ޗެތުރީ އަލުން ގައުމީ ޓީމަށް ގެނައީ އެވަރުގެ ފޯވާޑެއް މި ވަގުތު ވެސް ލިބެން ނެތީމަ

Mar 11, 2025, 3:09 AM
ޗެތުރީ އަލުން ގައުމީ ޓީމަށް ގެނައީ އެވަރުގެ ފޯވާޑެއް މި ވަގުތު ވެސް ލިބެން ނެތީމަ

ގޯއާ، އިންޑިއާ (މާޗް 11) - އުމުރުން 40 އަހަރުގެ ސުނިލް ޗެތުރީގެ ރިޓަޔަމަންޓް އުވާލައި، އޭނާ އަލުން އިންޑިއާގެ ގައުމީ ފުޓްބޯޅަ ޓީމު އަލުން ގެންނަން ނިންމީ އެ ވަރުގެ ފޯވާޑެއް މި ވަގުތަށް ބެލިޔަސް އިންޑިއާގައި ނެތުމުން ކަމަށް އިންޑިއާގެ ކޯޗު މަނޯލޯ މާކުއޭޒް ބުނެފި އެވެ.

މިދިޔަ އަހަރުގެ ޖޫން މަހު، އިންޑިއާ ޓީމުން ރިޓަޔާކުރި، ޗެތުރީ ވަނީ މި މަހު އިންޑިއާ އިން ކުޅޭ ދެ މެޗަށް ނެގި ސްކޮޑަށް ނަގައިފަ އެވެ. އެއީ، މި މަހު 19 ވަނަ ދުވަހު އެކުވެރިކަމުގެ މެޗެއްގައި ރާއްޖެއާ ދެކޮޅަށާއި މި މަހު 25 ވަނަ ދުވަހު އޭޝިއަން ކަޕް ކޮލިފައިންގައި ބަންގްލަދޭޝާ ކުޅޭ މެޗަށް ނެގި ސްކޮޑަށެވެ.

ޗެތުރީ އަލުން އިންޑިއާ ޓީމަށް ނެގުމުން މީޑިއާ އާއި ސަޕޯޓަރުންގެ މެދުގައި ހިޔާލު އޮތީ ދެކަފިވެފަ އެވެ. ބައެއް ފަރާތްތަކުން ދެކޭގޮތުގައި، ޕްރެޝަރު ހާލަތްތަކުގައި ޒުވާން ކުޅުންތެރިން ބޭނުންކޮށްގެން ނޫން ގޮތަކަށް ދެން އިތުރު ކުޅުންތެރިންތަކެއް ޗެތުރީގެ ލެވަލަށް ނުގެންދެވޭނެ އެވެ. އެހެންކަމުން، ކޮންމެ ފަހަރަކު ޗެތުރީ މި ގޮތަށް ގެންނަން ވެއްޖެނަމަ، ގެއްލެނީ އަރަމުން އަންނަ ކުޅުންތެރިންނަށް ފުރުސަތު ކަމަށް ގިނަ ސަޕޯޓަރުންތަކެއް އަންނަނީ ޝުއޫރުފާޅުކުރަމުންނެވެ. އަނެއްކޮޅުން، ބައެއް ސަޕޯޓަރުންނާއި މީޑިއާތަކުން ދެކޭގޮތުގައި އިންޑިއާ ފުޓްބޯޅަ އަށް ނަތީޖާ ނެރެން ޖެހިފައިވާ ދަނޑިވަޅެއްގައި ޗެތުރީގެ ބޭނުންހިފުމަކީ، ރަނގަޅު ކަމެއް ކަމަށެެވެ،

"އަހަރެން ތިއަށް ބުނަން އޮތީ، ޗެތުރީ އަކީ މި ވަގުތަށް ބެލިޔަސް އިންޑިއާގައި ހުރި އެންމެ މޮޅު ފޯވާޑް. ގައުމީ ޓީމަށް އަލުން އޭނަ ގެންނަން ޖެހުނީ މި ވަގުތު ވެސް އިންޑިއާގެ ކުޅުންތެރިންނަށް ބަލާއިރު އެންމެ ސްކޯރިން އާއި މަސައްކަތަށް ބެލިޔަސް އެންމެ ރަނގަޅީ ޗެތުރީ،" ޗެތުރީ ޓީމަށް ނެގުމާ ބެހޭގޮތުން އަމާޒުވަމުން އަންނަ ފާޑުކިޔުންތަކާ ގުޅޭގޮތުން، މާކުއޭޒް ބުންޏެވެ.

އޭނާ ބުނީ އޭޝިއަން ކަޕަށް ކޮލިފައިވާން އިންޑިއާ އިން ނަތީޖާ ނެރެން ޖެހޭ ކަމަށާއި އެކަން ކުރަން ބޭނުންތެރި ކޮންމެ ނިންމުމެއް ވެސް ނިންމާނެ ކަމަށެވެ.

ޗެތުރީ، އިންޑިއާ ގައުމަށް ކުޅުން ހުއްޓާލިއިރު، 146 މެޗުން 94 ލަނޑު ޖެހި އެވެ. ޗެތުރީ އަކީ ދުނިޔޭގެ ފުޓްބޯޅަ އަށް ބަލާއިރު، ގައުމީ ޓީމަށް ހަތަރު ވަނަ އަށް އެންމެ ގިނަ ލަނޑު ޖެހި ކުޅުންތެރިޔާ އެވެ. ޗެތުރީ އަށް ވުރެ ގިނައިން ގައުމީ ޓީމަށް ލަނޑު ޖެހީ، އީރާންގެ ލެޖެންޑް އަލީ ދާއީގެ އިތުރުުން، ޕޯޗުގަލްގެ ތަރި ކްރިސްޓިއާނޯ ރޮނާލްޑޯ އާއި އާޖެންޓީނާގެ ތަރި، ލިއޮނަލް މެސީ އެވެ.

މި ވަގުތު އިންޑިއަން ސުޕަ ލީގަށް ބަލާއިރު، އެންމެ ގިނަ ގޯލު ޖެހި އިންޑިއާ ކުޅުންތެރިއަކީ ޗެތުރީ އެވެ. ޗެތުރީ ވަނީ، 23 މެޗުން 12 ގޯލު ޖަހައިފަ އެެވެ. އޭގެ ތެރޭގައި، ކެރަލާ ކޮޅަށް ހެދި ހެޓްރިކް ވެސް ހިމެނެ އެވެ.

އިންޑިއާގެ ފިރިހެން ފުޓްބޯޅަ ޓީމަށް މިދިޔަ އަހަރަކީ އެންމެ ރަނގަޅު އަހަރެއް ނޫނެވެ. އެ ޓީމުން ކުޅުނު، 11 މެޗުގެ ތެރެއިން މޮޅެއް ލިބިފައިނުވެ އެވެ. ފަސް މެޗުން އެއްވަރުވިއިރު، ހަ މެޗުން ވަނީ ބަލިވެފަ އެވެ. މިއީ 2014 ވަަަނަ އަހަރަށް ފަހު، ކަލަންޑަރު އަހަރެއްގައި، އިންޑިއާ އަށް މޮޅެއް ނުލިބި ނިންމާލަން ޖެހުނު ފުރަތަމަ އަހަރެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox