ދަނޑު އުނދަގޫވުމުން އޭޓީކޭގެ ގޭމަށް އަސަރުކުރި: އޭޓީކޭ ކޯޗު

Aug 18, 2021, 2:00 PM
އޭޓީކޭގެ ކޯޗު ހާބާސް: ދަނޑު އުނދަގޫވުމުން އެ ޓީމުގެ ގޭމަށް އަސަރުކުރި ކަމަށް ވަނީ ބުނެފައި.

އޭޓީކޭގެ ކޯޗު ހާބާސް: ދަނޑު އުނދަގޫވުމުން އެ ޓީމުގެ ގޭމަށް އަސަރުކުރި ކަމަށް ވަނީ ބުނެފައި.

އޭއެފްސީ ކަޕްގެ ދެކުނު އޭޝިއާ ގްރޫޕްގައި މިއަދު ކުޅުނު ފުރަތަމަ މެޗުން ބެންގަލޫރާ ދެކޮޅަށް އޭޓީކޭ މޯހަން ބަގާން އިން ބޭނުންވި ގޭމް ނުކުޅެވުނީ ހޫނުގަދަވުމާއި ދަނޑުގެ ހާލަތު އޮތްގޮތުން ކަމަށް އޭޓީކޭގެ ކޯޗު ސްޕެއިންގެ ތަޖުރިބާކާރު ކޯޗު އެންޓޯނިއޯ ލޮޕޭޒް ހަބާސް ބުނެފި އެވެ.

ފުރަތަމަ ހާފުގެ ފަހު ކޮޅާއި ދެ ވަނަ ހާފްގެ ކުރީކޮޅުގައި ޖެހި ދެ ގޯލުން އޭޓީކޭ އިން ވަނީ 2-0 އިން ބެންގަލޫރު ބަލިކޮށްފަ އެވެ.

މެޗަށް ފަހު އޮތް ނޫސްވެރިންގެ ބައްދަލުވުމުގައި އޭޓީކޭގެ ކޯޗު ހާބާސް ބުނީ މިއަދުގެ މެޗު އުނދަގޫވި އެންމެ ބޮޑު ސަބަބަކީ ހަތަރު މަސް ފަހުން ވާދަވެރި މެޗެއްގައި ފުރަތަމަ ފަހަރަށް ކުޅެން ޖެހުނުއިރު، އޭނާގެ ޓީމުން ބޭނުންވާ ގޭމް ކުޅެވޭ ވަރުގެ މާހައުލެއް ނެތުން ކަމަށެެވެ.

"ވަރަށް ގޯސްކޮށް ދަނޑު އޮތީ ހިކިފައި. އެހެންވެ އަހަރެމެންގެ ގޭމަށް އަސަރުކުރި، ދެން ހަތަރެއް ޖަހާއިރު ވަރަށް ހޫނު ގަދަ ވަގުތެއްގައި ފަށަން މި ޖެހުނީ. އަހަރެމެން މި މޮޅު ހޯދީ ރަނގަޅަށް ކުޅެގެން. މި ހާލަތުގައި ވެސް ކުޅުންތެރިން ދެއްކި ކުޅުމާއި ދަނޑުމަތީގައި އުޅުނު ގޮތް ވަރަށް ރަނގަޅު،" ސްޕެއިނުގެ ވެލެންސިއާ އާއި ސެލްޓަ އަށް ކުރިން އިރުޝާދު ދިން ހާބާސް ބުންޏެވެ.

މިއީ ބެންގަލޫރު އަތުން އޭޓީކޭ އިން ޖެހިޖެހިގެން ހޯދި ތިން ވަނަ މޮޅެވެ. އެންމެ ފަހުން އިންޑިއަން ސުޕަ ލީގު (އައިއެސްއެލް) ގައި ބެންގަލޫރާ ދެކޮޅަށް ކުޅުނު ދެ މެޗުން ވެސް އޭޓީކޭ ވަނީ މޮޅުވެފަ އެވެ.

ހާބާސް ބުނީ ސުޕަ ލީގުގައި ވެސް ބެންގަލޫރާ ދެކޮޅަށް ކުޅޭ މެޗުތައް ވަރަށް އުނދަގޫ ކަމަށާއި މި މެޗުގައި ވެސް މޮޅުވެވުނީ ފަސޭހައިން ނޫން ކަމަށެވެ.

"މީގެ މުހިއްމީ ފުޓްބޯޅައިގައި މި ބުނާ ރަނގަޅު ވަގުުތުގައި ހުރިހާ ކަމެއް ކުރުން. އަހަރެމެން މި މެޗުގައި ފެނުނީ އެޓޭކާއި ޑިފެންސްގެ ބެލެންސް ރަނގަޅު ކުރިތަން. އަހަރެމެންގެ ޓީމުން ޓެކްޓިކަލް ޑިސިޕްލިން ހިފެހެއްޓި. އަހަރެމެން ޖެހޭ ބެންގަލޫރަށް އިހުތިރާމް ކުރަން. ފުޓްބޯޅައިގައި ގޯސް ދުވަސް ވެސް އަންނާނެ،" ހާބާސް ބުންޏެވެ.

މެޗަށް ފަހު ބެންގަލޫރުގެ ކޯޗު ޕެޒޯލީ (ކ) އާއި އޭޓީކޭގެ ކްރިޝްނާ ސަލާމްކުރަނީ.-- ފޮޓޯ: އޭއެފްސީ

މިއީ ބެންގަލޫރުގެ ކޯޗުކަމާ ހަވާލުވި ޖަރުމަނުގެ މާކޯ ޕެޒޯލީގެ އިރުޝާދުގެ ދަށުން އެ ޓީމު ކުޅުނު މެޗެއްގައި ބަލިވި ފުރަތަމަ ފަހަރެވެ. މީގެ ކުރިން ކުޅުނު ދެ މެޗުން ވަނީ އޭއެފްސީ ކަޕްގެ ކޮލިފައިންގައި ނޭޕާލްގެ އާމީ ކްލަބާއި ރާއްޖޭގެ އީގަލްސް ބަލިކޮށްފަ އެވެ.

ޕެޒޯލީ ބުނީ އޭނާގެ ނަޒަރުގައި މެޗު ޑޮމިނޭޓްކޮށްގެން ކުޅުނީ ބެންގަލޫރުން ކަމަށާއި މައްސަލަ ދިމާވީ ގޯލާ ހަމައަށް ގޮސްފައި ދެން ބެންގަލޫރުގެ ހަމަލާއެއް ވެސް ނުފެނި ގޯލެއް ވެސް ނުޖެހުން ކަމަށެވެ.

"އަހަރެމެން 90 މިނިޓް ޑޮމިނޭޓް ކުރިއިރު ވެސް އެއްވެސް ފުރުސަތެއް ނުލިބޭ ބޭނުންވާ ކަހަލަ. ގޯލާ ހަމައަށް ގޮސްފައި އަހަރެމެންގެ މުޅި ގޭމް މި ގެއްލެނީ. އެހެންވީމަ ދެން ހުރި މެޗުތަކަށް އެބަޖެހޭ ގޯލު ޖެހުމުގެ ކަންކަން ރަނގަޅު ކުރަން،" ޕެޒޯލީ ބުންޏެވެ.

"އެ މީހުން (އޭޓީކޭ އިން) ކުޅުނީ ދިގު ބޯޅަތަކެއް، ދެން އުޅުނީ އަހަރެމެން ލައްވައި ގޯސްތަކެއް ހަދުވަން. އެކަން އަހަރެމެންނަށް ކުރެވުނު. ދެ ވަނަ ހާފްގެ ކުރީކޮޅުގައި އަހަރެމެން ކޮޅަށް ގޯލެއް ވަނުމުން އަހަރެެމެންނަށް ވަރަށް އުނދަގޫވި،"

ފުރަތަމަ މެޗުން ބަލިވުމުން މުބާރާތުގެ އަނެއް ބުރުގެ ވާހަކަ ދެއްކުމުގެ ބަދަލުގައި ޕެޒޯލީ ދެން ވިސްނާނީ އެ ޓީމަށް ކުރިއަށް އޮތް ބަޝުންދަރާ ކިންގްސް މެޗަށް ކަމަށް ވަނީ ބުނެފަ އެވެ.

ބެންގަލޫރުގައި އޮތް ޒުވާން ޓީމަށް ހަގީގަތުގައި މިއަދު އޭޓީކޭއާ ދެކޮޅަށް ކުޅުނު މެޗުން ޕޮޒިޓިވް ކަންތައްތަކެއް ފާހަގަކުރެވި މުސްތަގުބަލުގައި އޭގެ ބޭނުން ހިފުން މުހިއްމުވާނެ ކަން ޕެޒޯލީ ވަނީ ފާހަގަކޮށްފަ އެވެ.

މުބާރާތުގައި މިރޭ 9 ޖަހާއިރު ކުޅޭ މެޗުގައި ރާއްޖޭގެ ޗެމްޕިއަން މާޒިޔާ ކުޅޭނީ ބަޝުންދަރާއާ ދެކޮޅަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox