އޭއެފްސީ ކަޕްގެ ގްރޫޕް ސްޓޭޖަށް ވަންނަން ބެންގަލޫރު ވަރުގަދަ ކުރަނީ

މިިދިޔަ މެއި މަހު ބެންގަލޫރުން ހެންވޭރު ދަނޑުގައި ބޭއްވި ޕްރެކްޓިހުގެ ތެރެއިން.-- ފޮޓޯ: ބެންގަލޫރު

މިިދިޔަ މެއި މަހު ބެންގަލޫރުން ހެންވޭރު ދަނޑުގައި ބޭއްވި ޕްރެކްޓިހުގެ ތެރެއިން.-- ފޮޓޯ: ބެންގަލޫރު

އޭއެފްސީ ކަޕްގެ ކޮލިފައިން ޕްލޭއޮފްގައި ރާއްޖޭގެ ކްލަބް އީގަލްސްގެ މައްޗަށް ކުރިހޯދައި އިންޑިއާގެ ބެންގަލޫރު މުބާރާތުގެ ގްރޫޕް ސްޓޭޖަށް ވަނުމުގެ އަމާޒުގައި މިހާތަނަށް ގިނަ ކުޅުންތެރިންތަކެއްގެ ސޮއި ހޯދައިފި އެވެ.

އޭއެފްސީ ކަޕުގެ ޕްލޭއޮފުގައި އީގަލްސް އާއި އިންޑިއާގެ ބެންގަލޫރު އެފްސީގެ މެޗު އޮންނާނީ އަންނަ މަހުގެ 15 ވަނަ ދުވަހު މާލޭގަ އެވެ. އެ މެޗުން މޮޅުވާ ޓީމަކަށް ދެކުނު އޭޝިއާ ގްރޫޕުގެ ފަހު ޖާގަ ލިބޭނެ އެވެ. ދެކުނު އޭޝިއާގެ ގްރޫޕްގައި މި ވަގުތު އޮތީ ރާއްޖޭގެ ޗެމްޕިއަން މާޒިޔާ، ބަންގްލަދޭޝްގެ ޗެމްޕިއަން ބަޝުންދުރާ ކިންގްސް އަދި އިންޑިއާގެ އޭޓީކޭ މޯހަން ބަގާން އެވެ. ގްރޫޕް ސްޓޭޖުގެ މެޗުތައް އޮންނާނީ އަންނަ މަހުގެ 18، 21 އަދި 24 ވަނަ ދުވަހު މާލޭގަ އެވެ.

ބެންގަލޫރު އެންމެ ފަހުން އޭއެފްސީ ކަޕްގައި ވާދަކުރި ފަހަރު ރާއްޖޭގެ މާޒިޔާ އަތުން ޕްލޭއޮފް ބުރުގައި ވަނީ ކަޓައިފަ އެވެ. އެއީ އިންޑިއާގެ މީޑިއާގައި އެ ޓީމަށް ވަރަށް ބޮޑެތި ފާޑުކިޔުންތަކެއް އަމާޒުވި ސަބަބެކެވެ. އެހެންވެ، މި ފަހަރުގެ އޭއެފްސީ ކަޕްގައި ރަނގަޅު ހިސާބަކަށް ދިއުމަކީ އެ ޓީމުގެ ވަރަށް ބޮޑު ޓާގެޓެކެވެ.

އޭއެފްސީ ކަޕްގައި ވާދަކުރަން ބެންގަލޫރުން މިހާތަނަށް ސޮއިކޮށްފައިވާ ކުޅުންތެރިންނަކީ ކޮންގޯ ގައުމީ ޓީމުގެ ފޯވާޑް ޕްރިންސް އިބަރާ، ކުރިން ޗެންނާއީން އާއި މޯހަން ބަގާން އަށް ކުޅުނު މިޑްފީލްޑަރު ޖަޔޭޝް ރާނޭ، ބްރެޒިލް ލީގުން ގެނައި ޑިފެންޑަރު އެލަން ކޮސްޓާ، މިދިޔަ ސީޒަނުގައި އައި ލީގުގެ އެންމެ ގިނަ ގޯލު ޖެހި ފޯވާޑް އުމުރުން 23 އަހަރުގެ ބިދްޔާޝަގަރު ސިންހް، އީސްޓް ބެންގޯލުން އައި ކަނާތު ބެކް ސާތަކް ގޯލުއީ އާއި ފޯވާޑް ހަމަންޕްރީތު ސިންހް، ރިއަލް ކަޝްމީރު ޓީމުން ގެނައި ދާނިޝް ފާރޫގް އަދި ކެރަލާ ބްލާސްޓާސް އިން ސޮއިކުރި ޑިފެންސިވް މިޑްފީލްޑަރު ރޯހިތު ކުމާރް އެވެ.

ބެންގަލޫރަށް ސޮއިިކުރި މިދިޔަ ސީޒަނުގައި އައި ލީގުގެ އެންމެ ގިނަ ގޯލު ޖެހި ފޯވާޑް ބިދްޔާޝަގަރު ސިންހް.

ބެންގަލޫރު ދޫކޮށްދިޔައީ ސްޕެއިނުގެ ޑިފެންޑަރު ހުއާނަން، މިޑްފީލްޑަރު ހަރްމަންޖޯތު ކަބްރާ އަދި ޖޯ ޒޯހަރްލިއާނާ އެވެ.

ޕާޓަލޫ އާއި ބެންގަލޫރާ ދެމެދު ދެބަސްވުންތަކެއް؟

މިދިޔަ އަހަރުތަކުގައި ބެންގަލޫރު މެދުތެރޭގައި މޮޅު ކުޅުމެއް ދެއްކި އޮސްޓްރޭލިއާގެ މިޑްފީލްޑަރު އެރިކް ޕާޓަލޫ އާއި ބެންގަލޫރު މެނޭޖްމަންޓާ ދެމެދު ވަނީ ހިޔާލުތަފާތުވުންތަކެއް އުފެދިފަ އެވެ.

ރާއްޖޭގައި މިދިޔަ މެއި މަހު އޭއެފްސީ ކަޕްގެ މެޗުތައް ހޯސްޓްކުރަން ނިންމައި ބެންގަލޫރުން ޕްލޭއޮފް މެޗަށް މާލެ އައިސް ތިބިއިރު، ޕްރޮޓޮކޯލާ ހިލާފުވީ ހޮޓަލުން ބޭރަށް ނުކުމެގެންނެވެ. ޕްރޮޓޮކޯލްގައިވާ ގޮތުން ބޭރަށް ނުކުމެވޭނީ ހަމައެކަނި މެޗަށް ނޫނީ ޓްރެއިިނިން އަށް އެކަންޏެވެ. އެކަމަކު ބެންގަލޫރު ޓީމުން ހޮޓަލުން ބޭރަށް ނުކުމެ މާލޭ މަގުމަތީގައި އުޅުނު މީހުންގެ ތެރޭގައި ޕާޓަލޫ ހިމެނެ އެވެ. ބެންގަލޫރުން ޕްރޮޓޮކޯލް މުގުރާލުމުން ރާއްޖޭގައި މެޗު ނުކުޅެވޭނެ ކަމަށް ޔޫތު މިނިސްޓަރު މަހުލޫފު ވަގުތުން އެންގި އެވެ.

ކުޅުންތެރިންނާއި އޮފިޝަލުން ޕްރޮޓޮކޯލާ ހިލާފުވި މައްސަލައިގައި މައާފަށް އެދޭ ކަމަށާއި އެ ކުޅުންތެރިންނާ މެދު ހަރުކަށި ފިޔަވަޅު އަޅާނެ ކަމަށް އެ ކްލަބުގެ ސީއީއޯ ޕާތު ޖިންދާލް ވަނީ އޭރު ވިދާޅުވެފަ އެވެ.

އޭއެފްސީ ކަޕަށް ތައްޔާރުވާން ބެންގަލޫރުން މި މަހު ޕްރެކްޓިސްތައް ފެށިއިރު، ޕާޓަލޫ އަށް އަންގާފައެއް ނުވެ އެވެ. އެކަމާ ހިތްހަމަނުޖެހުން ފާޅުކޮށް ޕާޓަލޫގެ ފަރާތުން ޕްރޮފެޝަނަލް ފުޓްބޯލާސް އޮސްޓްރޭލިއާ އިން ވަނީ ބަޔާނެއް ނެރެފަ އެވެ.

އެ ބަޔާނުގައި ބުނެފައިވަނީ ކޮންޓްރެކްޓެއް އޮތް ނަމަވެސް ޕާޓަލޫ އަށް އަލުން ބެންގަލޫރު ޓީމާ ގުޅުމުގެ ފުރުސަތު އަދި ކްލަބުން ތަނަވަސްކޮށްނުދޭ ކަމަށެވެ. އަދި ޕްރީ ސީޒަން ޕްރެކްޓިހާ ގުޅެން ޕާޓަލޫ ދެކޮޅު ހަދާކަމަށް ދެކެވޭ ވާހަކަތަކުގައި އެއްވެސް ހަގީގަތެއް ނެތް ކަމަށް އެ ބަޔާނުގައި ބުނެފައިވެ އެވެ.

ޕްރޮފެޝަނަލް ފުޓްބޯލާސް އޮސްޓްރޭލިއާގެ ބަޔާނާ ބެހޭގޮތުން ބެންގަލޫރުން އަދި ރަސްމީކޮށް ބަހެއް ނުބުނެ އެވެ.

ބެންގަލޫރު ކައިރިން ކާމިޔާބު ހޯދައި އީގަލްސް އިން ވެސް ގްރޫޕް ސްޓޭޖަށް ވަނުމުގެ އަމާޒުގައި އަންނަނީ ޓީމަށް ބަދަލުތަކެއް ގެންނަމުންނެވެ. އެ ގޮތުން އޭއެފްސީ ކަޕާ ދިމާކޮށް އީގަލްސް އިން ވަނީ އަލީ އަޝްފާގު (ދަގަނޑޭ)، މުހައްމަދު އާރިފް (ބަކާ)، އިސްމާއިލް އީސާ (މެސީ)، މުހައްމަދު ފައިސަލް، އަކުރަމް އަބްދުލް ގަނީ (އަކޫ) އަދި އަހުމަދު ހަސަން (އައްމަޑޭ) ގެނެސްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox