މާޒިޔާ މެޗުން ލިބުނީ ފިލާވަޅެއް، އީގަލްސްގެ މާ ގިނަ މައުލޫމާތެއް ނެތް: ޗެތުރީ

ބެންގަލޫރުގެ ކެޕްޓަން ޗެތުރީ: ސުޕަ ލީގުގެ މެޗެއްގެ ތެރެއިން.-- ފޮޓޯ: ބެންގަލޫރު

ބެންގަލޫރުގެ ކެޕްޓަން ޗެތުރީ: ސުޕަ ލީގުގެ މެޗެއްގެ ތެރެއިން.-- ފޮޓޯ: ބެންގަލޫރު

މިދިޔަ އަހަރުގެ އޭއެފްސީ ކަޕްގެ ކޮލިފައިން ބުރުގައި ރާއްޖޭގެ މާޒިޔާ އަތުން ބަލިވެ ލިބުނީ ފިލާވަޅެއް ކަމަށް ބެންގަލޫރުގެ ކެޕްޓަން ސުނިލް ޗެތުރީ ބުނެފި އެވެ.

މިދިޔަ އަހަރުގެ ޕްލޭއޮފް ބުރުގެ ފުރަތަމަ ލެގުގައި މާޒިޔާ އިން ވަނީ މާލޭގައި 2-1 އިން ބެންގަލޫރު ބަލިކޮށްފަ އެވެ. އިންޑިއާގައި ކުޅުނު މެޗުން ބެންގަލޫރު އިތުރު ވަގުތުގެ ދެ ހާފް ނިމުނުއިރު، 3-2 އިން މޮޅުވެ، އެގްރިގޭޓުން ބަލާއިރު 3-3 އިން އެއްވަރުވުމުން ނަތީޖާ ނެރެން ޕެނަލްޓީ ޖެހި އެވެ. ޕެނަލްޓީ ޖަހައިގެން މާޒިޔާ އަތުން ބަލިވެ، ބެންގަލޫރަށް ގްރޫޕް ސްޓޭޖުން ފުރުސަތު ނުލިބި ކެޓީ އެވެ.

މި ފަހަރުގެ އޭޭއެފްސީ ކަޕްގެ ގްރޫޕް ސްޓޭޖުގެ ޖާގައެއް ހޯދަން މާދަމާރޭ ގަލޮޅު ދަނޑުގައި ބެންގަލޫރު ކުޅޭނީ ރާއްޖޭގެ އީގަލްސްއާ ދެކޮޅަށެވެ. އެ މެޗުގެ ކުރިން މިއަދު ބޭއްވި ނޫސްވެރިންގެ ބައްދަލުވުމުގައި ޗެތުރީ ވަނީ މާޒިޔާ މެޗާ ބެހޭގޮތުން ވާހަކަ ދައްކައިފަ އެވެ.

Advertisement

"މާޒިޔާ އަތުން އަމިއްލަ ދަނޑުގައި ބަލިވުމުން އަސަރުކުރި. ވަރަށް ކުރަން ބޭނުންނުވާ އިހުސާސެއް ކުރެވުނީ. އެ އަށް ފަހު އަހަރެމެން އޭޓީކޭ މޯހަން ބަގާން އަތުން ވެސް އޭރު ވީ ބަލި. އެ ކަންކަން މިހާރު ގޮސްފި. އެ ކަމުން އަހަރެމެންނަށް ފިލާވަޅެއް ވެސް ލިބުނު. މި ފަހަރުގެ މުބާރާތަށް ކުރިއަށް އޮތް މެޗަށް އޭގެއިން ކުރާނެ އަސަރެއް ނެތް. އެއީ މިހާރު މި އޮތީ އާ ކޯޗެއް އާ ޓީމެއް،" ޗެތުރީ ބުންޏެވެ.

އޭއެފްސީ ކަޕަށް އަމާޒުކޮށް އީގަލްސް އިން ގައުމީ ޓީމުގެ ސީނިއާ ކުޅުންތެރިންތަކެއް ގެނެސްފައިވާއިރު، ބެންގަލޫރުން ވެސް އާ ކުޅުންތެރިންތަކެއް ވަނީ ސޮއިކޮށްފަ އެވެ. މިހާރު އޮތްގޮތުން އީގަލްސް އާއި ބެންގަލޫރުގެ ތެރެއިން މޮޅުވުމުގެ ފުރުސަތު ދެ ޓީމަށް ވެސް އޮތީ ހަމަހަމަކޮށްތޯ ސުވާލުކުރުމުން ޗެތުރީ ބުނީ އީގަލްސްއާ ބެހޭ އެހާ ގިނަ މައުލޫމާތު ލިބިފައިނުވާ ކަމަށެވެ.

"އަހަންނަށް އީގަލްސްއާ ބެހޭ މާގިނަ މައުލޫމާތެއް އެ މީހުން ސޮއިކުރި ކުޅުންތެރިންނެއް ނޭނގޭ. އަހަރެމެންނަށް ލިބިފައި އޮތީ އެ ޓީމުގެ ވީޑިއޯތަކެއް. އަހަރެމެން މި ފޯކަސް ކުރަނީ އަމިއްލަ ޓީމަށް. މި ޓީމުގެ ފުރަތަމަ އެގާރަ އަށް އެރޭނެ ގޮތަކާ މެދު ވިސްނުން މި ވަގުތު ބޭނުމީ،" ޗެތުރީ ބުންޏެވެ.

މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން ޗެތުރީ.-

އޭއެފްސީ ކަޕްގައި ވާދަކުރަން ފެށި ފަހުން ރާއްޖޭގެ ޓީމުތަކާ ދެކޮޅަށް އެންމެ ފުރަތަމަ ކުޅުނު ހަތް މެޗުން ވެސް ބެންގަލޫރު ވަނީ މޮޅުވެފަ އެވެ. އެކަމަކު އެންމެ ފަހުން ކުޅުނު ތިން މެޗުން ވެސް ވަނީ ބަލިވެފަ އެވެ. އެއީ 2018 ވަނަ އަހަރުގެ ގްރޫޕް ސްޓޭޖުގައި ނިއު ރޭޑިއަންޓް އަތުންނާއި މިދިޔަ އަހަރުގެ މުބާރާތުގެ ކޮލިފައިން ޕްލޭއޮފްގެ ދެ ލެގުން މާޒިޔާ އަތުންނެވެ.

ޗެތުރީ ބުނީ ކުރިން ކުޅުނު މެޗުތަކުން ނުކުމެފައި ހުރި ނަތީޖާތަކުން އީގަލްސްއާ ދެކޮޅަށް ކުޅޭ މެޗަށް ކުރާނެ އެއްވެސް އަސަރެއް ނެތް ކަމަށެވެ.

"އަހަރެމެން ފުރަތަމަ ހަތް މެޗުން މޮޅުވި ވިސްނުމުގައި ވާހަކަ ދައްކާނަމަ އަށް ވަނަ މެޗުން ބަލިވާނެ ކަމަށް އުއްމީދެއް ނުކުރާނެ. އެކަމަކު އެހެންވީ. ދެން އީގަލްސް އާއި މާޒިޔާ އަކީ ކޮންމެ ހަފްތާ އަކު ކަހަލަ ގޮތަކަށް އަހަރެމެން ކުޅޭ ޓީމުތަކެއް ނޫން. އެހެންވީމަ ކުރިން ވެފައި ހުރި ގޮތެއް ބަލައިގެން ވަކިކަމެއް ވާނެއެކޭ ބުނަން އުނދަގޫވާނެ. މިއީ މުޅިން އާ މެޗެއް،" ޗެތުރީ ބުންޏެވެ.

ބެންގަލޫރު ވަނީ އޭއެފްސީ ކަޕްގެ ފައިނަލުގައި 2016 ވަަނަ އަހަރު ވާދަކޮށްފަ އެވެ. އެކަަމަކު އޭގެ ފަހުން އެ ލެވެލްގެ ކުޅުމެއް އެ ޓީމަށް ނުދެއްކެ އެވެ.

ޗެތުރީ ބުނީ އޭއެފްސީ ކަޕަށް ބެންގަލޫރުން ދޭ އަހައްމިއްޔަތުކަން ކުޑައެއްނުވާ ކަަމަށާއި މީގެ ދިމާވާ މައްސަލަ އަކީ ބެންގަލޫރުން ކުރިން ދައްކަމުން އައި ރަނގަޅު ކުޅުން ތަކުރާރު ނުކުރެވުން ކަމަށެވެ.

"އަހަންނަށް ނުބުނެވޭނެ މި ފަހަރުގެ އޭއެފްސީ ކަޕް ފައިނަލްގައި އަހަރެމެން ކުޅޭނަމެކޭ. އެކަމަކު ޔަގީނުން ވެސް އަހަރެމެން އީގަލްސް މެޗު ފެށިގެން މޮޅުވާން ކުރަން ޖެހޭ ހުރިހާ ކަމެއް ކުރާނަން،" ޗެތުރީ ބުންޏެވެ.

ބެންގަލޫރާއި އީގަލްސް ކުޅޭ މެޗު ފަށާނީ މާދަމާރޭ ރާއްޖެ ގަޑިން 8 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox