ޕްރެޝަރު މެޗުތަކުގައި ލިބޭ ފުރުސަތުގެ ބޭނުންހިފަންޖެހޭ: އިރޭ

Aug 20, 2021, 9:23 AM
މާޒިޔާގެ މެޗެއްގެ ތެރެއިން އިރޭ.-- ފޮޓޯ: އިބްރާހިމް ފާއިދު/ އެފްއޭއެމް

މާޒިޔާގެ މެޗެއްގެ ތެރެއިން އިރޭ.-- ފޮޓޯ: އިބްރާހިމް ފާއިދު/ އެފްއޭއެމް

މި ފަހަރުގެ އޭއެފްސީ ކަޕްގެ ދެކުނު އޭޝިއާގެ ގްރޫޕްގައި މި ވަގުތު ކުޅެން ޖެހޭ ކޮންމެ މެޗަކީ ވެސް ޕްރެޝަރު މެޗެއް ކަމަށާއި އެ މެޗުތަކުގައި ލިބޭ ކޮންމެ ފުރުސަތެއްގެ ވެސް ބޭނުންހިފަން ޖެހޭނެ ކަމަށް މާޒިޔާގެ ވައިސް ކެޕްޓަން މުހައްމަދު އިރުފާން (އިރޭ) ބުނެފި އެވެ.

މާލޭގައި ކުރިއަށްދާ އޭއެފްސީ ކަޕްގެ ގްރޫޕް ޑީގެ މެޗުތަކުގެ ތެރެއިން މާޒިޔާ ކުޅުނު ފުރަތަމަ މެޗުގައި އަންގާރަ ދުވަހުގެރޭ ވަނީ ބަންގްލަދޭޝްގެ ބަޝުންދުރާ ކިންގްސް އަތުން 2-0 އިން ބަލިވެފަ އެވެ. އެ މެޗުގެ ފުރަތަމަ 10 ވަރަކަށް މިނިޓް ތެރޭ މާޒިޔާގެ އިބްރާހިމް އައިސަމް އާއި ކޮނޭލިއަސް ސްޓެވާޓް (ކޯނޭ)ގެ އިތުރުން ނާއިޒު ހަސަން (ދާދު) އަށް ގޯލެއް ޖަހަން ފުރުސަތުތަކެއް ލިބިގެންދިޔަ އެވެ. އޭގެއިން ފުރުސަތެއް ގޯލަކަށް ހަދައިލެވުނުނަމަ މާޒިޔާ އަށް އެ މެޗުގައި ކުރިއަށްދާން ފަސޭހަވާނެ އެވެ.

Advertisement

އޭއެފްސީ ކަޕްގައި މާޒިޔާ ކުޅޭ ދެ ވަނަ މެޗުގައި މާޒިޔާ އިން މާދަމާރޭ ކުޅޭނީ އިންޑިއާގެ އޭޓީކޭ މޯހަން ބަގާންއާ ދެކޮޅަށެވެ. އެ މެޗަށް ނުކުތުމުގެ ކުރިން ގަލޮޅު ދަނޑުގައި މިއަދު ބޭއްވި ނޫސްވެރިންގެ ބައްދަލުވުމުގައި އިރޭ ބުނީ ފުރަތަމަ ލީޑެއް ލިބުމަކީ މެޗުގައި ކުޅެން ފަސޭހަވާނެ ކަމެއް ކަމަށެވެ.

"މި ކަހަލަ (މެޗުތަކެއް) ޕްރެޝަރުގައި ކުޅޭއިރު ފުރަތަމަ ކޮޅުގައި ލިބޭ އެއްޗެއް ޖަހައިފިއްޔާ އެއީ މުޅި ޓީމަށް ވެސް ލިބޭ އެޑްވާންޓޭޖެއް. ވާގޮތަކީ އެއްޗެއް ޖަހާފައި ވަނިކޮށް ފަހަތުން އަރައި އެއްވަރު ކުރުމަށް ވުރެ ފުރަތަމަ ކޮޅުގައި ކުރީގައި އޮވެގެން އެ ލީޑު ހިފަހައްޓަން ވަރަށް ފަސޭހަވާނެ،" ގައުމީ ޓީމަށް ވެސް ކުޅޭ މިޑްފީލްޑަރު ބުންޏެވެ.

މާޒިޔާގެ އެއް ވަނަ ޑިފެންޑަރު ސަމޫހު އަލީ (ސަމުއްޓެ) އަށް ލިބިފައިވާ އަނިޔާގެ ސަބަބުން ބަޝުންދަރާއާ ދެކޮޅަށް އޭނަ ނުކުޅެ އެވެ. އޭނަގެ މަގާމުގައި ފަހަތަށް ކުޅުނީ އެ މެޗުގައި ކެޕްޓަން ބޭންޑް އަޅައިގެން ކުޅުނު އިރޭ އެވެ.

އިރޭ އަކީ އާންމު ގޮތެއްގައި މެދުތެރެއަށް ކުޅޭ ކުުޅުންތެރިއެކެވެ. އެކަމަކު ހާލަތުގެ ގޮތުން ބައެއް ފަހަރު ޑިފެންޑަރަކަށް ވެސް ކުޅެފައި އެބަހުއްޓެވެ. ބަޝުންދަރާ އިން މާޒިޔާ ކޮޅަށް ލީޑުނެގީ އިރޭ އަތުން ބައިކޮޅަށް ވަން ގޯލަކުންނެވެ. މެޗުގެ 26 ވަނަ މިނިޓްގައި ހާފުގެ މެދެއްހާ ހިސާބުން މާޒިޔާގެ ފަހަތަށް ދިޔަ ބޯޅައެއް ސާފުކޮށްލަން އިރޭ ފޮނުވާލި ބޯޅައެއް ކީޕަރު މިރްޒޮހިދު ކުރިއަށް އަރައި ހުރި ވަގުތު މަތިން ބޯޅަ އޮއްސިގެން ވެއްޓުނީ ގޯލުގެ ތެެރެއަށެވެ.

ބަޝުންދަރާގެ އާޖެންޓީނާ ފޯވާޑް ބަސޭރާ (މ) އަތުން ބޯޅަ ހޯދަން އިރޭ (ވ) މަސައްކަތްކުރަނީ.-- ފޮޓޯ: އޭއެފްސީ

އިރޭ ބުނީ ރަނގަޅަށް ކުޅެމުން ދަނިކޮށް އެ ގޯލު އެ ގޮތަށް އައުމުން އުނދަގޫތަކެއް ކުރިމަތިވި ނަމަވެސް ސިކުނޑީގައި އެކަން ބަހައްޓައިގެން ކުރިއަށްދާން އުނދަގޫވާތީ ނިމިފިފައި އޮތް ކަމެއްގެ ވާހަކަ ދެން ދައްކަން ބޭނުންނުވާ ކަމަށެވެ.

"ފުޓްބޯޅަ ކުޅުންތެރިއަކު ކަމަށް ވެއްޖިއްޔާ އެ ކަހަލަ ކަންތައްތަކާ ފޭސްކުރަން (ކުރިމަތިލާން) ޖެހޭނެ. މިސާލަކަށް ޓީވީ ދޮށުގައި ބަލަން އިންނަ މީހެއް ނުކުރާނެ އެ ކަހަލަ ކަމެއް. ކުޅެން އަރައި ހުންނަ ޕްލޭޔަރަކު މިސްޓޭކެއް ހަދާނީ. މާ ބޮޑު ކަމެއް ނޫން އެއީ. ކުރިއަށް ދެން ވިސްނަނީ،"

އޭއެފްސީ ކަޕްގެ ގްރޫޕް ސްޓޭޖު ފަހަނައަޅައި އަނެއް ބުރަށް ދެވޭނީ ކޮންމެ ގްރޫޕަކުން ވެސް އެއް ޓީމަކަށެވެ. ފުރަތަމަ މެޗުން ބަލިވުމުން އަމިއްލަ ބާރުގައި އަނެއް ބުރަށް ދިއުމުގެ ފުރުސަތު މިހާރު މާޒިޔާ އަށް ނެތެވެ. އެކަމަކު، އޮތް ހަނި ފުރުސަތުގެ ބޭނުން ހިފައިގެން އަނެއް ބުރަށްދިއުމުގެ އަމާޒުގައި މަސައްކަތް ކުރާނަމަ ބޭނުންނަމަ މާދަމާރޭ މާޒިޔާ އިން އޭޓީކޭ މޯހަން ބަގާން ބަލިކުރުން މަޖުބޫރެވެ.

މާޒިޔާ އިން ވަނީ މީގެ ކުރިން 2017 ވަނަ އަހަރުގެ އޭއެފްސީ ކަޕްގައި މޯހަން ބަގާން އަތުން ދެ ފަހަރު މޮޅުވެފަ އެވެ. އެއީ ކަލްކަތާގައި 1-0 އާއި މާލޭގައި 5-2 އިންނެވެ. އޭރު އެ ޓީމު އޮތީ މޯހަން ބަގާން ނަމުގަ އެވެ. އެކަމަކު، ފަހުން އެ ޓީމު ވަނީ އެތުލެޓިކޯ ޑި ކޮލްކަތާއާ އެއްކޮށްލުމަށް ފަހު އޭޓީކޭ މޯހަން ބަގާންގެ ނަމަށް ރީބްރޭންޑްކޮށް އިންޑިއަން ސުޕަ ލީގު (އައިއެސްއެލް)ގައި ވާދަކުރަން ފަށައިފަ އެވެ.

އޭޓީކޭ އިން މި ފަހަރު އޭއެފްސީ ކަޕްގައި ކުޅުނު ފުރަތަމަ މެޗުގައި އަންގާރަ ދުވަހު ހަވީރު ވަނީ 2-0 އިން ބެންގަލޫރު ބަލިކޮށްފަ އެވެ. މާޒިޔާ އާއި އޭޓީކޭ ކުޅޭ މެޗު ފަށާނީ މާދަމާރޭ 9 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox