ކަރުދާހުގައި ފޭވަރިޓަކީ އޭޓީކޭ، މާޒިޔާ އަށް ފުރުސަތު އެބައޮތް: ވިޑަކޮވިޗް

މާޒިޔާގެ ކޯޗު ރިސްޓޯ ވިޑަކޮވިޗް ނޫސްވެރިންގެ ބައްދަލުވުމުގެ ތެރެއިން.-- ފޮޓޯ: ހުސެއިން ޝަޔާހު/ އަދަދު

މާޒިޔާގެ ކޯޗު ރިސްޓޯ ވިޑަކޮވިޗް ނޫސްވެރިންގެ ބައްދަލުވުމުގެ ތެރެއިން.-- ފޮޓޯ: ހުސެއިން ޝަޔާހު/ އަދަދު

އޭއެފްސީ ކަޕްގެ ގްރޫޕް ޑީގައި މިރޭ ކުޅޭ މެޗަށް ނުކުންނައިރު، ކަރުދާހުގައި މެޗުން މޮޅުވާނެ ކަމަށް ބަލައި ފޭވަރިޓެއްގެ ގޮތުގައި ލިޔެފައި އޮންނާނީ އޭޓީކޭ މޯހަން ބާގަންގެ ނަން ކަމަށާއި އެކަމަކު މާޒިޔާ އަށް ވެސް ފުރުސަތު އެބައޮތް ކަމަށް އެ ޓީމުގެ ކޯޗު ސާބިއާގެ ރިސްޓޯ ވިޑަކޮވިޗް ބުނެފި އެވެ.

ގްރޫޕްގައި ކުޅުނު ފުރަތަމަ މެޗުން އޭޓީކޭ ވަނީ ބެންގަލޫރު އަތުން 2-0 އިން މޮޅުވެފަ އެވެ. މާޒިޔާ ވަނީ އެ ނަތީޖާ އިން ބަޝުންދަރާ ކިންގްސް އަތުން ބަލިވެފަ އެވެ. ގްރޫޕް ސްޓޭޖުގެ އެއް ވަނަ ހޯދައިގެން ނޫން ގޮތަކަށް އަނެއް ބުރުން ފުރުސަތު ލިބެން ނެތްއިރު، އެ ޖާގަ ހޯދަން ބޭނުންނަމަ މާޒިޔާ މިރޭގެ މެޗުން މޮޅުވުން މަޖުބޫރެވެ.

މެޗުގެ ކުރިން އިއްޔެ ބޭއްވި ނޫސްވެރިންގެ ބައްދަލުވުމުގައި ވިޑަކޮވިޗް ބުނީ މި މެޗުގައި ކުރަން ޖެހޭ ކަންތައް ވަރަށް ރަނގަޅަށް އެނގޭ ކަމަށެވެ. މާޒިޔާގެ ފޯކަސް އަކީ އޮތް ފުރުސަތެއްގެ ބޭނުންހިފައި މޮޅުވުން ކަމަށާއި މެޗަށް ނުކުންނައިރު، ޕްރެޝަރު އޮތީ އޭޓީކޭ ކަމަށް ވިޑަކޮވިޗް ވަނީ ބުނެފަ އެވެ. އޭގެ ސަބަބުތައް ވެސް އޭނާ ވަނީ ކިޔައިދީފަ އެވެ.

"އެ މީހުން (އޭޓީކޭ) ކުޅެނީ ވަރަށް ވަރުގަދަ ލީގެއްގައި. އެ މީހުންގެ ބަޖެޓަށް ވެސް އެބަޖެހޭ ބަލާލަން. އެ މީހުންގެ ބިދޭސީ ކުޅުންތެރިން ވެސް އެއީ ތަފާތު ލީގެއްގެ ކުޅުންތެރިން. އެހެންވެ އަހަރެން އެ މީހުންނަށް ޕްރެޝަރު އޮތް ކަމަށް. އަދި އެ މީހުންނަކީ ފޭވަރިޓް ކަމަށް ވެސް މި ބުނަނީ،" ރާއްޖެ އާއި ފިލިޕީންސްގެ ލީގު ޗެމްޕިއަންކަން ހޯދާފައިވާ ވިޑަކޮވިޗް ބުންޏެވެ.

ކަރުދާހުގައި ފޭވަރިޓަކީ އޭޓީކޭ. ދަނޑުމަތީގައި އެކަން ތަފާތުވާނެ - ވިޑަކޮވިޗް

މާޒިޔާ އިން އޭއެފްސީ ކަޕަށް ނުކުތްއިރު އަމާޒު ހިފާފައި އޮތީ ގްރޫޕް ސްޓޭޖު ފަހަނައަޅައި ދިއުމަށެވެ. އެކަމަކު ފުރަތަމަ މެޗުން ބަޝުންދަރާ އަތުން ބަލިވުމުން މާޒިޔާ އަށް މިހާރު އަމިއްލަ ބާރުގައި އަނެއް ބުރުގެ ޖާގަ ނުހޯދޭނެ އެވެ. މާޒިޔާ އަށް ޖެހޭނީ ބާކީ ދެ މެޗުން (އޭޓީކޭ އާއި ބެންގަލޫރު އަތުން) މޮޅުވެ، ގްރޫޕްގެ އެހެން މެޗުތަކުން ނުކުންނަ ނަތީޖާތަކަށް ބަލާށެވެ.

ފުރަތަމަ މެޗުން ބަލިވުމުން މާޒިޔާގެ މެނޭޖްމަންޓްގެ ޕްރެޝަރެއް އެބައޮތޯ ސުވާލުކުރުމުން ވިޑަކޮވިޗް ބުނީ އެ ފަދަ ޕްރެޝަރެއް ނެތް ކަމަށާއި މި މުބާރާތަށް ކުރިމަތިލިއިރު، ހާލަތު އޮތްގޮތް ވަރަށް ސާފުކޮށް ފެންނަން އޮތް ކަމަށެވެ.

"އެންމެ ފަހުން މެއި މަހު ތިން ވަނަ ދުވަހު ހެން އަހަންނަށް ހީވަނީ އަހަރެމެން (ރާއްޖޭގެ ލީގުގައި) ވާދަވެރި މެޗެއް ކުޅުނީ. އޭގެ މާނަ އަކީ މި މެޗުތައް (އޭއެފްސީ ކަޕް) މި ކުޅެނީ ތިން މަސް ފަހުންނޭ. ވާދަވެރި މެޗުތަކެއް ނުކުޅެވުނަސް އަހަރެެން ސައުދީ އަރަބިއްޔާ އަށް ދިޔައީ މެޗުތަކެއް ކުޅެން. އެއީ ރާއްޖޭގައި ވާދަވެރި މެޗުތަކެއް ކުޅެން ނުލިބޭއިރު، ތިން ވަނަ ޑިވިޝަނުގެ ޓީމުތަކާ ކުޅެގެން މިކަމެއް ނުވާނެތީ،" ވިޑަކޮވިޗް ބުންޏެވެ.

"މި ހުރިހާ ވާހަކައެއް މި ދައްކަނީ ބަހަނާއެއް ދައްކާކަށެއް ނޫން. އަހަރެމެން ދެން މެޗުތަކުގައި ފައިޓްކުރާނަން،"

މާޒިޔާ އިން މެއި މަހު އެންމެ ފަހުން ރަސްމީ މެޗެއް ކުޅުނުއިރު، އޭއެފްސީ ކަޕްގެ ކުރިން އެންމެ ފަހުން އޭޓީކޭ މެޗެއް ކުޅުނީ މާޗް މަހުގަ އެވެ. ވިޑަކޮވިޗް ބުނީ އެ ވިސްނުމުގައި ދެ ޓީމުގެ ހާލަތު މިނެކިރާނަމަ ގޯސްކޮށް އޮތީ އޭޓީކޭ އަށް ކަމަށެވެ. އެކަމަކު، އެއީ ހުރިހާ ކަމެއް ކަމަށް ދެކިގެން މިރޭގެ މެޗަށް ތައްޔާރުނުވެވޭނެ ކަމަށް ވިޑަކޮވިޗް ވަނީ ބުނެފަ އެވެ.

ވިޑަކޮވިޗްގެ ކޯޗުކަމުގައި މާޒިޔާ އިން ނުކުތް 11 މެޗުގެ ތެރެއިން ފުރަތަަމަ ފަހަރަށް ބަލިވި މެޗަކީ އެންމެ ފަހުން ބަޝުންދަރާއާ ބައްދަލުކުރި މެޗުގަ އެވެ. ވިޑަކޮވިޗް ވަނީ އެ މެޗަށް ފަހު މާޒިޔާ ކުޅުންތެރިންނާ ވާހަކަ ދައްކައި ރަނގަޅުކުރެވޭނެ ކަންތައްތަކާ ބެހޭގޮތުން މަޝްވަރާކޮށްފަ އެވެ. އަދި ފުރަތަމަ މެޗަކީ މާޒީ ކަމަށް ހަދައި މިރޭ އޭޓީކޭ އަތުން މޮޅެއް ހޯދަން ކުޅެވުނު އެންމެ މޮޅަށް އޭޓީކޭއާ ދެކޮޅަށް ކުޅެން ކުޅުންތެރިންނަށް އިރުޝާދުދިނެވެ.

"އަހަރެމެން މި މެޗުން މޮޅުވާން ބޭނުމީ އޮތް ކުޑަ އުއްމީދެއްގައި ވެސް ކުރިއަށް ދާން. އޭރުން ފަހު މެޗަށް ދާއިރު ވެސް އަހަރެމެންނަށް ކަމެއް ހާސިލްކުރެވޭނެ ކަމުގެ އުއްމީދެއް އޮންނާނީ. އަހަރެމެންނަށް އެނގޭ އެ މީހުން (އޭޓީކޭ) ބަލިކުރަން ފުރުސަތެއް އެބައޮތްކަން. އެކަމަކު، އަހަރެމެން ކުޅެން ޖެހޭނީ ވަރަށް ފުރިހަމަ މެޗެއް،" ސާބިއާ ގައުމީ ޓީމުގެ އެސިސްޓަންޓަކަށް ކުރިން މަސައްކަތްކުރި ވިޑަކޮވިޗް ބުންޏެވެ.

މާޒިޔާ އިން ވަނީ މީގެ ކުރިން 2017 ވަނަ އަހަރުގެ އޭއެފްސީ ކަޕްގައި މޯހަން ބަގާން އަތުން ދެ ފަހަރު މޮޅުވެފަ އެވެ. އެއީ ކަލްކަތާގައި 1-0 އާއި މާލޭގައި 5-2 އިންނެވެ. އޭރު އެ ޓީމު އޮތީ މޯހަން ބަގާން ނަމުގަ އެވެ. އެކަމަކު، ފަހުން އެ ޓީމު ވަނީ އެތުލެޓިކޯ ޑި ކޮލްކަތާއާ އެއްކޮށްލުމަށް ފަހު އޭޓީކޭ މޯހަން ބަގާންގެ ނަމަށް ރީބްރޭންޑްކޮށް އިންޑިއަން ސުޕަ ލީގު (އައިއެސްއެލް)ގައި ވާދަކުރަން ފަށައިފަ އެވެ.

ގަލޮޅު ދަނޑުގައި އޭޓީކޭ އާއި މާޒިޔާ ކުޅޭ މެޗު ފަށާނީ މިރޭ 9 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox