‏މައިކްރޯސްކޯޕިކް ޖެނަސް ޕާޓިކަލްތަކަކީ ޕޮލެންގެ ފުކަކަށްވުރެ ވެސް ކުދި ނަމަވެސް، ޒަމާނީ ޓެކްނޮލޮޖީގެ ‏‏އާލާތްތަކުގެ ގޮތުގައި ބޭނުންކުރެވެމުންދާ ފަންނީ އީޖާދުތަކެކެވެ. މި ހާއްސަ ކުދިކުދި ޒައްރާތަކުގެ އެއްފަރާތާއި ‏‏އަނެއްފަރާތް ހުންނަނީ ވަރަށް ތަފާތު ހާއްސަ ސިފަތަކާއެކުގަ އެވެ. މި ޒައްރާތަކުގެ ހާއްސަ ކަމަކީ، އެއް ވަގުތެއްގައި ‏‏އެކި ބާވަތުގެ މަސައްކަތްތައް ކުރުމުގެ ޤާބިލުކަން ލިބިފައިވާ އޭގެ ނިޒާމެވެ‏‎.‎

‏ޕެން ސްޓޭޓް ޔުނިވާސިޓީގެ ސައިންޓިސްޓުން މި ދާއިރާގައި ކުރަމުންދާ ދިރާސާތަކުން ދައްކާ ގޮތުގައި، މި ‏‏ޒައްރާތަކަށް ތަފާތު ކެމިކަލް ތަކުގެ ޒަރީއާއިން އަމިއްލައަށް ހަރަކާތްކޮށް، މައިކްރޯސްކޯޕިކް މަގުތަކުގައި ދަތުރުކޮށް، ‏‏ތަފާތު ތަކެތި އުފުލައި، އަދި ބޭރުން ލިބޭ އިޝާރާތްތަކަށް ރިއެކްޓް ކުރުމުގެ ގާބިލުކަން ހުރެ އެވެ.

މި މަސައްކަތުގައި އެސިސްޓެންޓް ޕްރޮފެސަރު ސްޓުއާޓް މެލޮރީ އާއި އެމަނިކުފާނުގެ ޓީމުން ބައިވެރިވެވަޑައިގެން ‏‏ތިއީރެޓިކަލް އަދި ކޮމްޕިއުޓޭޝަނަލް އެޕްރޯޗްތަކުގެ ޒަރީއާއިން މިފަދަ ޒައްރާތްތަކުގެ ހަރަކާތްތައް ބެލެހެއްޓުމާއި، ‏‏ބޭނުންކުރުމުގެ ފުރުސަތުތައް ހޯދާފައި ވެއެވެ‏‎.‎

‏ޖެނަސް ޕާޓިކަލްތަކުގެ މިފަދަ ހާއްސަ ސިފަތަކަށް ބަލާއިރު، އޭގެ އެންމެ މުހިންމު ބޭނުންތަކުގެ ތެރޭގައި ހިމެނެނީ ސިއްހީ ދާއިރާއާއި ތިމާވެށި ސާފުކުރުމެވެ. ވަކިން ހާއްސަކޮށް ބަލިތަކަށް ފަރުވާކުރުމުގައި، މިފަދަ ކުދި ޒައްރާތަކަށް ‏‏އިންސާނާގެ ހަށިގަނޑުގެ ތެރޭގައި ހަރަކާތްކޮށް، ކެންސަރު ފަދަ ބަލީގެ ސެލްތަކަށް ސީދާ ބޭސް ގެންދިއުމުގެ ‏‏ފުރުސަތު އޮވެ އެވެ. ހަމައެހެންމެ ތިމާވެށީގައި ހުންނަ ޕްލާސްޓިކް ފަދަ ތަގައްޔަރު ކުރުވާ ތަކެތި ދެނެގަނެ، އެތަކެތި ‏‏އުފުލުމުގެ ފުރުސަތު ވެސް މިފަދަ ޒައްރާތަކަށް ލިބެ އެވެ‏‎.‎

‏މެލޮރީގެ ޓީމުން އިތުރަށް ދިރާސާކުރަމުންދަނީ މިފަދަ ޒައްރާތައް އެއްވަރަކަށް އެއްތަނަކަށް އެއްވެއްޖެނަމަ އޭގެ ‏‏ސަބަބުން ނުކުމެދާނެ ނަތީޖާތަކާއި، އަދި މިފަދަ ޒައްރާތަކުގެ ޒަރީއާއިން އިތުރު ވަސީލަތްތައް އުފެއްދުމުގެ ގޮތްތަކެވެ. ‏

‏މި ދިރާސާތަކުގެ ނަތީޖާތަކަށް ބިނާކޮށް، ކުރިމަގުގައި ފަންނީ އީޖާދުތަކުގެ ތެރެއިން ޤުދުރަތީ ގޮތުން ހިނގާ ‏‏ކަންތައްތަކަށް އަލިއަޅުވާލައި، އަމިއްލައަށް އެކުލެވިގެންދާ ނިޒާމުތައް ތަރައްޤީކުރުމުގެ މަސައްކަތް ކުރިއަށްދެއެވެ‏‎.‎

‎"‎‏ދަ ޖާނަލް އޮފް ކެމިކަލް ފިޒިކްސް" ގައި ޝާއިއުކޮށްފައިވާ މި ދިރާސާއިން ދައްކާ ގޮތުގައި، ޖެނަސް ޕާޓިކަލްގެ މި ‏‏ދާއިރާއަކީ ދުވަހެއް ދުވަހަކަށް ކުރިއަރަމުންދާ، އަދި އާ އީޖާދުތަކާއެކު ސިއްހީ ހިދުމަތާއި ތިމާވެށީގެ މައްސަލަތައް ‏‏ޙައްލުކުރުމަށް އެހީތެރިވެދޭނެ ވަސީލަތެކެވެ‏‎.‎