކުތުމުންނެވެ. ކޮވިޑް ކަންތައް ރަނގަޅުވާނެ އިރެއް ނޭގި ހާލަތު ދިގުލައިދާތީ އެފްއޭއެމުން މެއި މަހު ފަހުކޮޅު ނިންމީ ދެ ވަނަ ބުރުން ދިރާގު ދިވެހި ޕްރިމިއާ ލީގު ނިންމާލައި އެއް ވަނައިގައި އޮތް މާޒިޔާ އަށް ޗެމްޕިއަންކަން ދޭށެވެ.

Advertisement

އޭއެފްސީ ކަޕް ބާއްވަން ޖޫން މަހު ފަހުކޮޅަށް ޝެޑިއުލްކޮށްފައި އޮތް ނަމަވެސް ހޯސްޓްކުރާނެ ގައުމެއް ނުވުމުން ޖެހުނީ މި މަހު ބާއްވާށެވެ. އެހެންވެ މާޒިޔާ އަށް މި ފަހަރުގެ އޭއެފްސީ ކަޕާ ކުރިމަތިލާން ޖެހުނުއިރު، އެންމެ ފަހުން ވާދަވެރި މެޗެއް ކުޅެވުނީ ތިން މަސް ދުވަސް ކުރިންނެވެ. މާޒިޔާ އިން އޭއެފްސީ ކަޕްގެ ކުރިން ސައުދީ އަރަބިއްޔާގައި 20 ވަރަކަށް ދުވަހުގެ ކޭމްޕެއް ކުރިއިރު، ތިން މެޗު ކުޅުނެވެ. އެކަމަކު އެއީ ޕްރީ ސީޒަން ގޮތަށް ކުޅުނު މެޗުތަކެއް ކަމަށްވުމުން ވާދަވެރިކޮށް ކުޅުމުގެ ރޫހެއް ނާންނާނެ ކަމަށް މާޒިޔާ ކޯޗު ރިސްޓޯ ވިޑަކޮވިޗް ވަނީ ބުނެފަ އެވެ.

ވިޑަކޮވިޗްގެ ވާހަކަ އަށް އެ ޓީމުގެ ތަރި ހަމްޕު ވެސް ތާއީދުކުރި އެވެ.

"އަސްލު ފުދޭ ވަރަކަށް އުނދަތަކެއް ހުރި އެ ލީގު ވެސް ނިންމާލީތާ. ކޮމްޕެޓިޓިވް މެޗުތަކެއް ނުކުޅެވުނީމަ މިހެން މިވީ،" މާދަމާރޭ ބެންގަލޫރާ ދެކޮޅަށް ކުޅޭ މެޗުގެ ކުރިން މިއަދު އޮތް ނޫސްވެރިންގެ ބައްދަލުވުމުގައި ހަމްޕު ބުންޏެވެ.

އޭއެފްސީ ކަޕްގެ ގްރޫޕް ސްޓޭޖުގައި މި ފަހަރު މާޒިޔާ ކުޅުނު ފުރަތަމަ މެޗުގައި މިދިޔަ ހަފްތާގެ ބުދަ ދުވަހުގެރޭ ކުޅުނު ބަޝުންދަރާ ކިންގްސް އަކީ މިދިޔަ މަހެއްހާ ދުވަހު އެ ބަންގްލަދޭޝްގެ ޕްރިމިއާ ލީގުގައި ގިނަ މެޗުތަކެއް ކުޅެ ޗެމްޕިއަންކަން ހޯދި ޓީމެވެ. ފުރަތަމަ މެޗުގައި މާޒިޔާ އަށް ވުރެ މެޗު ހާލަތްތަކަށް ބަޝުންދަރާ ރަނގަޅުކަން ފެނުނެވެ. މާޒިޔާ 2-0 އިން އެ މެޗުން ބަލިވިއިރު، މެޗު ގެއްލުނީ ހެދުނު ގޯހެއް ރިކަވާނުވެގެންނެވެ. ދެ ވަނަ މެޗުގައި މާޒިޔާ ލީޑުގައި ފުރަތަަމަ ހާފު ނިންމާލި ނަމަވެސް ދެ ވަނަ ހާފްގައި އިންޑިއަން ސުޕަ ލީގު (އައިއެސްއެލް)ގެ އޭޓީކޭ މޯހަން ބަގާން އިން ތިބި ބިދޭސީ ކުޅުންތެރިންގެ ކޮލިޓީ ދައްކައި 3-1 އިން މޮޅުވި އެވެ.

ފަހު މެޗަށް ނުކުންނައިރު ބެންގަލޫރު އަތުން މާޒިޔާ މޮޅެއް ބޭނުންވަނީ ތާވަލުގެ އެންމެ ފުލުގައި ނިންމާލަން ބޭނުންނުވާތީ އެވެ. ހަމްޕު ބުނީ ކުޅުންތެރިންގެ ވިސްނުން ހުރީ ވެސް އެ ގޮތަށް ކަމަށެވެ.

"ހުރިހާ އެންމެން ވެސް ބޭނުންވަނީ މޮޅަކާ އެކީ ނިންމާލަން އެ ގޮތުގައި މި ތިބީ. ޓީމު އޮތީ ކުރިން އޮތް ރޫހުގައި. ފުރަތަމަ މެޗުތައް ކޮންމެ ގޮތަކަށް ދިޔަސް ފަހު މެޗު މޮޅަކާ އެކީ ނިންމާލަން ބޭނުމީ،" ހަމްޕު ބުންޏެވެ.

މިދިޔަ އަހަރު މާޒިޔާ އިން ވަނީ އޭއެފްސީ ކަޕްގެ ކޮލިފައިން ޕްލޭއޮފްގައި ބެންގަލޫރު އަތުން ދެ ލެގުގައި ވެސް މޮޅުވެފަ އެވެ. ދެ މެޗުގައި ހަމްޕު ވަނީ މޮޅު ކުޅުމެއް ދައްކައިފަ އެވެ.

މާޒިޔާ އާއި ބެންގަލޫރު ކުޅޭ މެޗު ފަށާނީ މާދަމާރޭ 9 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox