މިއީ ކޮލިފައިން ބުރެއް ފަަހަނައަޅައި އޮސްްޓްރިއާ އިން ޔޫރޯގައި ކުޅޭނެ ދެ ވަނަ ފަހަރެވެ. އެ ޓީމުން އަލަށް ޔޫރޯ ކުޅުނީ 2008 ވަނަ އަަހަރު އެވެ. އެ ފަހަރު މުބާރާތް ހޯސްޓްކުރި ދެ ގައުމުގެ ތެރެއިން އެއް ގައުމަކީ އޮސްޓްރިއާ އެވެ.. އޮސްޓްރިއާގެ އިތުރުން ދެން އެ ފަހަރު މުބާރާތް ބޭއްވީ ސްވިޒަލެންޑްގަ އެވެ. އެ ޓީމުން ކޮލިފައިން ބުރަކުން ހޮވިގެން ފުރަތަމަ ފަަަހަރަށް ޔޫރޯގައި ކުޅުނީ 2016 ވަަނަ އަހަރު އެވެ. އެ ފަަހަރުގެ މުބާރާތުން ވެސް ކެޓީ ގްރޫޕް ސްޓޭޖުންނެވެ. އޮސްޓްރިއާ އެންމެ ފަހުން ބޮޑު މުބާރާތެއްގެ މެޗަކުން މޮޅުވީ މީގެ 30 އަހަރު ކުރިންނެވެ. އެއީ 1990 ވަނަ އަހަރުގެ ވޯލްޑް ކަޕްގައި އެމެރިކާ އަތުންނެވެ
އޮސްޓްރިއާ އިން މި ފަހަރުގެ ޔޫރޯ އަށް ކޮލިފައިވީ ގްރޫޕްގެ ދެ ވަަނަ ޓީމުގެ ގޮތުގައި ޕޮލެންޑް ފަހަތުން ނިންމައިގެންނެވެ. ކޮލިފައިންގައި އޮސްޓްރިއާ ކުޅުނު 10 މެޗުގެ ތެރެއިން އެ ޓީމު ވަނީ ހަ މެޗުން މޮޅުވެފަ އެވެ. ތިން މެޗުން ބަލިވިއިރު، އެއް މެޗު ނިމުނީ އެއްވަރުވެގެންނެވެ.. ކޮލިފައިންގައި އެ ޓީމަށް އެންމެ ގިނަ ގޯލު ޖަހައިިދިނީ ޖުމްލަ ހަ ގޯލު ކާމިޔާބުކުރި ފޯވާޑް މާކޯ އާނައުޓޮވިޗް އެވެ.
އޮސްޓްރިއާ ޓީމުގައި ހިމެނޭ ފާހަގަކޮށްލެވޭ ކުޅުންތެރިންނަށް ބަލާއިރު، އެ ޓީމުގެ ކެޕްޓަން ޑޭވިޑް އަލަބާ އަކީ ހާއްސަ ކުުޅުންތެރިއެކެވެ. ގިނަ އަހަރުތަކެއް ވަންދެން ޖަރުމަނުގެ ބަޔާން މިއުނިކަށް ކުޅުނު އަލަބާ އަކީ ޑިފެންސްގެ އެކި މަގާމުތަކުގެ އިތުރުން މެދުތެރެއަށް ވެސް ކުޅޭ ކުޅުންތެރިއެކެވެ. ދާދި ފަހުން އަލަބާ ވަނީ ބަޔާން ދޫކޮށްފައި ރެއާލް މެޑްރިޑަށް ސޮއިކޮށްފަ އެވެ. ދެން އެ ޓީމުން ފާހަގަކޮށްލެވޭ ކުޅުންތެރިއަކީ އާނައުޓޮވިޗްގެ އިތުރުން. މެދުތެރެއަށް ކުޅޭ ކޮންރެޑް ލެއިމާ އެވެ.
އޮސްޓްރިއާގެ ކޯޗު ފްރާންކޯ ފޯޑާ.
ކޯޗު: ފްރާންކޯ ފޯޑާ
ވެސްޓް ޖާމަނީ އަށް ކުރިން ކުޅުނު ފޯޑާ ކޯޗިން ކެރިއަރުަގައި ވަނީ އޮސްޓްރިއާ ލީގުގައި ކާމިޔާބީތަކެއް ހޯދައިފަ އެވެ. އޭނާ އޮސްޓްރިއާ ޓީމާ ހަވާލުވީ 2018 ވަަނަ އަހަރުގެ ކުރީކޮޅުގަ އެވެ. އެ ޓީމާ އެކު މިވީ ތިން އަހަރެއްހާ ދުވަސް ތެރޭގައި އޭނާ ވަނީ ޓީމުގެ ކުޅުމުގެ ވައްޓަފާޅި އަށް ބަދަލުތަކެއް ގެނެސްފަ އެވެ. އެ ޓީމުން ޔޫރޯ އަށް ތައްޔާރުވާން ވެގެން އިންގްލެންަޑާ ދެކޮޅަށް ކުޅުނު އެކުވެރިކަމުގެ މެޗުގައި ވެސް ރަނގަޅު ކުޅުމެއް ދެއްކި އެވެ.
ސްކޮޑު:
ކީޕަރުން: ޑެނިއަލް ބަޝްމަން (ވަޓްފޯޑް)، ޕަވާއޯ ޕެރްވަން (ވުލްފްސްބާގް)، އަލެކްސަންޑަ ޝަލަގާ (ލާސްކް)
ޑިފެންޑަރުން: ޑޭވިޑް އަލަބާ (ރެއާލް މެޑްރިޑް)، އަލެކްސަންޑާ ޑްރަގޯވިޗް (ލެވަކޫސަން)، މާކޯ ފްރެއިޑްލް (ވާޑާ ބްރެމެން)، މާޓިން ހިންޓެރެގާ (ފްރޭންކްފާޓް)، ސްޓެފަން ލައިނާ (މުންޗެންގްލަޑްބެކް)، ފިލިޕް ލެއިންހާޓް (ފްރެއިބާގް)، ސްޓެފަން ޕޮޝް (ހޮފެންހައިމް)، ކްރިސްޓޮފާ ޓްރިމެލް (ޔޫނިއަން ބާލިން)، އަންޑްރެއަސް އުލްމާ (ސަލްޒްބާގް)
މިޑްފީލްޑަރުން: ޖޫލިއަން ބޯމްގާޓްލިންގާ (ލެވަކޫސަން)، ކްރިސްޓޮފް ބޯމްގާޓްނާ (ހޮފެންހައިމް)، ފްލޯރިއަން ގްރިލިޓްޝް (ހޮފެންހައިމް)، ސްޓެފަން އިލްސޭންކާ (ފްރޭންކްފާޓް)، ކޮންރަންޑް ލެއިމާ (ލެއިޕްޒިގް)، ވެެލެންޓީން ލަޒާރޯ (އިންޓަ މިލާން)، މާސެލް ސަބިޓްޒާ (ލައިޕްޒިގު)، ލުއިސް ޝޯބް (ލުޒާން)، ޒާވާ ޝްލަގާ (ވުލްފްސްބާގް)، އަލެސަންޑްރޯ ޝޯޕްފް (ޝާލްކާ)
ފޯވާޑުން: މާކޯ އާނައުޓޮވިޗް (ޝަންހާއީ ޕޯޓް)، މިޝެލް ގްރެގޯރިޓްޝް (އޮއުސްބާގް)، ސާސާ ކަލަޑްޒިޗް (ސްޓުޓްގާޓް)، ކަރީމް އޮނީސިވޯ (މައިންޒް)
