11 ޖަނަވަރީ 2023 - 14:43 0
އާމިނަތު ނިއުޝާ
ސިޓީ ކައުންސިލުން ބުނީ މަގުފާރަަވެރިން ހަރަކާތްތެރިވާންފެށުމުން ގިނަ ކަންތައްތަކަކަށް ހައްލު ލިބޭނެ ކަމަށް -- ފޮޓޯ: މުހައްމަދު ޝާބިން/އަދަދު
11 ޖަނަވަރީ 2023 - 14:43 0
މާލޭގެ މަގުތައް ބެލެހެއްޓުމަށްް "މަގުފާރަވެރިން" އުފެއްދުމަށް ސިޓީ ކައުންސިލުން ނިންމައިފި އެވެ.
މާލެ ސިޓީގެ މަގުތައް ބެލެހެއްޓުމަށް މަގުފާރަވެރިން ނެގުމަށް ނިންމާފައި ވަނީ މާލެ ސިޓީ ކައުންސިލުގެ 4 ވަނަ ދައުރުގެ 84 ވަނަ ޖަލްސާގަ އެވެ.
މަގު ފާރަވެރިން މަސްއޫލިއްޔަތުގެ ތެރޭގައި ހިމެނޭ ކަންކަމަކީ:
މާލެ ސިޓީގެ މޭޔަރު ޑރ މުހައްމަދު މުއިއްޒު ވިދާޅުވީ މިކަމުގެ ސަބަބުން މާލޭގެ މަގުތައް ފުރިހަމަ ގޮތެއްގައި ބެލެހެއްޓުމަށް މަގުފަހި ވެގެންދާނެ ކަމަށެވެ.
"އަޅުގަނޑުމެންނަށް އަމިއްލައަށް ފެނިިގެން ކަންކަން ރަނގަޅުކުރީމާ އަބަދު ޑިފެންސިވް މޯޑުގައި ނުތިބެ އަޅުގަނޑުމެން ކަންކަން ހޯދީމަ ކަންކަން ރަނގަޅުކުރުން އަވަސްވެގެން ދާނެ،" މުއިއްްޒު ވިދާޅުވި އެވެ.
އަދި މަގުމަތީގެ ގަވައިދުތަކާ ހިލާފުވާ މީހުންނަށް ފުލުހުން ފިޔަވަޅު އެޅުމުގެ ކުރިން އެކަންކަން ރިޕޯޓުކޮށް ރަނގަޅުކުރުމުގެ ފުރުސަތު ލިބޭނެ ކަމަށް މުއިއްޒު ވަނީ ވިދާޅުވެފަ އެވެ.
މަގުފާރަވެރިން އުފައްދައި އެ ހިދުމަތް ފެށުމުން ގިނަ ކަންތައްތަކަކަށް ހައްލު ލިބިގެންދާނެ ކަމަށް މުއިއްޒު ވިދާޅުވި އެވެ.
Comment