ޕްރޮޓޮކޯލާ ހިލާފުވި ކުޅުންތެރިން ނުލައި ބެންގަލޫރު އަލުން ރާއްޖެ އަށް

ޕްރޮޓޮކޯލާ ހިލާފުވި ޕާޓަލޫ: އޭނާ އަދިވެސް ބެންގަލޫރުގެ ކޮންޓްރެކްޓްގައި ހުރި ނަމަވެސް ޓީމާ އެކު ފަރިތަކުރުމުގެ ފުރުސަތު ވެސް ނުލިބޭ.-- އަދަދު ގްރެފިކްސް: އަހުމަދު އިހުސާން (އަރަކަ)

ޕްރޮޓޮކޯލާ ހިލާފުވި ޕާޓަލޫ: އޭނާ އަދިވެސް ބެންގަލޫރުގެ ކޮންޓްރެކްޓްގައި ހުރި ނަމަވެސް ޓީމާ އެކު ފަރިތަކުރުމުގެ ފުރުސަތު ވެސް ނުލިބޭ.-- އަދަދު ގްރެފިކްސް: އަހުމަދު އިހުސާން (އަރަކަ)

އޭއެފްސީ ކަޕްގެ ދެކުނު އޭޝިއާގެ ގްރޫޕް އަށް ވަންނަން ކުޅެން ޖެހޭ ޕްލޭއޮފް މެޗަށް އިއްޔެ އިންޑިއާގެ ބެންގަލޫރު އެފްސީ މާލެ އަތުވިއިރު، މިދިޔަ މެއި މަހު އެ ޓީމުން މާލޭގައި ތިބިއިރު، ޕްރޮޓޮކޯލާ ހިލާފުވި އެއްވެސް ކުޅުންތެރިއަކު ނުގެނެ އެވެ.

ބެންގަލޫރުން މިދިޔަ މެއި މަހު ހަތް ވަނަ ދުވަހު އޭއެފްސީ ކަޕްގައި އީގަލްސްއާ ކުޅޭ މެޗަށް ރާއްޖެ އައީ ވަރަށް ބޮޑަށް ރައްކާތެރިކަމުގެ ފިޔަަވަޅުތަކަށް ސަމާލުކަން ދީގެންނެވެ. އެކަމަކު، މާލެ އައިސް ހޮޓެލް ޖެންގައި ތިބިއިރު ބެންގަލޫރުގެ ދެ ކުޅުންތެރިން ކަމަށްވާ އޮސްޓްރޭލިއާގެ މިޑްފީލްޑަރު އެރިކް ޕާޓަލޫ އާއި ސްޕެއިން ޑިފެންޑަރު ހުއާނާން އަދި ގޯލްކީޕަރު ކޯޗު ހުލެން އެސްނައޯލާ ވަނީ ޕްރޮޓޮކޯލް މުގުރާލައި މަގު މައްޗަށް ނުކުމެފަ އެވެ.

ކޮވިޑް-19 އިން ރައްކާތެރިވުމަށް އޭއެފްސީއާ ގުޅިގެން ހަދާފައިވާ ޕްރޮޓޮކޯލްގައިވާ ގޮތުން އޭއެފްސީ ކަޕްގެ މުއްދަތުގެ ތެރޭގައި ޓީމުގެ ކުޅުންތެރިންނާއި އޮފިޝަލުންނަށް ބޭރަށް ނުކުމެވޭނީ ހަަމައެކަނި ޕްރެކްޓިހާއި މެޗަށް އެކަންޏެވެ. އެކަމަކު، ބެންގަލޫރުން ޕްރޮޓޮކޯލާ ހިލާފުވުމުން ޔޫތު މިނިސްޓަރު އަހުމަދު މަހުލޫފް ވަނީ ބެންގަލޫރަށް ދެން ރާއްޖޭގައި މަޑުނުކުރެވޭނެ ކަމަށާއި އެ ޓީމު ރާއްޖެ ދޫކޮށްދާން އަންގައިފަ އެވެ. އެހެންވެ، އޭރު މެޗުތައް ނުކުޅެވި، މާލީ ގޮތުން އެތައް ބުރައެއް ޓީމުތައް އުފަލަން ޖެހޭ ގޮތަށް މެޗުތައް ޖެހުނީ ފަސްކުރާށެވެ. އެ މެޗުތައް ތާވަލުކުރީ މި މަހު ތެރޭގައި މާލޭގައި ކުޅޭ ގޮތަށެވެ. އެއީ އަލުން ބިޑަށް ހުޅުވާލައިގެން ރާއްޖޭން އަނެއްކާ ވެސް ބިޑް ކާމިޔާބު ކުރުމުންނެވެ.

ޕްރޮޓޮކޯލާ ހިލާފުވި ފަރާތްތަކަށް އަދަބުދޭނެ ކަމަށް އެ ކްލަބުގެ ސީއީއޯ ޕާތު ޖިންދާލް ވަނީ އޭރު ވިދާޅުވެފަ އެވެ.

މިދިޔަ މަހު އޭއެފްސީ ކަޕަށް ބެންގަލޫރުން ޓީމު އެކުލަވާލާ ޕްރެކްޓިސް ފެށިއިރު ވަނީ ރާއްޖޭގައި ޕްރޮޓޮކޯލް މުގުރާލި ތިން މީހުން ވެސް ޓީމާ ދުރުކޮށްފަ އެވެ. ރަސްމީކޮށް ހުއާނާން ވަނީ ބެންގަލޫރުގެ ކޮންޓްރެކްޓް އުވާލައި ހައިދްރަބާދު އެފްސީއާ ގުޅިފަ އެވެ. ގޯލްކީޕަރު ކޯޗަކަށް އެސްނައޯލާގެ ބަދަލުގައި ބެންގަލޫރުން ވަނީ ސްޓެފަން ޓޫނަން ހަމަޖައްސައިފަ އެވެ. އަދި ޕާޓަލޫގެ ކޮންޓްރެކްޓް ޓީމުގައި އޮތް ނަމަވެސް އަދިވެސް ކްލަބާ އެކު ފަރިތަކުރުމުގެ ފުރުސަތު އޭނާ އަށް ނުދެ އެވެ. އެކަމާ އޮސްޓްރޭލިއާގެ ޕްރޮފެޝަނަލް ފުޓްބޯލް އެސޯސިއޭޝަނުން ވަނީ ކަންބޮޑުވުން ފާޅުކޮށްފަ އެވެ.

އިންޑިއާގެ މީޑިއާ ރިޕޯޓްތައް ބުނާގޮތުން ބެންގަލޫރުގެ ވިސްނުމަކީ ހުއާނާން އާއި އެސްނައޯލާ ދޫކޮށްލި ގޮތަށް ޕާޓަލޫ ވެސް ޓީމުން ދޫކޮށްލާށެވެ. އެއީ އޭއެފްސީ ކަޕްގެ ޕްރޮޓޮކޯލް އެ މީހުންނަށް ވިސްނައިދީފައި ވަނިކޮށް ހިލާފުވެ، މާލޭގައި މަގު މައްޗަށް ނުކުތުމުންނެވެ.

އާ ޓްރާންސްފާތަކާ އެކު ބެންގަލޫރުގެ ވަރުގަދަ ޓީމެއް

ބެންގަލޫރުން ވަނީ އޭއެފްސީ ކަޕާ ދިމާކޮށް ޓީމަށް އާ ކުޅުންތެރިންތަކެއް ހޯދައިފަ އެވެ. އޭގެ އިތުރުން ޓީމުގެ ކެޕްޓަން ސުނިލް ޗެތުރީ ވަނީ ކޮންޓްރެކްޓް އާ ކޮށްފަ އެވެ.

ބެންގަލޫރަށް ސޮއިކޮށްފައިވާ ކުޅުންތެރިންނަކީ ކޮންގޯ ގައުމީ ޓީމުގެ ފޯވާޑް ޕްރިންސް އިބަރާ، ކުރިން ޗެންނާއީން އާއި މޯހަން ބަގާން އަށް ކުޅުނު މިޑްފީލްޑަރު ޖަޔޭޝް ރާނޭ، ބްރެޒިލް ލީގުން ގެނައި ޑިފެންޑަރު އެލަން ކޮސްޓާ، މިދިޔަ ސީޒަނުގައި އައި ލީގުގެ އެންމެ ގިނަ ގޯލު ޖެހި ފޯވާޑް އުމުރުން 23 އަހަރުގެ ބިދްޔާޝަގަރު ސިންހް، އީސްޓް ބެންގޯލުން އައި ކަނާތު ބެކް ސާތަކް ގޯލުއީ އާއި ފޯވާޑް ހަމަންޕްރީތު ސިންހް، ރިއަލް ކަޝްމީރު ޓީމުން ގެނައި ދާނިޝް ފާރޫގް އަދި ކެރަލާ ބްލާސްޓާސް އިން ސޮއިކުރި ޑިފެންސިވް މިޑްފީލްޑަރު ރޯހިތު ކުމާރް އެވެ.

ރާއްޖެ އަށް އިއްޔެ އައި ބެންގަލޫރު ޓީމުގައި ހިމެނެނީ 29 ކުޅުންތެރިންނެވެ. އޭގެ ތެރޭގައި އެ ޓީމަށް އަލަށް ސޮއިކުރި ހަތް ކުޅުންތެރިންގެ އިތުރުން ބެންގަލޫރު ޔޫތު ޓީމުން ޕްރޮމޯޓްވި ހަތަރު ކުޅުންތެރިން ހިމެނެ އެވެ.

ބެންގަލޫރުގެ ކޯޗަކީ ޖަރުމަނުގެ މާކޯ ޕެޒޯލީ އެވެ. ތިން އަހަރުގެ ކޮންޓްރެކްޓެއްގައި ސޮއިކުރި ޕެޒޯލީގެ އިރުޝާދުގެ ދަށުން އެ ޓީމުން ކުޅުނު ހަމައެކަނި ރަަސްމީ މެޗަކީ އޭއެފްސީ ކަޕްގެ ޕްރިލިމިނަރީ ބުރުގައި ނޭޕާލްގެ އާމީ ކްލަބާ ދެކޮޅަށް ކުޅުނު މެޗެވެ. އެ މެޗުން ވަނީ 5-0 އިން މޮޅުވެފަ އެވެ.

ބެންގަލޫރުން އޭއެފްސީ ކަޕްގައި މިހާތަނަށް ރާއްޖޭގެ ތިން ކްލަބަކާ ދެކޮޅަށް ޖުމްލަ 10 މެޗު ކުޅެފައިވެ އެވެ. އެއީ މާޒިޔާއާ ދެކޮޅަށް ހަ މެޗާއި ނިއުއާ ދެކޮޅަށް ދެ މެޗާއި ޓީސީ ސްޕޯޓްސް ކްލަބާ ދެކޮޅަށް ދެ މެޗެވެ.

ރާއްޖޭގެ ޓީމުތަކާ ދެކޮޅަށް އެންމެ ފުރަތަމަ ކުޅުނު ހަތް މެޗުން ވެސް ބެންގަލޫރު އޮތީ ފުރިހަމަ ރެކޯޑަކާ އެކު އެވެ. އެކަމަކު އެންމެ ފަހުން ކުޅުނު ތިން މެޗުން ވެސް ވަނީ ބަލިވެފަ އެވެ. އެއީ 2018 ވަނަ އަހަރުގެ ގްރޫޕް ސްޓޭޖުގައި ނިއު އަތުންނާއި މިދިޔަ އަހަރުގެ މުބާރާތުގެ ކޮލިފައިން ޕްލޭއޮފްގެ ދެ ލެގުން މާޒިޔާ އަތުންނެވެ.

އީގަލްސް އާއި ބެންގަލޫރު ކުޅޭ މެޗު އޮންނާނީ އަންނަ އާދިއްތަ ދުވަހުގެރޭގަ އެވެ. އެ މެޗުން މޮޅުވާ ޓީމަކަށް އޭއެފްސީ ކަޕްގެ ދެކުނު އޭޝިއާގެ ގްރޫޕްގެ ފަހު ޖާގަ ލިބޭނެ އެވެ. އެ ގްރޫޕްގައި މި ވަގުތު އޮތީ ރާއްޖޭގެ ޗެމްޕިއަން މާޒިޔާ، އިންޑިއަން ސުޕަ ލީގުގެ އޭޓީކޭ މޯހަން ބަގާން އަދި ބަންގްލަދޭޝްގެ ޗެމްޕިއަންކަން މި ސީޒަނުގައި ވެސް ހޯދި ބަޝުންދުރާ ކިންގްސް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox