ފީނުމާއި މޫދު ކުޅިވަރުތަކަށް ހާއްސަ ބިގް އޯޝަން ޝޯ ދިވެހި އެގްޒިބިޓަރުންނަށް ހުޅުވައިފި

ބިގް އޯޝަން ޝޯ ޕްރޮމޯޝަނަލް ޕޯސްޓަރު: މިއީ ރަޝިއާގެ މޮސްކޯގައި އޮންނަ މޫދު ކުޅިވަރަށް ހާއްސަ އެކްސްޕޯއެއް -- ފޮޓޯ: ބިގް އޯޝަން ޝޯ

ބިގް އޯޝަން ޝޯ ޕްރޮމޯޝަނަލް ޕޯސްޓަރު: މިއީ ރަޝިއާގެ މޮސްކޯގައި އޮންނަ މޫދު ކުޅިވަރަށް ހާއްސަ އެކްސްޕޯއެއް -- ފޮޓޯ: ބިގް އޯޝަން ޝޯ

ފީނުމާއި މޫދު ކުޅިވަރުގެ ހަރަކާތްތަކަށް ހާއްސަކޮށްގެން ރަޝިއާގެ މޮސްކޯގައި ބާއްވާ ބިގް އޯޝަން ޝޯގައި ޓޫރިޒަމް ވިޔަފާރީގައި ހަރަކާތްތެރިވާ ދިވެހި އެގްޒިބިޓަރުން ބައިވެރިވާން ހުޅުވާލައިފި އެވެ.

ބިގް އޯޝަން ޝޯއަކީ މޫދު ކުޅިވަރު ސިނާއަތުގައި ހަރަކާތްތެރިވާ ވިޔަފާރިތަކަށް އެއްފުރާޅެއްގެ ދަށުން މައުލޫމާތު ބަދަލުކުރުމާއި މޫދު ކުޅިވަރަށް ހާއްސަކޮށް ފީނުމަށް ޒުވާނުންނާއި ކުޑަކުދިންގެ މެދުގައި ލޯބި ޖެއްސުމަށް ހިންގާ އިވެންޓެކެވެ.

ސެޕްޓެމްބަރު 2 އިން ފެށިގެން ހަތަރު ދުވަހުގެ މުއްދަތަށް ކުރިޔަށްދާ މި ޝޯގައި 12 ގައުމަކުން 130 އަށް ވުރެ ގިނަ އެގްޒިބިޓަރުން ބައިވެރިވާނެ އެވެ. އެކްސްޕޯއަކާއި ގިނަ ކޮމްޕޯނަންޓްތަކެއް ހިމެނޭ ގޮތަށް ކުރިޔަށްދާ މި ޝޯ އޮންނާނީ މޮސްކޯގެ ޕެވިލިއަން 55، ވީޑީއެންކޭއެޗް ގައެވެ.

Advertisement
ބިގް އޯޝަން ޝޯގެ އިވެންޓް ޕްލޭން --
ބިގް އޯޝަން ޝޯގެ އިވެންޓް ޕްލޭން --

ބިގް އޯޝަން ޝޯގެ އިވެންޓް ޕްލޭން --

ބިގް އޯޝަން ފެސްޓިވަލް ދިވެހި ވިޔަފާރިތަކަށް ހުޅުވާލުމާ ގުޅޭގޮތުން މި ފެސްޓިވަލްގެ ޕްރޮޖެކްޓް މެނޭޖާ މުހައްމަދު އިސްމާއިލް (މޮކްސް) ވިދާޅުވީ، މިއީ ދިވެހި ވިޔަފާރިތަކަށް ލިބޭ ރަނުގެ ފުރުސަތަކަށް ވާނެ ކަމަށެވެ. އެގޮތުން މޫދު ކުޅިވަރުގައި ހަރަކާތްތެރިވާ ވިޔަފާރިތަކުގެ އިތުރުން ޓޫރިޒަމްގެ ކޮންމެ ހަރަކާތެއްގައި އުޅޭ ވިޔަފާރިތަކަށް ވެސް މި ފެސްޓިވަލްގައި ބައިވެރިވާން އޭނާ ދައުވަތު އެރުވި އެވެ.

"މި ޝޯގައި މޫދު ކުޅިވަރުގެ ޓޮޕް ގައުމުތަކުން އެގްޒިބިޓަރުން ބައިވެރިވޭ. މިއީ ރާއްޖޭގެ ޑައިވިން އަދި ވޯޓާ ސްޕޯޓްސް އިންޑަސްޓްރީގެ އިތުރުން ޓޫރިޒަމްގައި އުޅޭ ހުރިހާ ދިވެހި ވިޔަފާރިތަކަށް ރަނުގެ ފުރުސަތެއް" މޮކްސް ވިދާޅުވި އެވެ.

ބިގް އޯޝަން ޝޯގައި އެގްޒިބިޓަރުން ދައްކަން ޖެހޭ އަގުތައް --
ބިގް އޯޝަން ޝޯގައި އެގްޒިބިޓަރުން ދައްކަން ޖެހޭ އަގުތައް --

ބިގް އޯޝަން ޝޯގައި އެގްޒިބިޓަރުން ދައްކަން ޖެހޭ އަގުތައް --

މި ފެސްޓިވަލްގެ މޭޒެއްގެ އަގު ފެށެނީ 864 ޑޮލަރަށެވެ. އިތުރު މައުލޫމާތު ބިގް އޯޝަން ޝޯގެ ވެބްސައިޓުން ލިބޭނެ އެވެ.

ގާތްގަނޑަކަށް 20،000 މީހުން ޒިޔާރަތްކުރާނެ ކަމަށް ބެލެވޭ މި ފެސްޓިވަލްގައި ޑައިވަރުންނާއި، ފްރީ ޑައިވަރުންނާއި، ވޯޓާ ސްޕޯޓްސް ޕްރޮފެޝަނަލްސްގެ އިތުރުން މޫދަށް ޝައުގުވެރިކަން ހުންނަ ކޮންމެ ފަރާތަކަށް ހާއްސަ ހަރަކާތްތަކެއް ވަނީ ރޭވިފަ އެވެ.

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox